Oroma 12:8 - Ala Wone Peenok Peebi Mbanak

⁸ iniki eyak wappiigak yogo logorak unde eeppinagareegerak kenok, iniki eyak wappiigwi, aakumi inamendek lek wogorogo logorak unde eeppinagareegerak kenok, “Onggo wo'niruwak,” mbaka'lek we aret wogorogwe, aakumi inowe logorak mippinagareegerak kenok, kineebi mbaka'lek nggwiirit-nggwaarit eekwi, ndi, aakumi inabuwa mba'nuk eeppiyoorak kenok, kiniki ale'nggen paga aret eeppiigwi, eeko logonip o.

Oroma 12:8 ပူးပေါင်းရင်းမြစ်များ

Ndawi 112:9

Ineenggi lek iinok amendek tumburiranet nage, Obeelom mban eeppiinet nage nogo kobak arigin lek mondok aberak wonage, At obaabut abe kenok endage tiyappugwi iigak, at engga teeluk nege, Eeke logogin o.

Ndawi 37:21

It aap maluk mendek nen, “Kamendek luulu waganggi o,” yorogo nagaatik, Iyokan wogorogolik mbo pugwi, Ndi, it aap iniki abe koonak nen perak, Inabuwa nen iniki ndoobu paga wogorogwe, Eeko menggaarak o.

Kini Wuppiige 22:9

Aap iniki ndoobu nen aap ineenggi lek ambi tumburirage menggerak me, ale'nggen kage logogin o.

Wone Alom Kibingga 11:6

Iri'ngga yumbunemenggendak nogo, “Ambi ti, op arigin,” ilik, “Ambi ti op arigin a?” Ilik, “Imbirak aret obeelom aremenggi a?” nogo ti, kat keenggo'lek me, O kubondendok paga yi mendek ndi mendek awi yumbunit nage, ndi, o kiyoma kunduk, keenggi awiirak puk wonaga'lek eerit nage, Eeke logot o.

Wone Alom Kibingga 9:10

Kambunuk namenggenom time nen yabu eekwi, eeriyak koonogo pugwi, yi wone ndi wone ineenu arit nogwe, iniki warak eekkologwe, eekulik me, yi mendek ndi mendek abok aret eeriyak kage kenok, keenggi mondok omaawi paga eerit nage logot o.

Yetaya 32:5

It aap iniki yuundurak nogo ti, aap wi inoone yogo mengga kwak agan nugwi, Maluk eeriyak mban inikime koonggwi, Ala mugurok noorak ineebi mba'nuk alik eerit nugwi, “Aliku ALA ndogop yegerak o,” yinuk, pilit-pilit agan nugwi, Mbi abu iigak tumburiraga'lek mbo piigwi, Yi abu iigak kwe, wogoraga'lek teppiigwi, Eekwi ti eyom paga It aap iniki yuundurak nogo, “Aap yi, iniki warak me ayuk warak aret o,” yogwe, It aap wiwi aganaka nogo inendage tiyappugwi, Eekwi nogo ambinom eeko logogun lek o.

Yetaya 32:8

It aap iniki abe nen perak, Abe koonak eeppiinet nogo logorak mban koonggo menggaarak me, Yi mendek ndi mendek abe mban eerit nugwi ti paga it mban woguk yogo menggaarak.

Yetaya 64:5

It aap obeelom eeriyak inikilom mbakwi, Ndi, kat eeke menggendak nogo abeppunuk eekwi, Eekwi iinok, Yeenggwaara wage menggendak kwe, Koone taganogo mbo pugwi niinok perak, kanini ninombake nagagindak o. Togop eekwi niinok, nit nonggop togon yeenggwa niroorak? Lek aret o!

Matiyut 25:40

Yo'nogo mbaremengga, an nendagembogut nogo nen it nogo yorage logonet, Lek o. Kit nen an nawuri maluk-malak eeginabeegutak nogo ti, an aret ee'nabeegutak o, yinuk, abet aret yokkiragi, yoraagin o.

