Oroma 14:13 - Ala Wone Peenok Peebi Mbanak

¹³ Togop me, nit-nit aret nabok-kabok yogo logorak mage o. Ata, nit ambi eerumonggoorak paga ninoreewi iniyogobit lik togon yigeebu wuppiigwi, inaru non mbanogo piigwi, eekwi niyo, liippogo logowok o.

Oroma 14:13 ပူးပေါင်းရင်းမြစ်များ

2 Tamuwen 12:14

kat eekendak paga at Aliku ALA awim nen, At Aliku ALA ti, meek aret kogoo, yinuk, agi'ndok kanggwi me, kapuluk kobaane'me pakendak nogo ti, kambigin areto,” yinuk, yoreegerak.

Yetaya 57:14

Aap ambi nen ari logonet, “Tu koonogo piige, tu koonogo piige, eeke logot o. An napuri woraawam inaru non mbanak wonage nogo worenogo mbo pege logot o,” yinuk, yigin o.

Yetikiyen 14:3

“Aakumi nen ndarak yi wae. It aap yi nen, Kugi eeko logowok o, yinuk, koonogo punuk eekwi, iniyogobit lik togon yigeebu wambuwok nduk ti mban inenggaawak paga punuk eerit nugwi, eeko logonet, yo'nugwi iinok, inoone an nonggop togon koneniyak? Lek aret me,

Ala Unde 19:14

Naliku ALA an aret me, inogoba Ala an nayuk wuko logonet, aap inaruk logu iinok kugi pulunogo piigwi, aap inigen mbuk iinok inaganak waawak nduk, yugum inenaame pi wogwe, eeriyak mage o.

Matiyut 16:23

Yoge mbareegi, at Yetut ena logurogon pekkage logonet, Peterut yoge, “Kat Ibilit negen ari yi, Ala iniki mbake nogo eeriyak mba'nuk ari lek o. Ata, aakumi iniki mbakwi nogo eeriyak mbake logonet, an non mbambanege me, mondok nak o,” yoreegerak.

Matiyut 18:7

Kit o nggween paga yime maluk eerumunggup nduk, eekkinake ti, wonage aret me, kinabuwa o. Maluk eeriyak eekkinake nogo ti, logogin aret kwe, it aap nen kit maluk eerumunggup nduk eekkinakwi iinok perak, inabuwa o.

Matiyut 7:1

Yorage nagagerik, ambinom yorage logonet, “Ala nen perak togon, Kit maluk eekotak o, yinuk, yokkirage kero, kit nen aap ambi eeremenggerak paga, Kat maluk eekendak o, yinuk, kinoone omaawi paga perak togon yoriyak mage o.

Lukat 12:57

Yorage nagagerik, ambinom yorage logonet, “Obeelom eeriyak yi aret kagi, yinuk, kinalitak lombok liippuurak op aret kwe, nano nduk liippega'lek aret ogotik?

Lukat 17:2

Aap ambi nen elege-aabologwe yi, maluk eeruwak nduk, inikime manabi wagaatak paga maluk eekwi iinok, yugum nggwok gandum yigika waganogo aap ti, enggaanok me, keele yilinogo yi yenggenak laut inikime mbo mambuurak op o.

Oroma 14:10

Nit abok ndak-ndak ninowak loongge menggim Ala enggaanom paga mi'narugun me, kit nonggop nduk nabok-kabok yogwe, nonggop nduk kinoreewi miyuk-meya eerogo piigwi, eeko ogotik?

Oroma 14:3

At yi mendek ndi mendek ugun nengge menggerak nogo nen, at we mbi-mbiingga mban nengge nogo, meek eerogo punuk, abok mbaniyak lek o. Ndi, at mbi-mbiingga mban nengge nogo nen, at ugun nengge menggerak nogo Ala nen, “Aap yi kunduk, an naput aret,” mba'nuk, ari me, abok mbaniyak lek mban o.

Oroma 14:4

Kat ta me nduk, aap alik ambi ayeloman kagak, “Kat maluk o,” yinuk, yoriyak op mbake agandik? Ayeloman obeelom eeke kenok teppege, ndi, maluk eeke kenok wumbege, eeke nogo ti, at ogoba nen mban aret eeke menggerak kwe, at ninowe yeenggwaage kenok perak, obeelom eeremenggerak me, eeke logogin aret mbaki o.

