Oroma 12:9 - Ala Wone Peenok Peebi Mbanak

⁹ Kiniki laakot logonet, kiniki kunik aganako logogup o. Ata, inabuwa nen kiniki kunik aganako logonip o. Yi maluk ndi maluk eekwi ti, kineebi mbako logonet, obeelom eeriyak kenok mban kinikilom mbako logonip o.

Oroma 12:9 ပူးပေါင်းရင်းမြစ်များ

Ndawi 101:3

An neegak maluk eeriyak ti, “Mage o,” yorage, Eeke logogin o. It aap an noone liippuurak ineebi mbakwi nen Eerit nugwi nogo an neebi inombake, It an ninom kunik logorak lek aret inombake, Eeke logogin o.

Ndawi 119:104

Eeko logorak koone yugu nogo Liippit unggwage minggirak paga Abe eeriyak lek kagak eerit nugwi nogo An neebi lombok mbake minggirak o.

Ndawi 119:163

It aap pilit agan nugwi ti, mondok neebi mbake, Peyak wurik kwak agan nugwi mbake, Eeke minggirak kwe, Koone Muta nen liiru mbaneegerak ti perak, Niniki kundugu lombok minggirak.

Ndawi 34:14

Ndi, maluk mendek mbo punuk, Obeelom mendek kenok mban eerit nugwi, “Nonggop agago niniki ambit lambunik logorak,” koonggwi, Abu koombunuk ti aret kinomaawirogon mugurok nogwe, Eeko logonip o.

Ndawi 36:4

It nogo yogo menggam logonet kunduk Maluk eeriyak mban koonggwi, It eerit nugwi nogo ti, Obeelom lek maluk mban aret eerit nugwi, Maluk eeriyak eerinake nogo Mbo puurak mbaka'lek aret eekwi, Eeko menggaarak o.

Ndawi 45:7

It obeelom eekwi iinok ti, kinikilom mbake, Ndi, maluk eekwi iinok ti, keebi lombok mbake, Eeke menggendak me, At Ala ti, kat kogoba Ala aret me, Iniki ale'nggen kombake logonet, Amburu kilirogo pagareegerak paga Koreewi tebenak iigak, inirimbaga tiyappagaregerak o.

Ndawi 55:21

Wam amburu anen pera aago menggi kwak, oone amburu ndik-ndik agan wage, Eeke menggerak kwe, Ogogumbuk anini ambik menggerak o. Inagabolo abe aruwak nduk, amburu eeko mengga kwak, Iniki nomonikit nduk oone yanggorogon agan wage kwe, At ari ti, Wooluwak engget mbup nggabenak kwak aret menggerak.

Ndawi 97:10

Yoragaatak konembunuk liirogon eerit nugwi nogo Aliku ALA nen inarum wonage, Aap maluk mendek ineenggime nen inagap ndake, Eeke menggerak me, Kit at Aliku ALA kiniki kunik eeko monggotak yi wae. Maluk kineebi mbako logonip o.

Kini Wuppiige 26:25

Aap ti, anini nen aakumi eeppiyoorak mbake 7 kuli aret inikime wonage me, Oone aberogon agan nage nogo ti, karuk koneniyak mage o.

Kini Wuppiige 8:13

Aliku ALA inagabiti mbakwi ti, “Maluk nineebi o,” mbakwi ti aret. Iniki wogoppakwi, Nit iya, mbakwi, Ineraambe maluk lombok eerit nogwe, Inambokan laganuwak nduk agan nugwi, Eekwi ti, An neebi lombok mbake minggirak o.

Yetikiyen 33:31

yogo nagaatik, ineebe an napuri negen a'nuk, ambik aago wogo nagaatik, kat koone konenuwok nduk kowagam kwi'nari wogo menggaarak kwe, kat nen it yorage nogo eekulik aret menggaarak o. It inambe paga, Aakumi niniki kunik eeginako monggoorak o, yinuk, yogwe kwe, iniki perak, aakumi wiwi aganako logonet, ineenggi warak eekkoloorak nogo mendek mban mugurok nogo menggaarak.

Amot 5:15

At Omaawi Lombok Menggerak Aliku Ala nen kit Yutup mendek eegu yumbunik wonogwe nogo, kinabuwa mbake kagak eerukwak, Maluk eeriyak kineebi mbakwi, Obeelom eeriyak kiniki kunik eekwi, Ndi, inowak loonggo menggam aakumi inowak loonggo logonet, eekaatak ndak-ndak eeppiigwi, Eeko logonip o.

Matiyut 26:49

at nogo nok-nok Yetut owagam nage nagagerik, “Nogoba ngguru wa,” yinuk, kambugereegerak.

Yaya 12:6

Wone yereegerak nogo ti, it aap inamendek lek nogo inabuwa mba'nuk yereegerak ti lek o. Ata, at aap kiraaka mendek me, inawu yonggolak nogo at aret porogo logonet, ando kolagak eeke nagagerak me nduk, yereegerak.

Nappiigak 11:23

At Mbaranabat nogo iniki kwi'ndak me, iniki abet mbake logonet, yungguppegak eeke logolik Aberiniki inikime mondok liinik wonage me, nappereegwaarak. Nappereegwaarak nage nagagerik, at Ala iniki kunik en eeppiige nogo enegen kage nagagerik, iniki ale'nggen ambik a'nuk, “Kit kiniki mondok nu'lek logonet, ninogoba Yetut oba panggombunuk logonip o,” yinuk, inaruk wake nagagerak. Inaruk wake inom wonage me, ambi nabek unggwagak mban eeko logonet, Ala apuri ambik aret ogogwaarak.

