Oroma 13:13 - Ala Wone Peenok Peebi Mbanak

¹³ Amburu nonggo nagaatik, kumili-kumili negen agan nugwi, ndem wappunuk, kwaanggen wako logonet, kumi ugun wuginakwi, iniki nen nengge kenok ugun eerit nugwi, ndugwi pit nugwi, “An ambi eerikit lak, at mban eeke yi, neebi a,” yinuk, agan nugwi, eerit nugu logorak mage o. Ata, o liingge paga logonet, eeko mengga kwak, nit togop aret eeko logowok o.

Oroma 13:13 ပူးပေါင်းရင်းမြစ်များ

Kini Wuppiige 23:20

It amburu kumili aganaka nengga inom, wam kiinduwak linik inom, ineenggi lek age, Ndi, we nogo mban yugwi iinok, inayum nibinik-ndelenak age, Eeke menggerak me, Aap anggur amburu ndonggok togon nunggwi, wam kiinduwak me, ndonggok togon nunggwi, eekwi iinok, kinom noorak mage o.

Lukat 1:6

It imbirak ninogoba Ala nen, “Yogop ee'nu, ndogop ee'nu,” yegetak wone inom, lengganinaketak wone inom, alik eerulik mondok ndak-ndak aret eerit nugu nogogwaarak me, Ala nen it iniki mondok abe koonak aret iige nagagerak.

Lukat 16:19

Yorage nagagerik, wone ambi yorage logonet, “Aap ambi eenggi warak lombok me, ayum laambu kigirikwe mban yikkolage nagagerak. At ko'lu-kii'me paalo aago mban logonet, ale'nggen mban wonagagerak.

Lukat 21:34

Wone ambinom yorage logonet, “Ta'na pugu ne ambit paga pagi aan mbelek togon wake menggi kwak, Ne ti paga ndogop eekkinabigin o, yinuk, wone yokkiragarak nogo, kit aakumi o nggween paga abok aret ne ambit perak togon eekkinabi woraagin me, yi mendek ndi mendek kinaanoguma'le ndenok yogoorak nenet nugwi, amburu kumili eeginake mendek nenet nugwi, Namendek nonggop kolaakit o, yinuk, kiniki koonit nugwi, eeko logonet, kiniki ugun kobak arumonggotak wonogwe kiyo, kiniki tum wakkologo logonip o.

Nappiigak 2:15

Yorage nagagerik, “Mo awo pi wage kagak, oonegen 9 paga aret me, it yi, anggur amburu nenok kumili-kumili negen agan nugwi mbakotak ti lek o.

Nggalatiya 5:19

Iniki maan mendek paga eeko menggaarak nogo yi o. Kumi ugun wurinabit nugwi, iniki kumi paga mban lunik logonet ugun-ugun aganabit nugwi, iniki nengge kenok mugurok nogwe,

Nggalatiya 5:21

neebi-keebi yogwe, amburu nenok kumili-kumili agan nugwi, kwaanggen wappunuk inoone amburu paga kumi ugun-ugun eeginabit nugwi, ti mendek abok aret it eerit nugwi iinok, at Ala abu'me piige menggim nogome unggwi nagun mondok lek aret o, yinuk, aa'nduk yokkiragagirak nogo aret yokkiragi o, noreewi.

Epetut 4:1

Ti kenok, noreewi o. Kit eeko logorak yonggo pinagareegerak Ala nen kit ndak-ndak aret eerit nogwe kiyaawak nduk, an ninowe oone wonok yoranet nege paga keele maa'nabeegwaarak nogo nen, “Ao,” mbake logonet, yokkiragi o.

Epetut 4:17

Togop me, noreewi o. “It aakumi Ala wone konenggulik endekem mendek nen we aanom warogo koombunuk, eerit nogo mengga kwak, kit togop eerugup o,” yinuk, ninowe nen yo'nege kenok yokkiragi o.

