Oroma 14:2 - Ala Wone Peenok Peebi Mbanak

² Aap ambi nen iniki abet mba'nuk, “Yi mendek ndi mendek ugun noorak op aret,” mbake nagaatik, nengge menggerak kwe, at ambi nen iniki abet mbake nogo awo kole aga'lek me, “We mbi-mbiingga mban naakit,” mbake nagaatik, nengge menggerak.

Oroma 14:2 ပူးပေါင်းရင်းမြစ်များ

Wakkagagerak 1:29

Yorage nagagerik, at Ala nen, “O nggween paga yime yi mendek ndi mendek eebe nggween me nen piike menggerak inom, iri'ngga-kale'ngga yi eyo ndi eyo anggen yege menggerak inom, abok aret nonggo logobagip nduk, unde eeppinagagi o.

Wakkagagerak 9:3

Ndi, yi mendek ndi mendek ineenik nugu menggaarak nogo ti, kit nonggo logorak op aret o. Ndi, an nen yi mendek ndi mendek engga mili wungge menggerak mendek nonggo logomunggup nduk, wokkiragagirak nogo ndak-ndak yi mendek ndi mendek abok aret nenet nogo logobagip nduk, yogondak wokkiragi o.

Kini Wuppiige 15:17

It aap niniki-kiniki kunik logonet, mbi-mbiingga mban nunggo logorak ti obeelom aret kwe, Neebi-keebi yogo logonet, inaanggo amok warak wappunuk larogo nugwi ti perak, maluk aret o.

Ndaniyen 1:12

“Ai, nogoba. Nineebe liippinanenok nduk, we niyo inom, mbi-mbiingga inom, mban nonggo logorak wo'nirage keegak, nogo 10 aret yuwok o.

Ndaniyen 1:16

Togop iige nagagerik, ne ti kuli nen at aap inarum menggerak nogo nen inambi abe aap endagembogut nengge menggerak inom, inagi anggur amburu inom, it nonggo logorak yereegerak nogo tayoppunuk, mbi-mbiingga mban wogorage nagagerak.

Oroma 14:1

Aap ambi abet mbake kwe, iniki awo kole aga'lek kinenggela'me unggwi wage kenok, kinom kuwak eeriyak op aret kwe, at iniki mba'nuk nen agan nage nogo perak, ti paga wone wariyak lek mbo pinip o.

Oroma 14:14

Yi mendek ndi mendek aburen mage ageelik o. Aakumi nen, “Yi mage o,” yinuk, iniki aberak wonogwe iinok ti, “Mage mendek aret age menggerak o,” yinuk, an nen yokkirage lek o. Ata, ninowe Yetut nimbirak ambit a'nuk yo'nege kenok, “Abet aret kagi,” yinuk, yokkirage agarik o.

Oroma 14:20

Yi mendek ndi mendek nunggwi paga at Ala nen eeginabit nage nogo ale-pale eerogo puurak mage o. Yi mendek ndi mendek noorak ti, maluk lek noorak op mban aret kwe, nonggo monggotak ti paga kinoreewi iniyogobit lik togon yigeebu wuppiigwi kiinok, ti maluk aret me, noorak mage o.

Oroma 15:1

Kit aa'nduk kiniki kole agagerak nogo nen, “Nit mban obeelom eekko'net nugu logowi o,” yinuk, mbako logogup o. Ata, iniki awo kole aga'lek nogo aaninggin inoba age kenok, iniki kole aruwak nduk eyak wappiigo logonip o.

1 Korindut 10:25

“Nggween inom, yi mendek ndi mendek nggween paga wonogwe nogo abok aret inom, at Ala mban unde aret o,” yinuk, liiru mbanak wonage me, kit wam mbanak pasar paga onggo kumbunuk, alom kobak logonet, ugun nonggo logorak op aret o.

1 Korindut 8:9

Togop me, kugi aanggo warak nogo kit nen ugun nenet noorak op aret kwe, kinoreewi ambi iniki abet mbakwi awo kole aga'lek nogo nggelenogo piyookwak, liippinip o.

1 Korindut 9:22

Ndi, it aakumi iniki awo kole aga'lek mendek nogo iniki kole eerogo piyaakit nduk, it inenggela'me logonet, it eeko menggaarak an ndak-ndak aret eeke minggirak. An yi aap ndi aap abok inenggela'me nege logonet, it ambitak Ala nen inagap ndaruwak nduk, it eeko menggaarak abok aret an ndak-ndak eerit nage minggirak.

1 Timotiyut 4:4

Yi mendek ndi mendek Ala nen wakkagagerak nogo ti, obeelom mban aret wakkagagerak me, nit niniki nen, “Wa,” mbako logonet, waganggwi kenok ti, mage lek o.

Titut 1:15

It aakumi iniki obeelom menggaarak kenok, it inigen me yi mendek ndi mendek obeelom mban aret kogo menggaarak. Ndi, it aakumi abet mbaka'lek maluk mban eeko menggaarak kenok ti, eeriyak inikime abe'nage inom, koonggwi inom, ti maluk mban aret me, it inigen me yi mendek ndi mendek maluk mban aret kogo menggaarak.

Iberani 13:9

Yi wone ndi wone alik agan wogwe nogo konembunuk, kiniki nomonggiren nogwe iyo, liippogo logonip o. It ando nen, “Yi mendek ndi mendek nonggo logonet, Yogop ee'nu, ndogop ee'nu,” yinuk, wone lengganak nogo eekwi paga iniki kole eekkolaga'lek we aanom warogo eerit nogwe me, kit nen yogo logonet, “Wone ti paga niniki kole ee'ninaburak lek o. Ata, Ala iniki kunik en eeppinanege kagak niniki kole ariyak ti, op aret o,” yinuk, mbako logonip.

Iberani 9:10

It yi mendek ndi mendek Ala wogori wogo nogogwaarak nogo ti, ineebe op logowok nduk, “Mbi inom, niyo inom, ndogop eerogo punuk nunggwi, kinabin ndogop eerogo kookwi, eeko logonip o,” yinuk, wone yugu kagak alik eeko nagaatik, onggo pi wagak eeko nogogwaarak me, peebi wone ngget mendek kin ari wage kenok, lek eerogo puwak nduk, eeko nogogwaarak kwe,