Oroma 12:2 - Ala Wone Peenok Peebi Mbanak

² It aakumi nggween paga mendek nen iniki mba'nuk eerit nogo mengga kwak, kit togop eerit nogo logogup o. Ata, kit alik ngget mendek eerit nogo logobagip nduk, “Niniki ngget alik ogobakkigi'ninake logot o,” yinuk, Ala yogo logonip o. Ti yorumonggotak eekkinake kenok, at Ala eeriyak mbake nogo ti, obeelom aret kogwe, eerit nogwe kiinok, Ala iniki ale'nggen ninombake kogwe, ndi, “Abu obeelom lombok koonggerak me, ambi kooniyak lek aret,” mbakwi, eeko logorak kineenu arumunggup o.

Oroma 12:2 ပူးပေါင်းရင်းမြစ်များ

Etara 10:11

o yogondak aret kinombomini inogoba Aliku Ala enggaanom paga kinomaluk paganggo logomonggotik, Ala eeriyak iniki mbake nogo, Aret eeruwok o, yinuk, it yi aakumi ndi aakumi kinaagan-kinambokan wonogwe nogo kinom ogookkologwe, ndi, kumi alik mendek wogonakotak nogo ponggonogo wumbiigwi, ee'nip o.”

Ndawi 119:103

Nggiin amburu ombat abe negen kage kwe, Wone koonogo pereegindak ti perak, Ombat tele lombok kage minggirak o.

Ndawi 119:128

Ndi, eeko logorak koone yugu ti, Obeelom ndak-ndak aret yo'nege mbake, Eeke me, Wone alik agan nugwi ti, An neebi lombok mbake minggirak o.

Ndawi 119:174

Kaliku ALA wae. Kat lombok nen nagap ndari woroorak niniki, “Ao,” mbake, Ndi, koone Muta nen liiru mbaneegerak nogo ti, Ninikilom lombok mbake, Eeke minggirak o.

Ndawi 119:72

Mbuti perak inom, mbuti emas inom, ambik lombok me, lingginiyak meek ti, Niniki kundugu lek negen aret kwe, Koone wumbereegindak Muta nen liiru mbaneegerak perak, Niniki kundugu lombok minggirak o.

Ndawi 119:97

Koone yugu Muta nen liiru mbaneegerak nogo Niniki kunik lombok minggirak me, Ninikime mbininit nage neegak, Kubondendok nen nok oonikiya ari nage menggerak o.

Ndawi 34:8

Aliku ALA mondok obeelom aret menggerak kineenu arubagip nduk, ombat wakkaanip o. Ineebe op logowok nduk, abu'me ari unggwogwe nogo Inale'nggen aret mbako logogun o.

Ndawi 51:10

Ala wae. Niniki kikak naka'lek eerogo panege, Niniki nu'lek logokit nduk, Niniki ngget mendek eerogo panege, Eeru o.

Wundeegwaarak 23:2

It aakumi apit maluk eeriyak koonit nugwi iinok, it inom koonit nugu logorak mage o. Aakumi inowak loonggwi me, it ambi nen nogo logomenggaarik, maluk abet aret eeremenggerak kagak, it aakumi nen, Maluk eerulik o, yogwe iinok, maluk onggo pugun lek me, at oone inom nabeniyak mage o.

Yetikiyen 18:31

It Iterali mendek ti, nonggop nduk kambuwok, mbako agaarik? Noone yugu taganogo punuk maluk eerit nugwi nogo mbo punuk, iniki inom, inobaabut inom, alik ngget mendek eerogo pako logowak o.

Yetikiyen 36:26

iniki ngget eerogo piige, iniki koonggwi nogo alik eerogo piige, eeke logonet, inogogumbuk iniki yugum pogom wonogwe nogo mbo punuk, iniki yanggonak logonet eeko menggaarak mendek eerogo piyaagin o.