Nappiigak 11:23

At Mbaranabat nogo iniki kwi'ndak me, iniki abet mbake logonet, yungguppegak eeke logolik Aberiniki inikime mondok liinik wonage me, nappereegwaarak. Nappereegwaarak nage nagagerik, at Ala iniki kunik en eeppiige nogo enegen kage nagagerik, iniki ale'nggen ambik a'nuk, “Kit kiniki mondok nu'lek logonet, ninogoba Yetut oba panggombunuk logonip o,” yinuk, inaruk wake nagagerak. Inaruk wake inom wonage me, ambi nabek unggwagak mban eeko logonet, Ala apuri ambik aret ogogwaarak.

Nappiigak 13:12

Inowe gubernur nogo nen aap enegen mbuk agaarak kage nagagerik, “Inogoba Yetut wone mamunirogwe yi, abet aret kagi,” mbake nagagerik, “Wi!” yinuk, pi wareegerak.

Nappiigak 13:15

Kwi'nogogwaarak wonogwe me, it tamban eeko menggam arum menggaarak nogo nen Ala yereegerak Muta nen liiru mbaneegerak wone inom, Ala nen yorage kagak yorogo nogogwaarak wone liiru mbanak inom, pekkagak yorogo nogogwaarik, “Nit niniki eyak wappinaniyak wone ambi wonage kero yo'niraawak nduk, ninoreewi ti, kin wogiyet o,” yinuk,

Nappiigak 15:32

It Yurat Tilat imbirak Ala nen yorage kagak yoraga mendek me, it inoreewi Ala apuri time nogo yi wone ndi wone ambik yorogo logonet, iniki eyak wappiigwi, iniki kole eeginakwi, eereegwaarak.

Nappiigak 20:2

Nage nagagerik, o yi awi ndi awi time yanggwagak nage logonet, iniki eyak wappiinet nagagi-nagagi o Yunani aret ari nagagerak.

Nappiigak 20:28

At ninogoba Yetut amiya paga Ala apuri kuwak eeko menggaarak inonggo mbaninabeegerak nogo ti, at andomba kwak aret me, inarum logobagip nduk, Aberiniki nen mippinagagerak me, kit kiniki tum wakkologo logonet, it inom liirogon ndegeninako logonip o.

Nappiigak 4:36

Togop eekwi wonogwe me, aap Lewi mendek ambi endage Yutup, awi Tipurut mendek me, it nappiigak nen endage ambi Mbaranabat yogo nogogwaarak. Nit ninoone paga endage ti, “Iniki Yanggongga o,” yogo monggoorak.

Oroma 12:13

It Ala apuri inamendek lek kenok wogorogwe, ndi, aap nggiru kiya wogwe iinok wogonakwi, eeko logonip o.

Oroma 13:6

It Ala nen mippiyareegerak nogo Ala ayeloman logonet, liirogon ninarum wonogwe kenok, ninarum wonogwe onggo wogorogo monggoorak me,

1 Korindut 12:28

Ndi, Ala nen at apuri kuwak eeko menggaarak inenggela'me nen aa'nduk nappiigak mendek leenogo piige, ti'nuk, it inabu'me Ala wone yorogo menggaarak mendek mippiige, ndi, it inabu'me Ala wone mamunirogo menggaarak mendek mippiige, ndi, it inabu'me eerubok mendek eekwi, aakumi andi obeelom eeginakwi, yeenggwaarogwe, wone koonogo piigwi, inoone lombok lalin yogwe, inalitak lombok eerit nogo logowak nduk, unde agago piinok mippiyareegerak me,

1 Korindut 14:3

Ndi, it aap Ala wone yorogo menggaarak nogo nen perak, aakumi iniki kole eerogo piigwi, inaruk wakwi, iniki eyak wappiigwi, eeko menggaarak.

