Oroma 14:7 - Ala Wone Peenok Peebi Mbanak

⁷ Nit ninake nen nineenik wonogwe, nit ninake nen kanggwi, eekulik o.

Oroma 14:7 ပူးပေါင်းရင်းမြစ်များ

Takariya 14:21

Yi togolowak ndi togolowak lakak o kota Yerutalem wonage inom, o Yekura wonage inom, abok aret at Omaawi Lombok Menggerak Aliku ALA ake leenak logogin me, it aakumi abok aret Ala ake warogo wogoruwok nduk, woraanuk, togolowak ti, waganogo ti paga lako logogun o. Ndi, ne ti paga aap yi mendek ndi mendek kunit nega nogo, at Omaawi Lombok Menggerak Aliku ALA awi wurik me time inamendek kunggo logogun mondok lek aret o.

Oroma 14:9

It kambeegwaarak inom, nineenik wonogwe inom, ninowe aret a'nuk abu'me pinanikit nduk, at Keritut kangge nagagerik, eenik mi'nagagerak me, nineenik logorak inom, kambuurak inom, at ake mban aret ogoorik o.

Oroma 8:38

Nit ninowe Keritut Yetut mondok ninom kunik wonogwe niinok, Ala iniki kunik lombok ee'ninake menggerak me, nineenik wonogwe paga nen, kanggwi paga nen, it malayikat paga nen, yi kugi ndi kugi inomaawi warak menggaarak paga nen, yogondak wonage paga nen, peebi eerigin paga nen, mbogut paga mendek paga nen, nggween paga yime mendek paga nen, yi mendek ndi mendek ogobakkigirik ti abok aret nen Ala ninom ogoorogo pinanigin mondok lek o, yinuk, abet aret yokkirage agarik o.

1 Tetalonika 5:10

At ninom nineenik mondok logowok nduk, nit ninake kambeegerak me, nineenik wonogwe kenok, kanggwi kenok, op mban aret o.

Titut 2:14

Nit yi maluk ndi maluk eeko monggoorak nogo eeko logokwak ninonggo mbanogo piinogo pinanege, ndi, “An napuri nake leenak logonet, obeelom eeriyak iniki aganggen paga eerit nugu logowak,” mba'nuk, ninomaluk koorogo pinanege, eerikit nduk, nit ninake niya wagagerak.

1 Peterut 4:2

Kit togop aret eerogo patinuk wonogwe kiinok, o yogondak kuli nen nggween paga yayi wonogo logonet, kiniki nen nengge nogo mban mugurok nogo logorak lek o. Ata, Ala iniki mbake nogo mban ndak-ndak eerit nogo logonip o.