Oroma 12:16 - Ala Wone Peenok Peebi Mbanak

¹⁶ Kinoreewi kinom kiniki ambit eeppunuk, eerit nogo logonip o. “An iya,” yinuk, “It aap inendage lek ninom eeriyak nineebi o,” yuurak mage o. Ata, kinom aret eerit nogo logonip o. “An abu neenu me, an iya,” mbako logogup o.

Oroma 12:16 ပူးပေါင်းရင်းမြစ်များ

2 Mbinineegwaarak 30:12

Ndi, at endagembogut inom, at inom eeko menggaarak inom, nen, “Aliku ALA togop yegerak o,” yinuk, wone lengganogo yoragagerak nogo, ndak-ndak eeko logowak nduk, at Ala nen it o Yekura wonogwe nogo iniki ambit eerogo piyareegerak.

Ayup 36:5

At Ala ti, omaawi ambik menggerak kwe, Aakumi ti meek aret iigi o, yinuk, mbakeelik o. Yi wone ndi wone eenggo'lek lek abok aret eenu menggerak o.

Kini Wuppiige 17:5

Aap ambi nen aap ineenggi lek mendek nogo miyuk-meya eerogo piige kenok, at ogobakkigirogo piyareegerak nogo aret meek eerogo pege menggerak. Aap ambi nen aakumi maluk inoba aremenggerak me, “Op togon eeki,” yinuk, ale'nggen mbake kenok, at yemenggerak onggo oba arigin lek ti lek, oba arigin aret o.

Kini Wuppiige 19:17

Aap ambi nen aap ineenggi lek inabuwa nen wogorage ti, Aliku ALA wogorukwak wogorage me, Aliku ALA nen onggo aap ti wogorigin o.

Kini Wuppiige 19:22

Aap iniki, “Ao,” mbakwi nogo ti, “It ninom monggoorak ninabuwa nen ninendage obeelom eerogo pinanit nogo logowak,” mbako menggaarak. Aap eenggi lek logorak ti op aret kwe, Aap pilit pugungga logorak ti perak, maluk aret o.

Kini Wuppiige 19:7

Aap eenggi lek nogo owe-awot abok aret ineebi ombako menggaarak me, Oreewi kunduk, abunuk mbo punuk mbaganggo menggaarak. At nen, “Yeenggwa ni'nip ubi!” yinuk, muguren nage menggerak kwe, Ineenggi-iniyok lek aret iige menggerak.

Kini Wuppiige 26:12

Aap ambi iniki lek kagak iniki warak ombaruwak nduk wogoppake nogo kage menggendak ilik, lek a? Aap iniki abe wi nen iniki warak eekkoloorak ti, op negen kwe, aap ti perak, iniki warak eekkoloorak abu meek aret o.

Kini Wuppiige 26:5

Aap iniki lek wi negen wone yokkege onggo at ari menggi kwak yoge keenok, Iniki nen, “Nimbirak niniki warak aret kagi,” mbarukwak, oone yokkege onggo kiniki warak nen yoge logot o.

Kini Wuppiige 3:7

“An wone abok neenu aret o,” mbake ti mage o. Ata, Aliku ALA kagabiti mbake, maluk kenok ogole nen mbagangge, Eeke logot o.

Yetaya 5:21

It aap nen, “Nit abu niniki warak aret,” yogwe, “Nit yi wone ndi wone abu nineenu aret,” yogwe, Eekwi ti, Mondok inabuwa o!

Yeremiya 32:39

It inom, inapuri ndaganabemenggaarak inom, obeelom mban wonogo logonet, an paga mondok-mondok inagabiti mbakwi, ndi, iniki ambit eeppunuk, eerit nogwe, eeko logowak nduk, eeppiyaagin o.

Yeremiya 45:5

nonggop nduk, An mban obeelom logokit, mbake agaarik? At togop mbarugurik o. Yi aakumi ndi aakumi abok aret aaninggin lombok inoba piyaminggirak kwe, at perak, yi o ndi o nege me, wakwi iyo, eebe ili eerak logowak nduk, ndegengge logogin o, yinuk, Aliku ALA nen yegerak me, yokkigi o,” yinuk, yoreegerak ti aret.

Matiyut 11:5

Inigen mbuk mendek inigen obeelom ogwe, inendop maluk mendek tu op nogwe, inawin aaga'ne kunik mendek lek ogwe, inaruk logu mendek inaruk konenggwi, kanggaatak ineenik agago mippiige, ndi, inamendek lek nogo obeelom wone yorage, eeke kogotak yi, yori nanip o.

Matiyut 26:11

It inamendek lek ti, kinom mondok logomunggup kwe, an perak, kit ninom mondok logogin lek o.

