Oroma 15:4 - Ala Wone Peenok Peebi Mbanak

⁴ Maan aa'nduk Ala wone yereegerak liiru mbaneegwaarak nogo ti, nit pekkogo logonet, “Niniki lunik wonogwe nogo, ninaanaganggenggwi lek niniki kwi'ndak wonogwe niinok, abet aret kolaagun,” nineenu a'nuk, ninale'nggen mbaruwok nduk, liiru mbanit wundi wogogwaarak.

Oroma 15:4 ပူးပေါင်းရင်းမြစ်များ

Ndawi 102:18

Aakumi peebi nda'nariyak nogo ineenu ogwe, It aakumi peebi wigannarugun nogo nen Kaliku ALA kendage tiyappugwi, Eeko logowak nduk, Inake liiru mbanogo puurak nogo yi o.

Ndawi 119:50

Maluk eerogo panugwi me, niniki eyak wappanega ti, Wone koonogo paneegindak ti aret. Wone koonogo pereegindak paga Aa'nduk wonagagirak ndak-ndak eeppanege logogin o.

Abakuk 2:2

Ari mbareegi, at Aliku ALA nen an onggo yo'nege logonet, “At liiru mbanak lunemenggerak nogo nen aakumi yoranet nage logowak nduk, kat kabinggaanggo kagandak nogo liiru mbanogo pege, Aakumi nen malenggo logowak nduk, yugum tabak paga kin paga ayo waganogo pege, Eeru o.

Oroma 12:12

Kiniki muk ambi lunik wonogwe me, ale'nggen mbakwi, aaninggin-paaninggin kinoba age kagak kinogogumbuk logonet waganggwi, tamban eeriyak mbo pega'lek kulinik-kalinik eekwi, eeko logonip o.

1 Korindut 10:11

It eereegwaarak nogo ti, in wakkagak nit nineenu aruwok nduk, eereegwaarak me, o age yobok eeriyak eyom panggoni wage kagak, nit yogondak wonogwe yi, niniki liippatuwok nduk, wone yi, liiru mbanniragagerak.

1 Tetalonika 1:3

Kit abet mba'nuk eerit nugwi, aakumi kiniki kunik nen nggwiirit-nggwaarit obeelom eeppiinet nugwi, ndi, ninowe Yetut Keritut paga kiniki lunik wonogwe me, aaninggin kinoba age kagak kinogogumbuk logonet waganggwi, eekwi nogo ti, aberak logonet, ninogoba Ala yogo monggoorak o.

1 Peterut 1:13

Togop me, nowe-nawot o. “Peebi at Yetut Keritut wage eyom paga Ala iniki kunik en obeelom eeppinani woraagin o,” yinuk, wone ti paga kiniki mondok lunik logonet, li'luk agago punuk, kinagaket paga logonip o.