Oroma 12:7 - Ala Wone Peenok Peebi Mbanak

⁷ yeenggwaarogo logorak unde eeppinagareegerak kenok, yeenggwaarogwe, mamunirogo logorak unde eeppinagareegerak kenok, mamunirogwe,

Oroma 12:7 ပူးပေါင်းရင်းမြစ်များ

Ndawi 34:11

Kit an napuri yi wae. At Aliku ALA kinagabiti mbako logobagip nduk An mamunggiraagin me, an nowagam wogwe, Kit kinaruk liirogon aret konenggwi, Eeko logonip o.

Ndawi 51:13

Ti eeke keenok, kat eeriyak mbake nogo It kat koone taganggwi mamunirage neenok, It maluk eeko menggaarak nogo mbo punuk, yungguninuk kowagam woraagun o.

Wone Alom Kibingga 12:9

At wone alom kibingga nogo ti, iniki warak aret wonagagerak. Ndi, iniki warak logonet, it aakumi at apuri nogo wone ineenu aruwak nduk mamunirage, aakumi yogo nogogwaarak wone abok aret liippege, kuwak eerogo liiru mbangge, peebi-aa'nduk yogo logorak nogo koonogo pege, eereegerak.

Yetaya 21:8

Yo'nege mbaki, nappigirak nggayo paga enegen wonage nogo nen oone nggwok paga ari logonet, “Nogoba o. Wim wogwe iyo, o liingge kulinik-kalinik nggayo ndoonak paga nenegen a lagangge, Oonikiya ko'lu-kii'me wu nogo yega'lek nenegen mban wonage, Eeke logonet, Ambi wogwe nenegen iigeelik kwe,

Matiyut 28:19

kit nen yi aakumi ndi aakumi inanebunu lombok an noone waganggo logowak nduk, eerogo piinet nogo logonet, nogoba Ala endage paga, aput an nendage paga, Aberiniki endage paga, yiime wuppiigwi,

Yaya 3:2

At nogo ne ambi oonikiya paga Yetut owagam wage nagagerik, yoge logonet, “Ngguru wae! Kat aakumi mamuninake logonok nduk, Ala nen nappagi wagaarak nineenu aret o. Aakumi Ala inom kunik lek kenok, ineenu ariyak inagabiti warak mendek kat eerit nege menggendak nogo, it nen eeriyak abu meek o.”

Nappiigak 13:1

O Andiyokiya time it Ala apuri kuwak eekugak inenggela'me it ando nen Ala wone yorogwe, ando nen wone mamunirogwe, eeko nogogwaarak inendage ti, Mbaranabat inom, Timeyon endage ambi toonak Niget inom, aap awi Kirene mendek Lukiyut inom, inowe endagembogut Keroret ogoba nen at imbirak tawe eeginabeegerak endage Menakem inom, Tawulut inom, it nogo nen aret eeko nogogwaarak.

Nappiigak 20:20

Wone obeelom eekkinaburak wone nogo, ando yuurak nagabiti nen teppege, ando yokkirage, eeke logolik o. Nggwok paga inom, kiname lombok inom, mamunggiranet nege nagagirak kineenu o.

Nappiigak 20:28

At ninogoba Yetut amiya paga Ala apuri kuwak eeko menggaarak inonggo mbaninabeegerak nogo ti, at andomba kwak aret me, inarum logobagip nduk, Aberiniki nen mippinagagerak me, kit kiniki tum wakkologo logonet, it inom liirogon ndegeninako logonip o.

Nappiigak 6:1

O ti eyom paga at oone woorak nduk ambi nabek unggwagak mban eeko logonet, it aap Yakuri mendek kwe, Yunani wone yogo menggaarak nogo nen, “Ko'lu-kii'me mbi tumburirogo logonet, nit ninagalomini kumi togwe nonggop nduk mbi wogoraga'lek mbo piigo ogotik?” yinuk, it Yakuri inaworak nogo inom neebi-keebi yogo nogogwaarak.

1 Korindut 12:28

Ndi, Ala nen at apuri kuwak eeko menggaarak inenggela'me nen aa'nduk nappiigak mendek leenogo piige, ti'nuk, it inabu'me Ala wone yorogo menggaarak mendek mippiige, ndi, it inabu'me Ala wone mamunirogo menggaarak mendek mippiige, ndi, it inabu'me eerubok mendek eekwi, aakumi andi obeelom eeginakwi, yeenggwaarogwe, wone koonogo piigwi, inoone lombok lalin yogwe, inalitak lombok eerit nogo logowak nduk, unde agago piinok mippiyareegerak me,

1 Korindut 12:5

Ndi, nit Ala eyabu eeko monggoorak ti, alitak lombok wonage kwe, ninowe eebe ambit aret ake eeko monggoorak.

