Oroma 14:11 - Ala Wone Peenok Peebi Mbanak

¹¹ Ala nen ari logonet, “It aakumi abok aret nabu'me inendobanggun yindu yi wogwe, It abok an nenggaanom paga eeko nogogwaarak nogo paganggwi, Eeko logogun o, yinuk, An neenik minggirak Ala nen mondok abet aret yokkigi o,” yinuk, yereegerak liiru mbanak wonage me,

Oroma 14:11 ပူးပေါင်းရင်းမြစ်များ

Ndawi 72:11

Aap inendagembogut abok aret woraanuk, At abu'me tebe yinuk, ayuk wukwi, Yi aakumi ndi aakumi abok aret at ayeloman ogwe, Eeko logogun o.

Yetaya 49:18

Kat kaagalogwe wologwe kuwak ari wogwe, kat kowagam wogwe, eekwi yi, kuut pilak yinuk, kenegen pegiyet o. Kwe aap lambumbuurak nduk, obaanggi-obaangge li'luk eerogo pogo mengga kwak, It kuwak a'nuk wonogwe nogo paga kat kiniki ale'nggen nggwok eerogo pagagun o, yinuk, An neenik minggirak Naliku ALA nen mondok abet aret yokkigi o.

Yeremiya 22:24

Aliku ALA nen ari logonet, “It Yekura mendek inowe endagembogut Yoyakim aput Yoyakin nogo ti, Abet yo'nege kagi, mbake logowak nduk, an kanggeelik mondok neenik minggirak nendage kumbatinuk yoge yi aret. An neenggi amburu pega neenggi abe'nggan paga yirik nogo kwak at togop aret wonage menggerak kwe, kagak, eebe nggiginogo

Yetikiyen 5:11

At nen ogole warak ogut eerak an nawi abu alik leenak wurik me mambege logonet, maluk eerogo pege, ogole warak mendek eerit nogo logowak nduk teppiige, eeke paga an nen obeelom eeppege, abuwa mbake, abuwa nen teppege, eeke nogo, ambinom eeppege logogin lek o, yinuk, Neenik Naliku Nitok Minggirak an ALA nendage kumbatinuk, yagi o.

Tepaniya 2:9

An Nomaawi Lombok Minggirak Naliku Iterali inogoba Ala nen o Mowap nogo, o Torom kwak eerogo pege, Ndi, it aakumi Amon mendek ti, aakumi Nggomora eerogo piyareegi kwak, eerogo piige, Eerigin o, Yinuk, an mondok neenik menggirak nendage kumbatinuk yagi o. O Mowap ti, alok-palok mban age, Mayu kwaako logonet, nggween kabuneegwa kwak age, Eerak me, Eeri'ngga-kale'ngga lagangga'lek puluk ko eerogo piminggirak me, It an napuri eegu yumbunik wonogwe nogo nen inamendek kugun kologwe, It an napuri eegu pugu wonogwe nogo nen inanggween ineyate kwak unde eekkologwe, Eerugun o,” yinuk, yegerak o.

Linggineegwaarak 14:21

Togop eekirak kwe, o Metit paga time inom, o karume yime inom, nomaawi paga eerubok mendek iya tit eeke neenok, Wi, yinuk, pi wa'nako logonet kwe, ne 10 kuli an nabut mbaniyak nduk eeko logonet, noone konengga'lek tagambunuk maluk mban eerit wundi wogwe me, it inombomini nggween wogoroorak noone abuk nggaruk togon kumbuk mbanogo yoragagim nogome piya naakit lak, it aakumi yi, an meek eerogo panugwi me, ambiriluk ambi o time inigen kaagun mondok lek o, yinuk, o nggween paga yime menggaarak abok nen Naliku an ALA eeke neenok, Wi! nugwi an mondok neenik minggirak nendage paga nowak mbanogo yokkigi o.

Linggineegwaarak 14:28

it Iterali wone yoroorak nogo yokkira o. It nen nenggaanom paga yogwe iigirak nogo an abu konenggirak me, Abet aret eeppinanigin, yegerak, kagi, mbaruwak nduk, an mondok neenik minggirak Naliku ALA nogo nen aret nendage kunogo yora o.

Matiyut 10:32

“Kit nen aakumi inenggaanom paga, Yetut ti, ninowe aret o, yinuk, paganggwi kiinok, an kunduk, nogoba mbogut paga mendek enggaanom paga, It aap yi, an nawuri aret o, yinuk, paganigin kwe,

Oroma 10:9

“At Ala nen kambunuk nogo menggam nen Yetut abet aret eenik agago mippereegerak o,” yinuk, mbako logonet, “Yetut ti, ninowe aret o,” yinuk, aakumi inenggaanom paga paganggwi kiinok, Ala nen kinagap ndarigin o.

1 Yaya 4:15

Kit nen, “Yetut ti, Ala aput aret o,” yinuk, paganggwi kiinok, at Ala kit kinom kunik wonage, ndi, kit at kinom kunik wonogwe, eeko logomunggup o.

2 Yaya 1:7

It aap ando nen, “Yetut Keritut ti, aap kwak nggween paga yime nda'narulik o,” yinuk, aakumi inambo'me laganuwok nduk yoranet nogo menggaarak mendek yi o ndi o ineebe ambik aret wonogwe o. It aap ti, Pilit Keritut negen logonet, pilit-pilit aret aakumi inambo'me laganggo menggaarak me,

Wayu 5:14

it aakumi nen iigulik mendek ineebe 4 nogo nen, “Abet aret yaga o,” yinuk, “Amin,” mban yogwe, ndi, it inoweewi 24 nogo nen Ndomba Aagaluk nogo abu'me tebe yinuk, alut eekwi, eekwi iigirak o.