Matiyut 13:22

Ndi, iri'ngga alok-palok me wambit nagagerak nogo ti, it wone inaruk konenggwi kwe, nggween paga mendek mban iniki aberit nugwi, inamendek lek ariyak kagak, inikilom mbarit nugwi, eekwi nogo paga nen Ala wone waganeegwaarak nogo mbanogo wuppugwi me, anggen abe yegeelik nogo aret o.

Marakut 4:19

nggween paga mendek mban iniki aberit nugwi, inamendek lek ariyak kagak inikilom mbarit nugwi, yi mendek ndi mendek iniki uugwe mbarit nugwi, ti eerit nugwi paga nen, Ala wone waganeegwaarak nogo mbanogo wuppugwi me, anggen yega'lek nogo pogom aret menggaarak o.

Yaya 14:30

It aakumi o nggween paga menggaarak inowe nogo wage aret me, wone ambinom nggorek yokkiraagin lek o. At wage logomenggerik, at nen wone ambiriluk ambi an yo'nirigin mondok lek o.

Yaya 15:19

Kit nen it aakumi o nggween paga yime menggaarak nogo mendek logonetak en, it muk iniki kunik eekkinabenetak kwe, kit it mendek lek me, ndi, it nogo iigak, an miirogo leengginabeegirak me, ineebi kinombako agaarik o.

Yaya 17:14

Wone yo'nereegindak nogo an muk yoragagirak o. An it aakumi nggween paga mendek lek nogo pogom, it kunduk, nggween paga mendek lek mban me, it nggween paga mendek nen, ineebi inombako agaarik o.

Yaya 7:7

It aakumi nen kit ineebi kinombariyak meek kwe, an perak, it aakumi eeko menggaarak ti, Maluk aret o, yinuk, paganogo yorage minggirak me, ineebi lombok nombako agaarik o.

Oroma 12:1

Ti kenok, nowe-nawot o. At ninogoba Ala ninabuwa mba'nuk, nggwok togon eeppinanege menggerak me, Ala ake warogo pogo mengga kwak, kit nen, “Nineenik logonet, Ala ake mban eerit nugu logowok nduk, nineebe apit aret Ala ake leenogo pogo o,” yinuk, “Ineebe apit aret Ala wogo'nuk logowak lak, an ao,” mbake logonet, yokkirage agarik o. Ti eerumonggotak paga Ala nen, “It yi abet aret nalut ee'nakwi iigi,” yinuk, ale'nggen kinombake logogin o.

Oroma 13:14

Kiniki maan mendek nen maluk eeriyak eekkinake kenok, “Niniki nengge yi, noba tayok yuwak nduk, nonggop eeri?” yinuk, koonit nugu logogup o. Ata, kineegin-kinarege li'luk aago monggotak kwak, kinowe Yetut Keritut kiniki me liinik logonet, eerit nogo logonip o.

Oroma 7:12

Ti kenok, wone yoreegerak Muta liiru mbaneegerak ti, maluk lek abu obeelom alik leenak aret o. Ndi, Ala nen, “Yogop ee'nu, ndogop ee'nu,” yinuk, yereegerak wone nogo ti kunduk, mondok obeelom mot-mot alik leenak aret agaarik o.

Oroma 7:14

Wone Muta yoreegerak ti, Ala nen aret yoreegerak nineenu kwe, an perak, aakumi aret o. Aap ambi ayeloman onggo mbanggetak me, at oone konembunuk mban eeke menggi kwak, an togop aret maluk eeke logokit nduk maluk ayeloman aret agagirak o.

Oroma 7:22

Ala nen, “Yogop ee'nu, ndogop ee'nu,” yereegerak wone ti, an ninikime nen eeriyak ti ninikilom aret kwe,

1 Korindut 3:19

It aakumi nggween paga mendek nen, “Abok nineenu me, niniki warak aret o,” yinuk, mbakwi nogo, Ala nen, “Yi wi negen aret agan nugwi,” inombake menggerak. Aap ambi ari logonet, “Iniki ngget paga maluk eeriyak koonggwi nogo, Awo koonggwi iigak, Ala nen nggerok togon wagangge menggerak o,” yinuk, ari,

2 Korindut 4:4

At Ala etenggen ndak-ndak mondok tiyanak aakumi, “Wi!” ugwi Keritut eeke nagagerak obeelom wone nogo, it aakumi abet mbaka'lek mendek nen yelok kogo logokwak, at o yogondak unde menggerak Ibilit nogo nen iniki apit eerogo piyareegerak me, yelok kaga'lek aret wonogo agaarik o.

