Oroma 15:17 - Ala Wone Peenok Peebi Mbanak

¹⁷ Togop me, Keritut Yetut nimbirak kunik logonet, Ala ake eerit nage me, niniki ale'nggen mbake agarik o.

Oroma 15:17 ပူးပေါင်းရင်းမြစ်များ

Oroma 4:2

At eereegerak paga Ala nen, “Aap yi, oba lek o,” yinuk, obeelom eeppenetak nen, ti paga panggombunuk wogoppatiyak kwe, “At Abarakam iniki at Ala oba panggombunuk abet mbareegerak paga obeelom agago pereegerak o,” yinuk, Ala wone liiru mbanak wonage ti paga, Ala nen aret eeppereegerak kogoorak me, Ala enggaanom paga at wogoppatiyak ti meek o.

2 Korindut 12:1

An ee'nabeegerak iya mba-reegirak ambi yokkiraakit mbake yi, kit ambi eeppinagarak nduk, yokkirage lek kwe, Ala nen nabinggaanggo paga yo'nereegerak inom, ndi, wone kumaarak wonagagerak nogo paganogo yo'nereegerak inom, mbininogo yokkirage logi o.

2 Korindut 7:4

Kit ninom kunik me, “Abet aret wo'ninabugun,” kinomba'nuk, niniki ale'nggen mbake logonet, yokkiragi o. Aaninggin-paaninggin ninoba age tit kagak kwe, kit abet mba'nuk, eerit nugwi paga niniki eyak wappanugwi me, “Kit yi, iya o,” yinuk, niniki ale'nggen abu alik negen ee'nake agaarik o.

Pilipi 3:3

“Neebe ndogop eeppaneegwaarak o,” yinuk, niniki ti paga panggombunuk, tiyappugwi lek o. Ala Aberiniki nen ninikime yo'nirage kagak, Ala alut eekwi, Keritut Yetut ee'ninabeegerak nogo tiyappugwi, eeko monggoorak nogo ti, ninagabolo abe mbanak nit aret o.

Iberani 2:17

nit aakumi maluk eekwi niinok, Ala anini ninombake nogo, iniki yanggo yuwak nduk, Ala unde inowe nggwok logonet, ninabuwa nen puk aga'lek ko'lu-kii'me ninake eeke logowak nen, nit ee'ninake menggerak nogo, abok aret at ndak-ndak eeriyak age mbareegi, aa'nduk at awuri nit pogom aret eekkolagagerak.

Iberani 5:1

At aap Ala unde inowe nggwok nogo ti, aakumi nen Ala alut eeko logonet, yi mendek ndi mendek ake pi wagaatak nogo, Ala wogoge, ndi, maluk eekaatak nogo, it inake warogo kani kumbege, eeke logowak nduk, Ala nen aakumi inenggela'me nen ambi leenogo mippegak eeke menggerak.