Oroma 15:19 - Ala Wone Peenok Peebi Mbanak

¹⁹ Aberiniki nen omaawi eeppanege kagak, inagabiti warak mendek eeke, eerubok mendek eeke, eerit nage nagagirak nogo, ti mban mbininogo yokkirage agarik o. Ti eerit nege logonet, o Yerutalem enaagan-ambokan time nen o Ilirikum kuli aret Keritut eeke nagagerak obeelom wone nogo abok aret yoranet nege nagagirak o.

Oroma 15:19 ပူးပေါင်းရင်းမြစ်များ

Matiyut 12:28

Ndi, an nen Ala Aberiniki nogo paga kugi nggiginogo wumbiige neenok perak, Ala abu'me pinagarak muk kinowagam aret wagaarak, mbako logonip o.

Yaya 4:48

Yoge mbareegi, Yetut nen at yoge logonet, “Eerubok mendek eeke, kineenu ariyak kinagabiti warak mendek eeke, eeke neyaamunggup lek kenok, kiniki noba panggombunuk, abet nombarumunggup lek kiigi o.”

Nappiigak 1:8

Kit nogo Aberiniki kinoba wambi wage logonet, at omaawi eeppinagage kenok, o Yerutalem inom, o Yureya abok inom, o Tamariya inom, yi awi ndi awi irip-irip time abok aret inom, an eerit nege kinigen neego nogogutak wone nogo yoranet nugu logomunggup o,” yinuk, yoragagerak.

Nappiigak 13:14

O kota Peraga time nen nogogwa-nogogwa, o Pitiriya tini ambi Andiyokiya unggwi nogo nogogwaarik, it Yakuri tamban eekwi paga it tamban eeko menggam unggwi nanuk, kwi'nogogwaarak.

Nappiigak 13:51

Mugogo wumbiigo mbareegwa, it nogo nen, “Kinobaalombok o,” yinuk, iniyok paga liirubu aa'ngga eerogo mbo piinok, o Ikoniyum wogogwaarak.

Nappiigak 14:10

“Kiyok nggik togon mi'naru o,” yinuk, oone nggwok paga yoge mbareegi, at nogo pilak togon mi'na'nuk, nege nagagerak.

Nappiigak 14:20

Mbo wumbogo mbareegwa, it Yetut oone waganeegwaarak nogo nen at eebe oolo kagak, ninggippunuk wonogo mbareegwa, mi'nage nagagerik, o kota nogome unggwi nagagerak. Unggwage nagagerik, nogo yippunuk, ko'lu Mbaranabat imbirak o Nderebe wogogwaarak.

Nappiigak 14:25

O kota Peraga nogome wone yorogo nogogwaarik, o Ataliya unggwi woraanuk,

Nappiigak 14:6

it eeppiyoorak koonogo pereegwaarak wone nogo Pawulut Mbaranabat imbirak inaruk konembunuk, kole o Likawoniya wogo nogogwaarik, o kota Litera inom, o kota Nderebe inom, o time enaagan-ambokan yanggwagak nogo logonet,

Nappiigak 15:12

Yorage mbareegi, it aap kuwak ogogwaarak nogo abok inoone lek puk ogo mbareegwa, Mbaranabat Pawulut imbirak nen Ala eeppiige kagak, it endekem mendek inenggela'me ineenu ariyak inagabiti warak mendek eekwi, eerubok mendek eekwi, eereegwaarak wone mbininogo yorogwe nogo inaruk koneneegwaarak.

Nappiigak 16:18

Togop mban ari kagak, nogo apit yege mbareegi, ne ambi paga at Pawulut eebi mba'nuk, ena nomorogon kolaga nogo pekkage nagagerik, kugi nogo yoge logonet, “Yetut Keritut endage paga kolaga yi, inikime nen wundi nanok nduk, yokkigi o,” awo yoge kagak, kugi nogo nggigik togon wundeegerak.

Nappiigak 17:10

O kiip age mbareegi, it ninoreewi Ala apuri time nen Pawulut Tilat imbirak, “O Mbereya nanip o,” yorogo mbareegwa, oonikiya nogo nogogwaarik, it Yakuri tamban eeko menggam unggwi nogogwaarak.

Nappiigak 17:15

It aakumi Pawulut o Atena pi wogo mbareegwa, Pawulut nen, “Timotiyut Tilat imbirak mbet-mbet neya woraawak nduk, nappiya woranu o,” yinuk, wone agago nappiyareegerak.

Nappiigak 18:1

Ti eeke nagagerik, at Pawulut nogo o Atena teppunuk, o Korindut nagagerak.

Nappiigak 18:19

Eeruwak mbangge nagagerik, o Epetut wunda wogogwaarak. Wunda woraanuk, Pawulut nen Piritikila Akwila imbirak time piinok, at alik it Yakuri tamban eeko menggam unggwi nage nagagerik, it Yakuri mendek Ala wone piinogo yoragagerak.

