Oroma 13:7 - Ala Wone Peenok Peebi Mbanak

⁷ wone yugu mugurok, “Wo'niraanip o,” yinuk yokkirogwe iinok, wogorogo logonip o. Kinarum wonogwe onggo wogoraga'lek kenok, wogorogwe, yi mendek ndi mendek wonok o yime unggwit woroorak, “Onggo ndogop pinip o,” yokkirogwe iinok, wogorogwe, “Ninayuk wuko logonip o,” yokkirogwe iinok, inayuk wukwi, “Nit kinogobamini aret me, tiyappinanggo logonip o,” yokkirogwe iinok, tiyappiigwi, eerit nogo logonip o.

Oroma 13:7 ပူးပေါင်းရင်းမြစ်များ

1 Endagembogut 3:17

kwe ore kwak nogo nen, “Nogoba o. Kwe yi, nimbirak ninawi ambit me wonogo logonet, naagaluk ndakirak o.

Wundeegwaarak 20:12

Naliku an kinogoba Ala nen kinanggween wokkiraawam time logonet, li a'nuk kanggo logomunggup nduk, kinagalo-kinogoba inayuk wuko logonet, inoone liirogon konenggo logomunggup o.

Kini Wuppiige 24:21

Napuluk yi wae. Yorogwe ineebi mbakwi iinok, it imbirak nen aaninggin mendek yini-panip inoba nappi woraagun me Ndi, nano mendek nappi woraagun nogo aap ta nen eenu wonage mbaken? Lek aret me, Aliku ALA inom, aap endagembogut inom, yorogwe iinok, “Eeriyak nineebi o,” yogo menggaarak nogo kinom ariyak mage o. Ata, it imbirak nogo ti, inayuk wuppunuk, inoone konengge logot o.

Kini Wuppiige 3:27

Aakumi eeppiyaanok nduk unde eeppagamenggerak logonet, Op eerit nugwi iinok, non mbanogo piiga'lek obeelom eeppiige logomunggun o.

Ala Unde 19:3

Naliku inogoba Ala an aret me, inalitak lombok nen inagalomini-inogobamini inayuk wukwi, ndi, nogo 6 yippunuk, ko'lu paga yonggonggologo logorak nake leenogo pateegirak nogo liirogon aret abekwi, eeko logowak o.

Ala Unde 19:32

Naliku ALA an aret me, aap inanggok iinok, inabu'me tebe yinuk inayuk wukwi, ndi, an inogoba Ala inagabiti nombakwi, eeko logowak o.

Matiyut 17:25

Yogo mbareegwa, Peterut nen, “Lek o. Pege menggerak aret o.” Yorage nagagerik, oome unggwage mbareegi, at Yetut nen Peterut aa'nduk yoge logonet, “Timon wae. It aap inendagembogut o nggween paga yime menggaarak nogo it unde menggam unggwi wogwe iinok, Onggo pinip o, yorogwe nogo ti, it inapuri yorogwe a, aap inambik yorogwe a, nonggop mbaken o?”

Matiyut 22:21

Yorage mbareegi, it nen, “Lek o. Ti Kayitat aret o.” Yogo mbareegwa, at nen, “Ti kenok, Kayitat amendek ti, Kayitat aret wogogwi, ndi, Ala amendek ti, Ala aret wogogwi, eeko logonip o.”

Marakut 12:17

Yogo mbareegwa, at Yetut nogo nen, “Ti kenok, Kayitat amendek ti, Kayitat aret wogogwi, ndi, Ala amendek ti, Ala aret wogogwi, eeko logonip o,” yinuk, yorage mbareegi, it nogo nen, “Wi!” yinuk, pi wareegwaarak.

Lukat 20:22

aap endagembogut Kayitat ake wu puurak ti, op a, mage a?”

Lukat 20:25

Yorage mbareegi, it nen, “Lek o. Ti Kayitat aret o.” Yogo mbareegwa, at Yetut nen, “Ndi, ti kenok, Kayitat amendek ti, Kayitat aret wogogwi, ndi, Ala amendek ti, Ala aret wogogwi, eeko logonip o,” yinuk, yoragagerak.