2 Korindut 5:17

Aap ambi Keritut imbirak kunik wonage kenok, at iniki ngget ogobakkigirogo pemenggerak me, obaabut maan mendek lek age logonet, obaane'me ngget mendek aret arigin o.

Nggalatiya 1:4

O yogondak yi paga, it aakumi nggween paga mendek nen maluk mban eerit nogo menggaarak nogo, ninom eekwi niyo, ndinogo wo'ninabikit nduk, at ninogoba Ala mbareegerak nogo ndak-ndak, nit maluk eekwi niinok, ninowe Yetut Keritut nen, “Inake kambikit o,” yinuk, ninake kambeegerak.

Epetut 1:18

Ti eeke logonet, kit kola nabagip nduk kinayonggo pinagareegerak kiniki lunik wonogwe nogo inom, nit at apuri ake leenak kenok eyate mondok alik negen eerogo wo'niraagin kooneegerak nogo inom, ndi, nit abet mbakwi mendek Ala omaawi mondok iya lombok eeppinanege menggerak nogo inom, kineenu arubagip nduk, “Inikime eya eeginake logot o,” yinuk, Ala yoge minggirak.

Epetut 5:17

Kumili negen kiniki lek ugun eerit nogo logogup o. Ata, ninowe nen eeriyak kooneegerak nogo mban liippunuk, eerit nogo logonip o.

Kolote 1:9

Kit togop eerit nogwe ninaruk koneneegurak kuli nen puk aga'lek kulinik-kalinik kinake tamban eeko logonet, Ala nen eeriyak mbake menggerak abok aret Aberiniki nen kineenu eeppinagage logonet, yi wone ndi wone alom abok aret yelok kogwe, ndi, kiniki warak eeppinagage, eeke logowak nduk, Ala yogo monggoorak.

Kolote 4:12

Ndi, at kinoreeluk Epaparat inom keyage wappinagage o. At Keritut Yetut ayeloman aret me, kit abet mbareegutak nogo mondok nu'lek porogo logonet, kiniki kole ogwe, ndi, “Ala nen nit eeriyak ninombareegerak nogo yi aret o,” yinuk, abet mbako logonet, eerit nogwe, eekwi kiyaawak nduk, abuwa warak nggo-nggo logonet kinake tamban eeke menggerak o.

1 Tetalonika 4:3

At Ala nen kit maluk eeka'lek at ake leenak logorak mbake nogo ti, kit kumi ugun wurinabit noorak mage nduk, yereegerak o.

Titut 3:5

ninagap nda'ninabeegerak. Nit obeelom eeko nogogurak paga ninagap nda'ninabulik o. Ata, at alik iniki nen ninabuwa mba'nuk, obeelom eeppinanege logonet, niniki maluk koorogo punuk, obaane'me ngget ndarogo pinanege, Aberiniki nen niniki ngget ogobakkigi'ninake, eereegerak ti paga ninagap nda'ninabeegerak.

Yakobut 1:27

It aap Ala oone liippunuk mondok abe eekwi iinok, ninogoba Ala nen ale'nggen mbake menggerak nogo ti, it wologwe-komologwe wenebela inom, kumi togwe inom, iniki aaninggin wonogwe iinok, inabuwa nen yeenggwaaranet nugwi, it aakumi iniki maluk nen maluk eeruwak nduk iniki nggagani wogwe iyo, tum wakkologwe, eeko menggaarak nogo it aret o.