2 Korindut 1:12

Nit eerit nogo logonet, liippunuk eerit nogo monggoorak kwe, kit kinenggela'me logonet perak, mondok iya lombok eeko nogogurak nogo, abeko logonet, it aakumi nggween paga mendek iniki koombunuk agan nugwi kwak agan nugwi, kinamendek kolaawok nduk, wone eegu nobat yokkirogwe, ti eeko logolik o. Ata, Ala niniki kunik nen omaawi eeppinanege kagak, mondok abet kenok mban kenom paganogo yokkirogo nogogurak nogo mban abe'nage kenok, “Op eekoorak me, ia!” yinuk, niniki ale'nggen mbako ogoorik o.

2 Korindut 11:3

Waalo oone amburu ndik-ndik kwe Kawa yoge logonet, at ambokan laganeegerak pogom, it aap alik nen inoone amburu ndik-ndik yokkirogwe iinok, “Keritut oone mban konenggo logowok o,” yinuk, abet aret miireegutak nogo mbo punuk, nomonggiren nogwe iyo, nagabiti mbake logonet, yokkirage agarik o.

2 Korindut 8:12

Ninamendek lek me, wogoga'lek kenok ti paga, Ala nen eebi ninombake menggerak lek o. Wonage kagak wogoga'lek kenok perak, eebi ninombake menggerak me, eebe wonage kenok wogogwi, “Wogorikit lak eebe lek me, ao,” mbakwi, ti imbirak wogogwi mban aret me, inikilom mbake menggerak.

2 Korindut 9:11

Kiniki lek ndoobu logonet, aakumi wogoranet nugwi paga Ala nen kit kineenggi warak eeppinagage logogin o. Ndi, nit yokkirogwe konembunuk, kiniki ndoobu paga kuwak eekwi me, it aakumi ambik aret Ala, “Wa, wa,” yogo logogun o.

2 Korindut 9:13

Kit Keritut eeke nagagerak obeelom wone abet mba'nuk waganggwi kiigaarak nogo ndak-ndak eerit nugwi, ndi, kiniki lek ndoobu logonet, kinamendek it aakumi abok o Yureya mendek inom yeenggwaarogwe, eekwi paga, kinabut mbambunuk, “Ala apuri abet aret iigo,” yinuk, Ala endage tiyappogo logogun o.

2 Korindut 9:7

it aakumi iniki ale'nggen paga kuwak eekwi iinok, Ala iniki kunik aganake menggerak me, kit kuwak eeko logonet, kiniki aaninggin kagak kuwak eekwi, kineebi mbakak kuwak eekwi, eeko logogup o. Ata, kinalitik-kinalitak kiniki koombunuk nen ale'nggen paga kuwak eeko logonip o.

Epetut 6:5

Kit aakumi inayeloman monggotak yi wae. Kit nen, “Nogoba yi, Keritut kwak me,” yinuk, kinagabiti mbakak inayuk wuko logonet, kiniki obeelom yanggonak paga inoone konembunuk, inake eeko logonip o.

Pelaareegerak 15:14

Ata, at Aliku kinogoba Ala ale'nggen nen obeelom eeppinagage nagagerak nogo kokwak, it aap kinayeloman mini wondet eerogo piigwi ti, kinaanggumi kambin-ndomba inom, gandum anggen yigiko monggo'nom wonage nogo inom, anggur aambiranggo monggo'nom wonage nogo inom, mondok nggwik eerogo aret wogorogo logomunggup o.

Pelaareegerak 16:11

Pi wogo logomonggotik, kit inom, kinapuri wologwe-komologwe inom, kinayeloman mini kumi-aap inom, aap Lewi mendek kinawi kota kinom logogun nogo inom, aap nggiru inom, elege moono inom, kumi nanu kinom logomunggup nogo inom, abok aret at Aliku kinogoba Ala nen, O yime nen mban nendage ki logowak o, yinuk, leenogo patemenggim at enggaanom paga time nen kinale'nggen paga laago lako logomunggup o.