Oroma 16:17

Noreewi o. Kit wone waganeegutak nogo it aakumi nen woorak ineebi nen mbo punuk, aakumi iniki ogoorogo piinet nugwi, it aakumi abet mbareegwaarak nogo iniki abut laganogo piinet nugwi, eeginabit nugwi iyo, kinigen liippiigo logobagip nduk, an, “Ao,” mbake logonet, yokkirage agarik o. It aap ti, kinom lambungga'lek mondok ogoorak aret logonip o.

1 Korindut 10:32

An aakumi inale'nggen mbaruwak nduk, inake yi eekak ndi eekak eeke logonet, an obeelom logokit mba'nuk, eekkolage lek o. Ata, Ala nen it inagap ndaruwak nduk, obeelom eeppiinet nage minggirak nogo ndak-ndak, kit togon, it Yakuri mendek inom, Yunani mendek inom, Ala apuri yi awi ndi awi kuwak eerit nogo menggaarak abok aret eeppiinet nogo logonet, non mbanogo piyookwak, liippunuk, eeppiinet nogo logonip o.

1 Korindut 11:13

Togop me, tamban nggwok paga eeko logonet, it kumi inayum nggoorogo punuk, tamban eeriyak op mbakop? Kit nen mban kiniki kooninip.

2 Korindut 5:14

At ambi nit aakumi abok ninobaane'me kambeegerak nogo paga nit abok at ninom kunik me, ninom aret kambeegurak. Ndi, “Nit abok ninobaane'me kambeegerak nogo ti, nit ninobaalombok mban eerit nugu logowok nduk, kambulik o. Ata, at ninake kangge mbareegi, eenik agago mippereegerak nogo, ake eerit nugu logowok nduk, ninobaane'me aret kambeegerak kogo,” yinuk, Keritut iniki kunik lombok ee'ninabeegerak me, eereegerak wone ti, nit puk aga'lek yoragak mban eeriyak ee'ninake agaarik o.

2 Korindut 6:3

Nit ambi eerumonggoorak paga yiluk ari kenok wone yokkirogo logorak unde eeppinaneegerak nogo, meek eerogo pukwak nduk, nit mondok liippunuk mban eeko ogoorik o.

Pilipi 1:10

Kit ti eeko logobagip nduk, kinake tamban eeke minggirak nogo ndak-ndak eekwi kiinok, yi mendek ndi mendek abut mbambunuk, abe kenok mban eeko logomonggotak me, Keritut woroorak eyom ti paga Ala endage alut eerak tiyanak logowak nduk, eyo anggen abu abe yi'nage menggi kwak, Yetut Keritut eeppinagage kagak obeelom mban eeko logomonggotak nogo paga at enegen kiige logomenggerik, “Kit maluk eerulik obeelom mban eeko nogotak o,” yinuk, oone kinoba pinagagin lek o.

1 Timotiyut 5:14

Togop me, it kumi ti nen ambi eeremenggaarak paga it ninom ogoorak nogo nen ninenggali wappinanukwak, it kumi ndugum me togwe piyamenggerak nogo, inogonggelomini kologwe, inaagalogwe ndaganakwi, inamelak wogo eekwi, eeko logorak op aret mbake agarik o.

Yakobut 2:4

kit kiniki nen aap ambi maluk, ambi abe, mba'nuk, yorogo logomunggup nogo lek a? Ndi, inetenggen liippiinok, yorogwe me, aap wone owak loongga nen eeko mengga kwak eeko logonet, maluk aret koombunuk, yorogo logomunggup nogo lek a?

Yakobut 4:11

Nowe-nawot o. Nabok-kabok yuurak mage o. Kit nen kinowe-kinawot inabok mbanggwi, inowak loonggwi, eekwi ti, “Ala nen wone lengganogo yo'niragagerak ti maluk yereegerak,” mba'nuk, yogo logonet, Ala owak loonggwi negen eekwi me, kit wone lengganak eeka mendek lek o. Kit Ala owak loonggo monggotak mendek aret kinombakwi me, togop eerugup o.

1 Yaya 2:10

Ndi, aap ambi nen at awot iniki kunik eeke kenok perak, at o eya paga nage me, nage logonet, aganak kolaagin lek kwe,

Wayu 2:14

Togop aret yogwe iigirak kwe, mbuuluk ambi ninggin eekwi iigirak nogo perak, yoraawak nduk, yoriyak, yokkiri o. It aakumi Iterali mendek nen Ala wone mbo punuk kugi aanggo warak nunggwi, ndi, kumi we ugun-ugun wurinabit nogwe, eeko logowak nduk, at Mbileyam nen aap Mbalak mamunege mbareegi, aap Mbalak nen Iterali mendek mamuniragagerak wone nogo, it Ala apuri o Peragamut wonogwe ando nen wone ti, mugurok nogwe,