Oroma 14:1 - Ala Wone Peenok Peebi Mbanak

¹ Aap ambi abet mbake kwe, iniki awo kole aga'lek kinenggela'me unggwi wage kenok, kinom kuwak eeriyak op aret kwe, at iniki mba'nuk nen agan nage nogo perak, ti paga wone wariyak lek mbo pinip o.

Oroma 14:1 ပူးပေါင်းရင်းမြစ်များ

Ayup 4:3

Kat nen aakumi ambik aret mamunirage, Ineenggi ndeyak wonogwe iinok, inomaawi eerogo piige,

Yetaya 40:11

Aap ambi andomba ndegeninake menggi kwak andomba ndegeninake, Ndomba aagalogwe waganogo ogome wogonake, Wogoren nage logonet, aagalogwe inelak kuninake kagak toriige, Eeke agaarik o.

Yetaya 42:3

Nggawi owak taganak nogo at nen kalenogo mbo pege, Ndi, keele kani kuru aago kagak wunuk ari nogo at nen nogonogo mbo pege, Eerigin lek o. Wone yugu it aakumi a'me nggelok eeko logowak nduk, liirogon aret yoranet nege logogin o.

Yetikiyen 34:16

It lek ogwe iinok, an nen kwaarinake, kobak aago nugwi iinok, wogoren piya wage, inawinde-inobaande aago iinok, nggerembiige, inomaawi lek iinok, inomaawi eerogo piige, eeke logonet kwe, ineeruwak anen pera-pera aago inom, inomaawi ambik wonogwe inom, ti lek eerogo piyaagin o. Nandomba unde wogonake logonet, it inobaabut eekwi ndak-ndak eeppiige logogin o.

Yetikiyen 34:4

It ti eeko logonet, inandomba ineebe ndeyak kenok inomaawi eerogo piigwi, ineebe andi kenok obeelom eerogo piigwi, inawinde-inobaande aago kenok nggerembiigwi, kobak agaatak wonogwe iinok wogoren piya wogwe, ineebe lek ogwe iinok kwaarinakwi, eeka'lek mbo piinok, inanini paga eeppiigwi, iniyok konden aan lebenogo piigwi, eeko logonet, ndegeninako menggaarak o.

Matiyut 12:20

Op eekwi, maluk eekwi, onggo a'me nggelok eeppiinet nage nogo, Nggwok aruwak nduk, awo eeka'lek logonet, Nggawi owak taganak nogo at nen kalenogo pege, Ndi, keele kani kuru aago kagak wunuk ari nogo, At nen nogonogo mbo pege, Eerigin lek mban.

Matiyut 14:31

Yoge mbareegi, Yetut eenggi nggerok togon pigagangge logonet, “Kat kiniki liirogon abet nombaka'lek yi, nonggop nduk kiniki mbere wonage agandik?”

Matiyut 18:10

Yorage nagagerik, ambinom yorage logonet, “It elege-aabologwe inarum wako menggaarak malayikat nogo nen an nogoba mbogut paga mendek enggaanom paga mondok-mondok paganogo yogo menggaarak me, kit nen elege-aabologwe yi, meek inombakwi kiyo, kiniki liippogo logonip o.

Lukat 17:2

Aap ambi nen elege-aabologwe yi, maluk eeruwak nduk, inikime manabi wagaatak paga maluk eekwi iinok, yugum nggwok gandum yigika waganogo aap ti, enggaanok me, keele yilinogo yi yenggenak laut inikime mbo mambuurak op o.

Yaya 13:20

Kit ambi nen it an nappiya wage minggirak nogo wogonakwi kiinok, an aret wo'nakwi, ndi, an wo'nakwi kiinok, at nappani wagagerak nogo aret waganggwi, eeko logomunggup o, yinuk, mondok abet aret yokkiragi o,” yoragagerak.

Nappiigak 28:2

Nit wundi nogogurak wonogwe niigak, mayu wage logonet, tero ambik ninooreegerak me, it time mendek nen ninabuwa nggwok mbako nogogwaarik, kani kumbunuk, keyage warogo tero wora'ninabeegwaarak.