Yakobut 4:4

Kwe ambi nen aap ambi waganggak eeke menggi kwak eeko monggotak kit yi, it aakumi nggween paga eeko menggaarak mendek kinom kunggologwe kiinok, Ala kinom ogookkologwe nogo kineenggo'lek me eeko ogotik? Togop me, aap ambit-ambi, “It aap nggween paga eeko menggaarak mendek ninom kunggola,” mba'nuk, eeke kenok, Ala imbirak ogookkolage menggerak aret o.

1 Peterut 1:14

Kit aa'nduk Ala kineenggo'lek logonet, kiniki nen nengge kenok ugun-ugun eerit nogo nogogutak nogo, mbo punuk, ogoba ari kenok, aput konembunuk ndak-ndak eeke menggi kwak, kinogoba Ala nen ari kenok mban eerit nogo logonip o.

1 Peterut 1:18

Kit kinombomini maan mbogut paga unggwi noorak lek kagak we aanom warogo eerit nogo nogogwaarak nogo ndak-ndak, kit togop eekwi kiyo, wu mbuti perak inom, emas inom, yi mendek ndi mendek lek ariyak mendek ti paga kinonggo mbanulik o. Ata, ndomba aagaluk awinde-obande aago lek mondok abe kwak Keritut amiya mondok iya lombok nogo paga kinonggo mbaneegerak nogo kineenu aret o.

1 Peterut 4:2

Kit togop aret eerogo patinuk wonogwe kiinok, o yogondak kuli nen nggween paga yayi wonogo logonet, kiniki nen nengge nogo mban mugurok nogo logorak lek o. Ata, Ala iniki mbake nogo mban ndak-ndak eerit nogo logonip o.

2 Peterut 1:4

At Ala abu obeelom mondok tiyanak menggerak me, at nen, “An ndogop eeppinagagin o,” yinuk, yo'nirage menggerak mondok iya iniki kunik nogo mendek, “Onggo lek we aret eeppinagagin o,” yinuk, yo'niragagerak wone nogo ti, mugurok nogwe paga at Ala iniki menggi kwak nit niniki ndak-ndak ee'ninake, ndi, it nggween paga mendek iniki nen nengge nogo mugurok nogo logonet, ineebe maluk eerogo patit nogo mengga kwak, nit togop ee'ninake kero, ninagap ndarogo pege, eeke nogo nit kaawok nduk, wone ti yo'niragagerak.

2 Peterut 2:20

“Ninagap ndaka ninowe Yetut Keritut nineenu me, nggween paga yime maluk eeriyak ee'ninake menggerak nogo nineebi o,” yinuk, inambo'me mbo pereegwaarak kwe, ti'nuk, aa'nduk eeko nogogwaarak nogo, inikime aberogo eerit nogwe iinok, inobaabut aa'nduk mbuuluk obeelom negen logonet, eeko nogogwaarak kwe, peebi irip paga nen abunuk, maluk nggwok aret eekkologo menggaarak me,

1 Yaya 3:13

Togop kenok, noreewi o. It aakumi nggween paga mendek mban mugurok nogwe nogo nen ineebi kinombakwi iinok, “Ie,” yinuk, kinagabiti mbarugup o.

1 Yaya 5:19

Yi aakumi ndi aakumi maluk eeko menggaarak nogo abok aret at maluk eeka Tile nogo abu'me wonogwe nineenu kwe, nit perak, Ala apuri aret ogoorik o.

Wayu 12:9

at waalo nggwok nogo awuri inom mbelenogo nggween paga mbo wuppiya wage kagarak. Wuppiya wage mbaki, waalo nggwok mbo wuppi wagaarak nogo ti, o maan nen yi aakumi ndi aakumi abok aret inambokan lagangge menggerak Ibilit nogo ti, Tile aret me, at awuri inom abok aret mbogut paga nen mbelenogo nggween paga wuppiya wogwe iigirak o.

Wayu 13:8

Ndomba Aagaluk wareegwaarak nogo nen o maan mbogut-nggween yi awo wakkaga'lek kagak, aakumi o nggween paga menggaarak abok aret it inendage mondok-mondok ineenik aganaburak mbuku paga liiru mbanak wonage lek kenok, at nggeewo nogo alut eekwi iigirak.