2 Korindut 6:6

niniki mondok abe paga yokkirogwe, nit wone nineenu abok aret kineenu eeppinagagwi, ninaanaganggenggwi lek kwi'ndak logonet yokkirogwe, kinabuwa nen yanggorogon kinaruk wakwi, Aberiniki ninom kunik logonet mamunggirogwe, nineebi mbaka'lek ninom abu kunik logonet yokkirogwe,

2 Korindut 8:8

An wone yokkiragi yi nogo ti, noone omaawi paga yokkirage lek o. Ata, it ando an noone konembunuk, iniki aganggen kerek togon eekaarak nogo ndak-ndak, kit an noone konembunuk, “Ndak-ndak eerumonggotak paga kiniki kunik ee'nakwi kiyaamun ilik?” yinuk, yokkiragi o.

1 Tetalonika 2:3

Nit kinaruk wako logonet, yokkirogo monggoorak nogo ti, nit nineenggo'lek logonet yokkirogwe, nit ambi kolaawok nduk yokkirogwe, kinambokan laganuwok nduk, pilit wone yokkirogwe, eekulik o.

1 Tetalonika 5:15

Maluk onggo-onggo eekwi iyo, liippiigo logonip o. Kit-kit inom, it aakumi abok inom, obeelom mban eekak yuwak nduk, liippogo logonip o.

1 Tetalonika 5:21

Yi wone ndi wone yogwe nogo abok aret abut mbambunuk, abe kenok mban nggirik-nggerok agago porogo logonip o.

1 Timotiyut 1:5

An wone lengganogo yokkereegirak nogo ti, it iniki abe paga aakumi inabuwa mbakwi, iniki obeelom koonnage kenok mban eekwi, ndi, iniki abu abet aret mbakwi, eeko logowak nduk, “Yorage logot o,” yinuk, yokkereegirak nogo o.

Iberani 1:9

It obeelom eekwi iinok ti, kinikilom mbake, Ndi, maluk eekwi iinok ti, keebi lombok mbake, Eeke menggendak me, At Ala ti, kat kogoba Ala aret me, iniki ale'nggen kombake logonet, Amburu kilirogo pagareegerak paga koreewi tebenak iigak, inirimbaga tiyappagareegerak o,” yinuk, yoge nagagerik,

Iberani 12:14

Maluk ninikime wonage kagak, ninowe ninigen koorak mondok meek me, yi aap ndi aap abok kinom lambunik kiniki ale'nggen logonet, maluk eeka'lek Ala ake leenak obeelom mban logobagip nduk, wakkagak eeko logonip o.

Yakobut 3:17

At agi iniki warak menggerak nogo nen koonogo pinanege nogo ti, nit kikak naka'lek obeelom mban wonogwe, ugun logowak nduk, “Mage,” yorogwe, niniki yanggonak paga yorogwe, yo'nirogwe iinok, “E o,” yinuk, eekwi, aakumi inabuwa nen obeelom eeppiigwi, eyoonggen abe yi'nage menggi kwak, nit togop aret obeelom eerit nugwi, aap ambi obeelom eeppugwi, ambi maluk eeppugwi, eeka'lek ndak-ndak eeppiigwi, niniki laakot logonet yoraga'lek abe paga mban yorogwe, eeko logowak nduk, ee'ninake menggerak aret o.

1 Peterut 1:22

“Iri'ngga-kale'ngga ero kwit agan lagangge nagaatik, ti'nuk, mbuk age, Ndi, iri'ngga anggen laambu yege kenok, aakumi nen, Wi! egaatak kwe, ne ambit liingge mono-mono wangge, Eeke menggerak nogo ti, Nit aakumi nineebe ti kwak aret kwe, Ala wone ti perak, mondok itok aret menggerak o,” yinuk, yereegerak liiru mbanak ndak-ndak, Ala wone lek ageelik mondok itok menggerak nogo aakumi waganggwi iinok, ineenik eeginake menggerak obeelom wone nogo aret yokkirogogwaarak waganggo mbareegup, mondok kineenik logobagip nduk, kiniki ngget ndakkinabeegerak nogo ti, aakumi inapuri ndaganakaatak kambit nogwe nogo pogom lek o. Ata, at mondok eenik menggerak Ala nen aret ndakkinabeegerak me, kit Ala ari menggerak wone konembunuk, “Ndak-ndak eeko logowok o,” yinuk, eerit nogo logonet, maluk kinikime wonage nogo mbo pereegutak me, yogondak kiniki laakot paga kinoreewi Ala apuri kinom kunik aganako logogup o. Ata, kiniki abe paga aret kinoreewi kinom niniki-kiniki kunik eeko logonip o.

1 Peterut 4:8

Aap ambi ore imbirak iniki kunik logomenggerak nogo nen ore maluk ambik eerogo pit nage logomenggerak kwe, imbirak iniki kunik me, “Op aret o,” ari menggi kwak, kit togop aret, “Niniki-kiniki kunik eeko logonip o,” yinuk, wone ambit ti aret yokkiragi o.