Oroma 14:20 - Ala Wone Peenok Peebi Mbanak

²⁰ Yi mendek ndi mendek nunggwi paga at Ala nen eeginabit nage nogo ale-pale eerogo puurak mage o. Yi mendek ndi mendek noorak ti, maluk lek noorak op mban aret kwe, nonggo monggotak ti paga kinoreewi iniyogobit lik togon yigeebu wuppiigwi kiinok, ti maluk aret me, noorak mage o.

Oroma 14:20 ပူးပေါင်းရင်းမြစ်များ

Matiyut 15:11

Nonggo monggotak ti paga maluk eekkinakeelik o. Ata, kinambe me nen wunggetak nogo paga mban maluk eekkinake menggerak o.”

Matiyut 18:6

Wone ambinom yorage logonet, “It aakumi nen elege-aabologwe iniki an noba panggombunuk abet nombako menggaarak yi, maluk eeruwak nduk, inikime manabi wagaatak paga maluk eekwi iinok ti, yugum nggwok gandum yigika waganogo aap ti enggaanok me keele yilinogo punuk, yi yenggenak laut alobok ambik me mbo mambuurak op o.

Nappiigak 10:15

Yoge mbareegi, ambinom at yoge logonet, “Lek o. At Ala nen we ugun nonggo logorak eerogo pereegerak kagak, kat nen, Noorak mage agago pugun o,” yinuk,

Oroma 14:2

Aap ambi nen iniki abet mba'nuk, “Yi mendek ndi mendek ugun noorak op aret,” mbake nagaatik, nengge menggerak kwe, at ambi nen iniki abet mbake nogo awo kole aga'lek me, “We mbi-mbiingga mban naakit,” mbake nagaatik, nengge menggerak.

Oroma 14:21

Kinoreewi iniyogobit lik togon yigeebu wuppiyookwak, kit wam nunggwi, anggur amburu nunggwi, yi mendek ndi mendek eeko monggotak abok aret eekwi, eeka'lek puk logorak op aret o.

Epetut 2:10

Ala nen aret ogobakkigi'ninabeegerak me, nit at amendek aret ogoorik o. Nit nda'naga'lek niigak obeelom eerit nogo logorak Ala nen maan kooneegerak nogo, Keritut Yetut ninom kunik logonet eerit nogo logowok nduk, ogobakkigi'ninabeegerak.

Pilipi 1:6

“At Ala nen obeelom eekkinaburak nduk, aa'nduk eereegerak kuli nogo nen, kinikime eekkinake tit kagak, o age yobok Keritut Yetut woraagin,” an abet aret mbake logonet, yokkiragi o.

Titut 1:15

It aakumi iniki obeelom menggaarak kenok, it inigen me yi mendek ndi mendek obeelom mban aret kogo menggaarak. Ndi, it aakumi abet mbaka'lek maluk mban eeko menggaarak kenok ti, eeriyak inikime abe'nage inom, koonggwi inom, ti maluk mban aret me, it inigen me yi mendek ndi mendek maluk mban aret kogo menggaarak.