Oroma 11:15

At Ala nen Iterali mendek mbo piige nagagerik, yi aakumi ndi aakumi endekem konenggulik mendek abok aret, “Ninom lambunik logowok o,” yinuk, lambunogo piyareegerak ti, iya negen kwe, it mbo piyareegerak nogo wogonake kenok perak, abunuk mondok iya lombok eeppiyaagin mbaruwok o. Aakumi kanggaatak negen kobak agaatak me, kwaarinako nagaatik, iniki ale'nggen paga keyage ndonggorogon wogonako mengga kwak, peebi ti togop aret eerogo wogonabigin o.

Oroma 14:2

Aap ambi nen iniki abet mba'nuk, “Yi mendek ndi mendek ugun noorak op aret,” mbake nagaatik, nengge menggerak kwe, at ambi nen iniki abet mbake nogo awo kole aga'lek me, “We mbi-mbiingga mban naakit,” mbake nagaatik, nengge menggerak.

Oroma 14:21

Kinoreewi iniyogobit lik togon yigeebu wuppiyookwak, kit wam nunggwi, anggur amburu nunggwi, yi mendek ndi mendek eeko monggotak abok aret eekwi, eeka'lek puk logorak op aret o.

Oroma 14:3

At yi mendek ndi mendek ugun nengge menggerak nogo nen, at we mbi-mbiingga mban nengge nogo, meek eerogo punuk, abok mbaniyak lek o. Ndi, at mbi-mbiingga mban nengge nogo nen, at ugun nengge menggerak nogo Ala nen, “Aap yi kunduk, an naput aret,” mba'nuk, ari me, abok mbaniyak lek mban o.

Oroma 15:1

Kit aa'nduk kiniki kole agagerak nogo nen, “Nit mban obeelom eekko'net nugu logowi o,” yinuk, mbako logogup o. Ata, iniki awo kole aga'lek nogo aaninggin inoba age kenok, iniki kole aruwak nduk eyak wappiigo logonip o.

Oroma 15:7

Nit Ala tiyappogo logowok nduk, Keritut nit wo'ninabeegerak nogo pogom, kit togop aret kiniki ale'nggen paga kinoreewi wogonako logonip o.

Oroma 4:19

At Abarakam nen at eebe pekkolage logonet, “An nda'nagagirak neegak, tahun 100 aret ariyak age me, abu kambuurak negen ee'nake, ndi, nakweeluk Tara nogo kunduk, ndariyak meek aret age, eeke kagi,” mbake logonet kwe, iniki yungguppegak eerulik abet aret mbareegerak me,

1 Korindut 9:22

Ndi, it aakumi iniki awo kole aga'lek mendek nogo iniki kole eerogo piyaakit nduk, it inenggela'me logonet, it eeko menggaarak an ndak-ndak aret eeke minggirak. An yi aap ndi aap abok inenggela'me nege logonet, it ambitak Ala nen inagap ndaruwak nduk, it eeko menggaarak abok aret an ndak-ndak eerit nage minggirak.

Pilipi 2:29

Ndi, kit an eeppaniyak mbareegutak nogo obaane'me at aret eeppani wage logonet, “Keritut ake eerit nage logonet, kambuurak op aret o,” yinuk, agabiti nen eebe ili yikkoloolik aret neya wagagerak me, yogondak kit kiya wage ti, “Ninore Keritut imbirak kunik nogo niya wage yi o,” yinuk, kiniki ale'nggen paga keyage warogo wanip o. It aap togoti mendek ambi kiya wogwe iinok, keyage warogo wogonako logomunggup o.

1 Tetalonika 5:14

Ndi, noreewi o. It aap iniki nen alik eerit nugwi iinok, inaruk wakwi, aaninggin inoba age kero, inagabiti mbakak nugwi iinok, iniki kwippiigwi, iniki awo kole aga'lek kenok, eyak wappiigwi, ndi, aakumi abok kinoone yanggorogon yorogwe, eeko logonip o.

Iberani 5:14

omaawi mendek nunggwi iinok perak, aap kole iniki warak pogom, Ala wone mondok liippunuk eekwi me, maluk eeriyak obeelom eeriyak eraambe yelok aret kogo menggaarak.

2 Yaya 1:10

Aap ambi wone yi mendek lek alik mendek wonok yokkira wage kenok, keyage warogo kiname mambuurak mage o.