Lukat 14:13

Ata, laago lake logonet, ineenggi lek kenok, aawi-obaak peenok warak peenok lek kenok, endop maluk kenok, inigen mbuk kenok, inayonggo pege kenok perak,

Lukat 6:20

Togop eekwi me, Yetut nen at oone waganggwi nogo enegen pegiige nagagerik, yorage logonet, “Kit aap kinamendek lek yi, Ala abu'me pinagarak me, kiniki ale'nggen mbako logonip o.

Nappiigak 4:32

It abet mbareegwaarak nogo abok aret iniki ambit eeppunuk wonogo logonet, inamindik-inamendek nogo, “Yi kat mendek o. Yi an mendek o,” yaga'lek, we, “Nit abok ninamendek o,” yogo nogogwaarak.

Oroma 11:20

Kit mbakwi ti abet aret kwe, it abet mbaka'lek iinok, pendenogo nappiyareegerak. Ndi, kit perak, abet mbakwi paga kumbinagareegerak wonogo logonet, kiniki wogoppatugup o. Wogoppatumonggotak paga pendenogo nappinagukwak, mondok kinagabiti mbako logonip o.

Oroma 11:25

Nowe-nawot o. Wone ambi kote kumaarak wonage yi, kineenu arubagip nduk, yokkira o. Ala nen it Iterali mendek inogogumbuk aruwak nduk, eeppiyareegerak nogo ti, mondok-mondok eeppiyareegerak lek o. Ata, it aakumi endekem mendek, “Aap ndogop ineenggi nabu'me piyaagin o,” yinuk, koonogo pereegerak nogo, kuli abu aret ari nage kenok, it Iterali inogogumbuk wonogwe nogo yanggonogo piyaagin o. Wone kote kumaarak nogo ti aret me, “An iya,” yinuk, wogoppako logogup o.

Oroma 12:3

Ala nen, “At yi, an noone yoranet nege logowak o,” yinuk, iniki kunik en onggo lek we aret unde eeppaneegerak nogo paga kit abok aret wone ambi yokkira o. Kit obeelom wone abet mbako mbareegup, Ala eyabu eeko logobagip nduk, kinalitak lombok unde eeppinagareegerak nogo, liippunuk, “An yi aret unde eeppanegerak kagi,” yinuk, ndak-ndak eerit nogo logonet, kat mbuuluk unde eeppagareegerak kagak, “An iya lombok unde eeppanegerak kagi,” yinuk, wogoppako logogup o. Ata, “An yi aret wo'negerak me,” yinuk, kiniki tebenak logonet, eerit nogo logonip o.

Oroma 15:5

Kit abet mbareegutak nogo, kinaanaganggenggwi lek kiniki kwi'ndak logonet porogo logobagip nduk eekkinake, ndi, ale'nggen kaabagip nduk kiniki eyak wappinagage, eeke menggerak alom unde Ala nogo nen, Keritut Yetut eeke nagagerak wakkagak kit togop aret kiniki ambit eeppunuk, lambunik logobagip nduk, eekkinabigin o.

Oroma 6:2

Mondok lek o. Nit maluk eeko nogogurak nogo ambinom eeriyak mban ee'ninake kero, aakumi kanggwi kwak lek agagerak kagak, nonggop togon maluk mban eerit nogo logorak mbakop?

1 Korindut 1:10

Noreewi o. Kit ogoorik-ogoorak eekkologwe nogo mbo punuk, kiniki-kinoone ambit eeppunuk, mondok lambunik logonet, eerit nogo logobagip nduk, “At ambi ari konen-konen yogo logonip o,” yinuk, ninowe Yetut Keritut endage paga yokkiragi o.

1 Korindut 3:18

Kit nen, “An abu neenu,” mba'nuk, eekko'net nugwi paga kinambokan laganggologwe me, togop mbarugup o. It aakumi nggween paga mendek nen, “Nit abok nineenu me, niniki warak aret o,” yinuk, mbakwi ndak-ndak, kit ambi togoti mbakwi kiinok, Ala nen kiniki warak kinombaruwak nduk, wi negen a'nuk, logonip o.

1 Korindut 4:10

Kit ti, Keritut kinom kunik me, kiniki warak wonogwe kiigak kwe, nit perak, Keritut wone yoranet nugwi paga wi negen aret ninombako agaarik o. Kit kinomaawi ambik kwe, nit perak, ninomaawi lek lebenak aret o. Kit tiyanak aret wonogwe kwe, nit perak, meek ninombako agaarik o.

1 Korindut 6:5

Kit kinenggali arubagip nduk, yokkiragi o, noreewi. Aap iniki warak ambi nen oreewi maluk eekwi iinok, inawone amburu mbanogo yoroorak kinenggela'me wonage lek kenok, eeko ogotik ya?