Kolote 3:22

Kit aakumi inayeloman monggotak yi wae. Kinogobamini inikilom kinombaruwak nduk, inigen wonogwe iinok mban eeko logorak ti mage o. Ata, ninowe ayuk wuko logonet, it yokkirogo menggaarak nogo abok aret, “E o,” yinuk, kiniki abe paga inake eerit nogo logonip o.

1 Tetalonika 2:3

Nit kinaruk wako logonet, yokkirogo monggoorak nogo ti, nit nineenggo'lek logonet yokkirogwe, nit ambi kolaawok nduk yokkirogwe, kinambokan laganuwok nduk, pilit wone yokkirogwe, eekulik o.

1 Tetalonika 2:8

Kinabuwa lombok mbako logonet, kit niniki kunik eekkinabeegurak me, obeelom wone ti mban yokkiroorak mbarulik o. Ata, kinake lombok kambuurak kenok perak, op aret mbareegurak.

1 Timotiyut 4:13

An awo waga'lek neegak, Ala wone mbuku paga mbininirage, inaruk wake, wone mamunirage, eeke logonet, liirogon eeke logot o.

1 Timotiyut 5:17

Ala nen ari logonet, “Lembu nen iniyok gandum anggen mbelanit nage kagak ando nunggwi iyo, inambe keele maarogo piigo logorak mage o,” ari, ndi, ambi, “It aap yabu eeko menggaarak yabu onggo woorak op aret o,” yinuk, ari, yereegwaarak liiru mbanak wonage me, it aap Ala apuri unde menggaarak inendage tiyanak kwe, obeelom lombok inarum wonogwe me nduk, inendage ambinom tiyappuurak ti op aret o. It Ala wone nggwok paga yorogwe, wone mamunirogwe, mondok nabenak mban eekwi iinok ti, abunuk ambinom inendage tiyappiigo logonet, liippiigo logowak o.

1 Timotiyut 6:18

Obeelom eeppiinet nugu logonet, yi obeelom ndi obeelom eekwi paga ineenggi warak eekkologwe, iniki lek ndoobu aakumi wogoroorak mban inikilom mbakwi, eeko logowak nduk, mamunirage logot o.

Iberani 10:25

It aakumi nit Ala wone yogome ninom kuwak eekulik nogo kokwak kit togop eerugup o. Ata, niniki eyak wat-wat yogwe ti, “Yetut woroorak abu panggo yi wage kagi,” mba'nuk, niniki aganggen kerek togon ambinom eeko logowok o.

Iberani 13:17

It kinogobamini nogo ti, “Aakumi nonggop inarum wonogotak o, yinuk, Ala nen yo'niraagin,” mba'nuk, liirogon aret kiniki arum wonogwe me, inabu'me logonet, wone yokkirogwe nogo, liirogon aret konenggo logonip o. It inoone konengga'lek wonogwe kiinok, inale'nggen lek logonet, kinarum liirogon wonogwe lek paga maluk aret eekwi kiyoorak me, iniki ale'nggen paga kinarum logowak nduk, inoone liirogon aret konenggo logonet, obeelom eeppiigo logonip o.

Iberani 13:22

Noreewi o. Kit eeko logorak an wone mbuuluk liiru mbanggiragi yi, kiniki abe paga waganggo logobagip nduk, yokkiragi o.

Iberani 13:24

It kinarum menggaarak inom, it abet mbakwi Ala apuri inom, abok aret, “At nen, Wa! yokkiragi, yegerak,” yoraanip o. Ndi, it aap o Italiya mendek ninom wonogwe nogo, abok ninom nen keyage wakkinako o.

Iberani 13:7

It aa'nduk togon Ala wone yokkirogo nogogwaarak kinogobamini nogo, inoba abeko logonet, it abet mba'nuk obeelom eerit nugu nogogwaarik, kambit nogogwaarak nogo, liippunuk, kit togop ndak-ndak abet mba'nuk eerit nogo logonip o.