Epetut 5:15

Togop me, kit eerit nogo monggotak nogo, mondok liippunuk eerit nogo logonip o. O yi eyom paga aakumi nen maluk mondok alik negen eerit nogo logorak koonggwi me, kiniki lek we ugun eerit nogo logorak ti mage o. Ata, kiniki mondok warak logonet, “O yogondak obeelom eeriyak ambi yi, nanonggwan agaarak me, eerikit o,” mba'nuk, eerit nogo logonip o.

Epetut 5:18

Ndi, anggur amburu nonggo logomonggotik, kumili kunit namonggotak paga maluk eekkinaburak me, mbo punuk, Aberiniki mban kiniki me liinik logowak nduk, eeko logonip o.

Epetut 5:8

Kit aa'nduk o apit paga nogo nogogutak kwe, yogondak kinowe nen muk eya eerogo pinagareegerak me, Ala apuri eya paga logonet, eeko mengga kwak, kit togop aret eerit nogo logonip o.

Pilipi 1:27

An yime wonage neegak eekwi konenigin a, time kiya wage neenok eekwi kiyaagin a, kit obeelom wone abet mba'nuk waganeegutak nogo, mbo pega'lek kiniki ambit a'nuk, nu'lek logonet, eerit nogwe neenu arigin me, obeelom wone Keritut nen yo'niragagerak nogo, ndak-ndak liirogon aret eerit nogo logonip o.

Pilipi 2:3

Kit yi mendek ndi mendek eeko logonet, ambi koloorak nduk eeppiigwi, ndi, “Tiyappinanuwak,” mba'nuk eekwi, ti eerugup o. Ata, kiniki tebenak logonet, “An ti, meek, ndi, nore perak, iya o,” mbako logonet, eeppiigo logonip o.

Kolote 1:10

Kinake tamban eekwi ti, ninowe inikilom kinombaruwak nduk, ndak-ndak eerit nogo logonet, eyoonggen abe yi'nage menggi kwak, obeelom eerit nogwe, ndi, Ala eeke menggerak kineenu ogo logonet, kiniki kole ogwe, eerubagip nduk, kinake tamban eeko monggoorak.

Kolote 3:5

Togop me, noreewi o. Kumi ugun wurinabit nogwe, kiniki kumi paga mban lunik nugwi, kiniki nengge nogo mugurok nogwe, maluk eeriyak mban kinikilom mbakwi, yi mendek ndi mendek koloorak uugwe mba'nuk, tiyappugwi nogo ti, kugiwak alut eekwi ndak-ndak me, uugwe-uugwe mbakwi, eeriyak mage o. Ti eerit nogwe kiinok, Ala anini abet aret kinoba pinagarak me, ti eeriyak eekkinake nogo abok aret mondok warogo wuppogo logonip o.

1 Tetalonika 5:17

Puk aga'lek tamban mban eeko logonip.

Yakobut 4:5

“Ala nen Aberiniki ninikime mambinaneegerak wonage kagak, niniki nengge nogo mugurok nogwe niinok, Aberiniki nogo nen, Ao, yinuk, iniki wakkolage menggerak o,” yinuk, Ala wone liiru mbaneegerak nogo ti, we mbaneegerak mbakop?

2 Yaya 1:4

At ninogoba Ala nen, “Yogop ee'nip o,” yo'niragagerak nogo kat kaagalogwe ando kinom ndak-ndak eerit nogwe konengge nagarik, an niniki abu ale'nggen mbakirak o.

Yurat 1:23

it ando nen kani omoonu'me nogwe me, kinagabiti mbaka'lek inagap ndarogo piya wogwe, ndi, it ando perak, iniki nengge mugurok nogo logonet, mbogoyum laambu abe me mili mondok nabek yi unggwage menggi kwak maluk eekwi ti, ogole warak me, ninom lambunggologwe niyo, “Ninagabiti o,” mbakwi kwe, kagak, inabuwa mbako logonet yorogwe, eeko logonip o.