1 Korindut 8:2

Aap ambit-ambi nen, “An abok neenu,” mbake kenok, at abe liirogon eenu ariyak mendek awo eenggo'lek kagak ari me, eenggo'lek nen aret ari mbariyak o.

2 Korindut 13:11

Ndi, noreewi o. Wone ti abu aret yokkiragi o. Kiniki kole arubagip nduk, eeko logonet, an wone yokkirage yi, inom liippogo logonip o. Kiniki ambit eeppunuk ale'nggen paga lambunik logonip o. At ninabuwa mbake, ndi, niniki ugun tayenak logowok nduk eeppinanege, eeke menggerak Ala nogo nen kinarum aret logogin o.

Pilipi 1:27

An yime wonage neegak eekwi konenigin a, time kiya wage neenok eekwi kiyaagin a, kit obeelom wone abet mba'nuk waganeegutak nogo, mbo pega'lek kiniki ambit a'nuk, nu'lek logonet, eerit nogwe neenu arigin me, obeelom wone Keritut nen yo'niragagerak nogo, ndak-ndak liirogon aret eerit nogo logonip o.

Pilipi 3:16

nit abok niniki ambit eeppunuk, kola noorak nduk, wone aa'nduk waganeegurak nogo mbo punuk, niniyok paga yungguninuk woroorak ti mage o. Ata, abeko logonet, mondok mugurok nogo logowok o.

Pilipi 4:2

Kit kumi Ewuworiya kunduk, Tinitike kunduk, kimbirak ninowe kinom kiniki kunik logonet, kiniki ambit lambunik logobagip nduk, noone yanggorogon yokkiragi o.

Iberani 13:5

At Ala nen ari logonet, “An teppinagage, eraanggi mbo pinagage, eerigin lek o,” yinuk, yereegerak me, wu mban uugwe-uugwe mbarit nugwi paga wu ti, ayeloman eekkinabukwak, liippogo logonip o. Kinamendek nano mendek ambi wonage kenok, “Yi abu aret wonage o,” yinuk, kiniki tayenak logonet, ale'nggen paga nugu logomunggup o. Ala nen, “An mbo pinagagin lek o,” yinuk, yereegerak wone ti paga niniki panggombunuk, “Ninogoba nen yeenggwaanirage menggerak me, aakumi nen an eeppanugwi nogo, an nagabiti mbarigin lek o,” yinuk, yogo logorak ti op aret o.

1 Peterut 3:8

At Ala nen ari logonet, “Kit kineenik logorak kinikilom mbakwi, Nit obeelom aret wonogwe me, li a'nuk, kambuurak op aret, mbakwi, Eekwi ti, Taamini nen togop mbako ogotik? Togop aret mbakwi kiinok, Kinoone maluk mendek kinambe paga wunabi wogwe, Wone pilit kinamili irip paga wonok nugwi, Eekwi kiyo, Tum liirogon wakkologwe, Maluk mendek mbo punuk, obeelom mendek kenok mban eerit nugwi, Nonggop agago niniki ambit lambunik logorak koonggwi, Abu koombunuk, ti aret kinomaawirogon mugurok nogwe, Eeko logonip o. Aap iniki koonak menggaarak nogo, Ala enegen wogoren nege, Tamban eekwi iinok, at aruk liirogon konengge, Eeke menggerak kwe, Aap maluk eeko menggaarak perak, Ala enggaawak omaawi paga lek eerogo piige menggerak o,” yinuk, yereegerak liiru mbanak ndak-ndak, kit togon Ala ale'nggen kinoba pinagakit nduk, kinayonggo pinagareegerak me, kit nen maluk onggo-onggo eekwi, ambi nen ambi meek eeppegak eekwi, eeko logogup o. Ata, it maluk eeppinagagwi nogo obeelom eeppiigo logonet, kinom kiniki ambit eeppunuk wone mbanggwi, kiniki eyak wat-wat eekkologwe, nore-kore yogwe, nabuwa-kabuwa mbakwi, kiniki tebenak nugwi, eeko logonip o, yinuk, eeko logorak irip paga ambi yokkiraakit mbakirak nogo ti aret yokkiragi o.

1 Peterut 5:3

Inarum logobagip nduk, unde eeppinagareegerak nogo inarum logonet, “An noone mban konenggo logonip o,” yinuk, kinoone omaawi paga yorogwe ti mage o. Ata, it Ala andomba nogo nen kit kinobaabut obeelom mban eerit nogwe nogo liippinaganuk, “At eeke ti, an ndak-ndak eeke logokit,” mbaruwak nduk eeko logonip.

3 Yaya 1:9

Ala apuri time kuwak eeko menggaarak nogo, inake liiru mbuuluk ambi mbanogo nappi wagarak kwe, aap Ndiyoterepet nogo nen, “Inenggela'me an mban tiyanak logokit o,” yinuk, inikilom mbake menggerak me, noone woolik o.