Nappiigak 19:1

At Apolot o Korindut wonage kagak, Pawulut nogo o Nggalatiya-Perigiya nggelok-nggobok time nage nagagerik, o Epetut unggwi nagagerak. Unggwi nage nagagerik, Yetut oone waganggwi ando time iya nage nagagerik, it yorage logonet,

Nappiigak 20:20

Wone obeelom eekkinaburak wone nogo, ando yuurak nagabiti nen teppege, ando yokkirage, eeke logolik o. Nggwok paga inom, kiname lombok inom, mamunggiranet nege nagagirak kineenu o.

Nappiigak 20:6

Ndi, nit nogo laago Roti Piika'lek Mendek larak nenok, o Pilipi nen yiiro paga unggunuk wogo logonet, nogo 5 aret yegak, o Torowat ninoreewi to'niigwi wonogwe me iya wogogurak. O Torowat unggwi wogo nogogurik, time nogo 7 yereegurak.

Oroma 15:13

“Niniki lunik wonogwe nogo kola nagun aret,” mbarubagip nduk, Aberiniki omaawi paga kiniki kole eeppinagit unggwage kagak, kiniki at oba panggombunuk, abet mbareegutak paga kiniki lunik wonogwe alom unde Ala nogo nen kinale'nggen lombok logobagip nduk, eeppinagage, ndi, wone ambi kinoba aga'lek kiniki abu tayenak lombok logobagip nduk, eeppinagage, eeke logowak o.

Oroma 15:24

yogondak aret o Itapaniyot nage logonet, pekkiigak woroorak mbakirak o. Ndi, wage logominggirik, time ninom ninale'nggen paga logonuk, nappanubagip nduk, kiya woraagin o.

1 Korindut 2:4

Kit kiniki abet mbakwi nogo, aakumi iniki koombunuk, agan nugwi paga panggombunuk logorak lek o. Ata, Ala omaawi paga eekkinabit nage nogo paga mban panggombunuk logobagip nduk, an kinenggela'me ninom wone mbangge, Ala wone yokkirage, eeke logonet, “Wone abok neenu negen,” mba'nuk, noone amburu ndik-ndik paga yokkirage logolik. Ata, kit abet mbarubagip nduk, Aberiniki omaawi paga eekkinake kagak, yokkirage nagagirak nogo o.

2 Korindut 12:12

Kit nen, “Pawulut yi, Ala nen nappiigak mendek logowak nduk, abet aret leenogo pereegerak,” nombarubagip nduk, an niniki kwi'ndak kinenggela'me logonet, yokkirage neegak, kineenu ariyak mendek inom, eerubok mendek inom, kinagabiti warak mendek inom, abok aret Ala nen eeke nagagerak nogo o.

Nggalatiya 3:5

At Ala nen Aberiniki wokkirage, ndi, kinenggela'me eerubok mendek eeke, eeke menggerak nogo ti, kit wone Muta yoreegerak nogo ndak-ndak eekwi paga eeke menggerak ilik, obeelom wone konembunuk abet mba'nuk, waganeegutak nogo paga eeke menggerak a? Kit yinip nda!

Kolote 1:25

Wone o maan nen yogondak kuli kote kumaarak kagak, aakumi nda'narit wundi wogo nogogwaarak kwe, yogondak iluk, it at ake leenak Ala apuri iinok, kin eeppiyareegerak Ala wone kit yokkirage logorak unde eeppaneegerak nogo ndak-ndak, it Ala apuri yi awi ndi awi kuwak eerit nogo menggaarak abok aret inake eeke logokit nduk, inayeloman agago paneegerak o.

1 Tetalonika 1:5

Nit nen wone obeelom wone yokkira wogogurak nogo ti, we nit ninoone paga mban lek o. Ata, Aberiniki omaawi eeppinanege kagak, yokkirogogurak paga kinikime nen, “Ie! Wone yi, mondok abet aret yo'nirogwe iigo o,” yinuk, waganeegutak nogo o. Kit mamunggolaabagip nduk, nit kinenggela'me logonet, nonggop eerit nogo nogogurak nogo ti, kineenu aret o.

Iberani 2:4

“Wone yi abet aret o,” yinuk, waawok nduk, Ala nen ninagabiti warak mendek eeke, tam warak negen eeke, eerubok mendek eeke, eerit nage logonet, ninalitak lombok eeko logowok nduk, at Ala iniki mbareegerak nogo ndak-ndak Aberiniki nen tumbu'niragagerak kwe, mbo pugwi niinok, teppinanigin mbakop? Mondok lek aret o.

1 Peterut 1:12

Mbogut paga nen Aberiniki nappi wagagerak it aap ti, inikime unggwage nagagerik, yorage kagak, obeelom wone yokkirogogwaarak konenggo nogogutak wone nogo, maan it aap Ala nen yorage kagak yoraga nogo nen, wone ti yorogwe iigak, at Ala nen, “Wone yi ti, kit kinake nduk yokkirage lek o. Wone ti, it peebi nda'naremenggaarak inake nduk aret yokkiragi o,” yinuk, kin paga yoragagerak me, it malayikat kunduk wone ti, koneniyak uugwe mbakwi kwe, nit ninake nduk aret yorogo nogogwaarak kogo o.