1 Korindut 14:26

Ti kenok, nit nonggop yuwok o, noreewi. Kit kuwak eeppunuk logonet, aap ambi nen ndawi tiyaniyak mbake kenok tiyangge, ambi nen wone ambi mamuniroorak mbake kenok mamunirage, ambi Ala nen paganogo yoge kagak, yoroorak mbake kenok yorage, ambi, it ambi inoone lalin negen woppunuk, yoroorak mbake kenok yorage, ambi, “Togop yigi o,” yinuk, abut laganogo yoroorak mbake kenok yorage, yi eeriyak ndi eeriyak ti abok aret eeko logonet, it Ala apuri iniki nu'lek eerogo piyoorak kenok mban eeko logonip o.

Nggalatiya 6:6

Nit Ala wone konenggo monggoorak nogo nen, ninamendek obeelom nogo mogonogo ninogobamini mamunnirogo menggaarak nogo wogorogo logorak ti op aret o.

Epetut 4:11

At nogo nen it ando nappiigak logowak nduk unde eeppiige, ando Ala wone yorogo logowak nduk unde eeppiige, ando obeelom wone yi awi ndi awi ambime yoragak nugu logowak nduk unde eeppiige, ando o ambit me Ala apuri liirogon inarum logowak nduk, eeppiige, ndi, ando Ala wone mamunirogo logowak nduk eeppiige, eereegerak.

Pelaareegerak 33:10

Kat kawone lengganak it Yakup mendek liirogon mamunirogwe, Eeko logorak wone yugu Iterali mendek yorogwe, Obari abe kaga nogo kenggaanom paga kake kani kunggwi, Kake warogo kani kunggwi mendek abok aret kani kunggo menggam kake kani kunggwi, Eeko menggaarak me,

Kolote 4:17

Ndi, aap Arikiput nogo, yogo logonet, “Ninowe nen unde eeppereegerak nogo, ndak-ndak eeke logowak nduk, liippege logowak,” yegerak, yo'nu o.

1 Timotiyut 2:7

Ala nen yi aakumi ndi aakumi abok eeppiyoorak kooneegerak nogo, it aap endekem mendek Ala ari menggerak wone ineenu a'nuk, abet mbariyak wone nogo, agan nage logokit nduk mippanege, ndi, yi awi ndi awi yoranet nege logokit nduk, nappiigak agago panege, eereegerak o. Wone ti, pilit lek abu abet aret yokkigi o.

1 Timotiyut 3:2

Aap ambi Ala apuri unde logorak mippuurak mbakwi kenok ti, aakumi inoone at oba pugulik kenok, akwe ambit wogo kenok, iniki tum waka kenok, iniki warak kenok, li'lak mban eeke menggerak kenok, inanoniya laka kenok, aakumi op mamuniroorak kenok,

1 Timotiyut 4:16

Kobaabut eeke menggendak inom, wone mamunirage menggendak inom, liippege logot o. Wone yi, mondok liirogon porogo logot o. Porogo logonet, liirogon eeke keenok, it aakumi kat koone konenggwi nogo inagap ndake, ndi, kat kunduk kagap ndakkolage, eerumunggun o.

1 Timotiyut 5:17

Ala nen ari logonet, “Lembu nen iniyok gandum anggen mbelanit nage kagak ando nunggwi iyo, inambe keele maarogo piigo logorak mage o,” ari, ndi, ambi, “It aap yabu eeko menggaarak yabu onggo woorak op aret o,” yinuk, ari, yereegwaarak liiru mbanak wonage me, it aap Ala apuri unde menggaarak inendage tiyanak kwe, obeelom lombok inarum wonogwe me nduk, inendage ambinom tiyappuurak ti op aret o. It Ala wone nggwok paga yorogwe, wone mamunirogwe, mondok nabenak mban eekwi iinok ti, abunuk ambinom inendage tiyappiigo logonet, liippiigo logowak o.

2 Timotiyut 2:2

Aakumi apit inenggaanom paga an yi wone ndi wone yokkege koneneegindak nogo, it aap abe mamumbunuk aakumi liirogon mamuniroorak op iigendak kenok, unde logowak nduk, mamunirage logot o.

2 Timotiyut 2:24

Kat ninowe ayeloman aret kenok, ndugwi pegak eeriyak ti mage o. Ata, yi aakumi ndi aakumi abok aret koone yanggorogon yorage, wone mamunirage, maluk eeppagagwi kwe, onggo yoraga'lek puk wonage, eeke logot o.

2 Timotiyut 4:2

Ala wone yoranet nege logot o. Anggon kagak, anggon lek kagak, yiyom-ndiyom ugun yorage logonok nduk, pipuk aago logot o. “E o,” yuwak nduk yorage, maluk eekwi iinok mberirage, koone yanggorogon inaruk wake, eeke logonet, kaanaga-nggenggwi lek kiniki kwippunuk liirogon mamunirage logot o.

1 Tamuwen 12:23

Ndi, an nen perak, kit kinake Aliku ALA yoge lek neenok ti, Aliku ALA maluk eeppuurak aret me, kinake tamban eeke, ndi, obeelom eekkoloorak wone inom, tu koonak paga nogo logorak wone inom, mamungginake, eeke logogin aret kwe,