Lukat 23:2

Wonok nogo nogogwaarik, inoone pilit at oba pogo logonet, “Aap yi, nit aakumi abok ninabut wurit nege logonet, aap endagembogut Kayitat o unde wonage onggo wu wogoriyak mage o. Kinowe endagembogut Keritut an aret o, agan nege me, kwaakkogoorak o.”

Oroma 12:10

Kinowe-kinawot kiniki kunik eeginako monggotak kwak, kinoreewi kinom niniki-kiniki kunik eeko logonip o. Nabu'me-kabu'me logonet, at ambi tiyappegak eeko logonip o.

Oroma 13:6

It Ala nen mippiyareegerak nogo Ala ayeloman logonet, liirogon ninarum wonogwe kenok, ninarum wonogwe onggo wogorogo monggoorak me,

Epetut 5:33

Ata, kit aap kineebe kiniki kunik eekkologo monggotak kokwak, kinalitak lombok kinakuwi inabuwa mbakwi, ndi, kit kumi kunduk, kinogonggelomini inayuk wuko logonet, inabu'me tebe yinuk, inoone konenggwi, eeko logobagip nduk, inom aret yokkirage agarik o.

Epetut 6:5

Kit aakumi inayeloman monggotak yi wae. Kit nen, “Nogoba yi, Keritut kwak me,” yinuk, kinagabiti mbakak inayuk wuko logonet, kiniki obeelom yanggonak paga inoone konembunuk, inake eeko logonip o.

1 Timotiyut 5:13

Ooluk-ooluk nogo yit nogo logonet, ineenggi lebenak eekko'net nugu menggaarak. Ti mban eerit nugwi ti lek o. Ata, wone inambe irip paga wonok nugwi, ambi me wok yagak nugwi, eerit nugu logonet, wone yuurak lek nogo mendek kagak ugun agan nugu menggaarak.

1 Timotiyut 5:17

Ala nen ari logonet, “Lembu nen iniyok gandum anggen mbelanit nage kagak ando nunggwi iyo, inambe keele maarogo piigo logorak mage o,” ari, ndi, ambi, “It aap yabu eeko menggaarak yabu onggo woorak op aret o,” yinuk, ari, yereegwaarak liiru mbanak wonage me, it aap Ala apuri unde menggaarak inendage tiyanak kwe, obeelom lombok inarum wonogwe me nduk, inendage ambinom tiyappuurak ti op aret o. It Ala wone nggwok paga yorogwe, wone mamunirogwe, mondok nabenak mban eekwi iinok ti, abunuk ambinom inendage tiyappiigo logonet, liippiigo logowak o.

1 Timotiyut 6:1

Ala endage inom, nit wone mamunirogwe nogo inom, miyuk-meya eerogo pukwak, it aakumi inayeloman nen, “Ninogobamini aret o,” yinuk, inoone konenggo logonet, inayuk wuko logowak o.

1 Peterut 3:7

Togop me, yogondak kit aap kinakuwi warak nen eeko logorak ambi yokkira o. It kumi ineebe ndeyak inomaawi lek wonogwe me, kinakuwi kinom logonet, inabuwa mba'nuk yeenggwaarogwe, ndi, kiniki ogoorak logonet, kinom tamban eeriyak meek eekkinake kero, “Ala ninabuwa nen nineenik mondok logorak mendek ninakuwi ninom ndak-ndak unde eeppinanigin o,” yinuk, obeelom eeppiigwi, eeko logonip o.

1 Tamuwen 12:18

Yorage nagagerik, at Tamuwen nogo nen Aliku ALA yoge mbareegi, ne ti eyom paga aret o ngguurubu eeke, mayu wuppi wage, eeke mbareegi, it aakumi abok aret Aliku ALA inom, Tamuwen inom, it paga inagabiti nen, “Ia!” mbareegwaarak.