Oroma 11:8 - Ala Wone Peenok Peebi Mbanak

^8-10 At ambi nen ari logonet, “Ala nen iniki apit eerogo piige, Inigen kogo logukwak, inigen mbuk eerogo piige, Inaruk konenggo logukwak, inaruk logu negen eerogo piige, Eereegerak kuli nen nok, yogondak togop aret wonogwe o,” yinuk, yereegerak liiru mbangge, ndi, at Ndawut ari logonet, “Ta'na pogo mengga kwak, keele pogo mengga kwak, laago lappunuk, inoone yanggik-yanggok yorenok, inooko logowak nduk eeppiige, Aaninggin-paaninggin inoba luurik-maarak eerogo piinok, yigeebu wuppiige, Yi mendek ndi mendek inigen kogwe iyo, inigen mbuk eerogo piige, Inamborowak yomo aago nugu logowak nduk, eeppiige, Eeru o,” yinuk, Ala yoge, eereegwaarak nogo ndak-ndak iniki omaawi agago piyareegerak wonogo agaarik o.

Oroma 11:8 ပူးပေါင်းရင်းမြစ်များ

2 Endagembogut 17:34

It aa'nduk eeko nogogwaarak nogo o yogondak kuli kunik eekwi aret wonogwe o. It nen wone lengganak inom, wone yugu eeka'lek iinok aaninggin inoba piigo logorak wone inom, eeko logorak wone inom, “Yogop ee'nu ndogop ee'nu,” yugu inom, Aliku ALA nen aap Yakup endage ambi Iterali tooneegerak apuri yoragagerak nogo, liippunuk eekwi, Aliku ALA inagabiti mba'nuk alut eekwi, eeka'lek aret wonogo menggaarak.

2 Endagembogut 17:41

It aakumi yi nen at Aliku ALA alut eeko logonet kwe, inagugiwak inom aret tiyappit nogo nogogwaarak me, yogondak inapuri-ino-mbowologwe kunduk, inombomini eeko nogogwaarak nogo ndak-ndak aret eekwi wonogwe o.

Yetaya 6:9

Yoge mbaki, at nen an yo'nege logonet, “It aakumi ti, inaruk konenggak mban eeremenggaarak kwe, liippugwi, Inigen kagak mban yemenggaarak kwe, yelok kogwe, Eerugun lek o, Yinuk, yorage,

Yeremiya 5:21

It inigen wonage kwe, inigen kaga'lek wonogwe, Ndi, inaruk wonage kwe, inaruk konengga'lek wonogwe, Eekwi iniki lek wi-wa ti, Wone inaruk konenggo logorak nogo yi aret.

Yetikiyen 12:2

“Aakumi nen ndarak yi wae. It an noone eeriyak ineebi mbaka inenggela'me aret menggendak o. It an noone eeriyak ineebi mbakwi me, inigen wonogwe kwe, inigen kaga'lek aret wonogwe, inaruk wonage kwe, inaruk konengga'lek aret wonogwe, eeko agaarik o.

Yetikiyen 20:26

ndi, Naliku ALA an aret ineenu a'nuk, inamineeri ne agan nage logowak nduk, inapuri manggu ndarak inagugi ake inoorogo wogorogwe ti paga inoba maluk eerogo patuwak nen teppiige, eereegirak o.

Lukat 8:10

Yogo mbareegwa, at Yetut nen, “Ala abu'me pinagarak wone inikime lubuk mban wonagagerak nogo kineenu arubagip nduk, Ala nen kilikkiroorak mbake menggerak kwe, it aap ando nogo nen perak, Inigen kogwe kwe, yelok kogwe, Ndi, inaruk konenggwi kwe, inikime waganggwi, Eeko logokwak, wone eegu laarogo mban yorage minggirak o,” yoragagerak.

Nappiigak 28:26

“It aakumi yi, inigen kogwe, inaruk konenggwi, Iniki liippatinuk yunggup-melak eekwi, Eekwi iinok, An nen obeelom eeginake neyo, Ninogogumbuk ogwe, ninaruk logu ogwe, Ninigen kubuk nogwe, Eeruwok o, Yinuk, miikkolagaarak me, Inaruk konenggak mban eeremenggaarak kwe, liippatugun lek o. Ndi, inigen kagak mban eeremenggaarak kwe, yelok kaagun lek o, Yinuk, yora nak o, yinuk, kit kinombomini konenuwak nduk, Aberiniki nen Yetaya yoge kagak yoragagerak nogo ti, abet aret yoreegerak o.

Pelaareegerak 29:4

Kinigen kogogutak kwe, at Aliku ALA nen kit yelok kaamunggup nduk, kiniki ngget wokkirage, kinigen lik togon kaamunggup nduk, kinigen obeelom eeppinagage, liirogon konenggo logomunggup nduk, kinaruk abe eerogo pinagage, eeka'lek o yogondak yi kuli aret wonogo ogotik o.