Oroma 15:7 - Ala Wone Peenok Peebi Mbanak

⁷ Nit Ala tiyappogo logowok nduk, Keritut nit wo'ninabeegerak nogo pogom, kit togop aret kiniki ale'nggen paga kinoreewi wogonako logonip o.

Oroma 15:7 ပူးပေါင်းရင်းမြစ်များ

Matiyut 10:40

“ It aakumi nen kit wokkinakwi iinok ti, an aret wo'nakwi, ndi, an wo'nakwi iinok ti, at nappani wagagerak nogo aret waganggwi, eeko menggaarak.

Marakut 9:37

“Aap ambit ambi, An Yetut oone wagangge minggirak me, yinuk, elege-aabologwe yogobi ambi wagangge kenok ti, an aret wo'nake, ndi, an mban wo'nake lek o. Ata, at nappani wagagerak nogo inom aret wagangge, eeke menggerak o,” yinuk, yoragagerak.

Lukat 15:2

Owagam nagak eeko mbareegwa, it Pariti mendek inom, it Ala wone liiru mbanak unde inom, nen Yetut it aap ti inom wonogwe iigo nogogwaarik, ineebi-ineeba yogo logonet, “Aap yi, aakumi maluk eeka wogonake nagaatik, inom mbi nengge menggerak kiraap!” yogogwaarak.

Lukat 9:48

it nogo yorage logonet, “At kinenggela'me abu tebenak wonage nogo ti, at aap nggwok lombok aret wonage me, aap ambit-ambi, An Yetut oone wagangge minggirak me, yinuk, at wulaga yi, wagangge kenok ti, an aret wo'nake, ndi, an wo'nake kenok, at nappani wagagerak nogo aret wagangge, eeke menggerak o,” yinuk, yoragagerak.

Yaya 13:34

Wone yogop ee'nu, ndogop ee'nu, ngget mendek yokkirage nogo ti, niniki-kiniki kunik eeko logorak ti aret o. An nen kit niniki kunik eekkinake minggi kwak, kit nen niniki-kiniki kunik eeko logonip o.

Yaya 6:37

It an nogoba nen wo'nege nogo abok aret an neya woraagun o. Ndi, it aap an neya wogwe nogo ti, mbo piyaagin mondok lek o.

Oroma 5:2

Ala iniki kunik nen onggo lek we aret obeelom eeppinaneegerak niniki abet mbakwi paga kologogurak wonogwe nogo ti, nit kolaawok nduk koonogo pinaneegerak ninowe Yetut Keritut nogo aret o. Ala tiyanak menggi kwak, nit togop ndak-ndak tiyappinaniyak niniki lunik logonet, ale'nggen mbako ogoorik o.

Epetut 1:12

Ti eeppinaniyak koonogo pereegerak nogo ti, “Nit nen, Keritut ndogop eeppinanigin o,” yinuk, aa'nduk abet mba'nuk, niniki at oba panggombereegurak nogo eerit nogwe paga Ala endage tiyak yuwak nduk, mii'ninabeegerak me, at alut eeko logowok o.

Epetut 1:18

Ti eeke logonet, kit kola nabagip nduk kinayonggo pinagareegerak kiniki lunik wonogwe nogo inom, nit at apuri ake leenak kenok eyate mondok alik negen eerogo wo'niraagin kooneegerak nogo inom, ndi, nit abet mbakwi mendek Ala omaawi mondok iya lombok eeppinanege menggerak nogo inom, kineenu arubagip nduk, “Inikime eya eeginake logot o,” yinuk, Ala yoge minggirak.

Kolote 3:13

yeenggwa-yeenggwa eekwi, eeko logonet, at ambi nen at ambi omaluk mari eerogo pegak eeko logonip o. Kit kinore ambi nen maluk eeppinagage kenok, ninowe nen kit kinomaluk mondok lek eerogo pereegerak nogo ndak-ndak, kit togop aret at maluk eeppinagage nogo, mari eerogo mbo pogo logonip o.