Oroma 10:9 - Ala Wone Peenok Peebi Mbanak

⁹ “At Ala nen kambunuk nogo menggam nen Yetut abet aret eenik agago mippereegerak o,” yinuk, mbako logonet, “Yetut ti, ninowe aret o,” yinuk, aakumi inenggaanom paga paganggwi kiinok, Ala nen kinagap ndarigin o.

Oroma 10:9 ပူးပေါင်းရင်းမြစ်များ

Lukat 12:8

Wone yorage nagagerik, ambinom yorage logonet, “Kit aakumi inenggaanom, Yetut ti ninowe aret o, yinuk, paganggwi kiinok, an aap aret nda'nagagirak nogo nen it Ala yonggo nappiya wage menggerak malayikat nogo inenggaanom paga, It aap yi, an nawuri aret o, yinuk, paganiraagin o.

Yaya 9:22

Yorogogwaarak nogo ti, it aap Yakuri mendek nen koonggo logonet, “Aakumi nen, Aap ti, Ala nen leenogo mippereegerak Keritut aret o, yinuk paganggwi iinok, nit Yakuri tamban eeko menggam nen wumbiyaawok o,” yinuk, kooneegwaarak me, aap nogo agalo-ogoba aap Yakuri mendek inagabiti nen, “Nit nineenggo'lek o.

Nappiigak 16:31

Yoge mbareegi, it nogo nen, “Lek o. Kiniki ninogoba Yetut oba panggombunuk abet mbake keenok, kat inom, kaakkapuri inom, kinagap ndarigin o,” yoreegwaarak.

Nappiigak 2:24

at kanggo menggam time mondok tebenak logorak meek me, kambunuk nogo menggam time yagan wake logokwak Ala nen eenik agago mippegerak o.

Nappiigak 2:32

Yetut warogo pogotak ti, Ala nen eenik agago mippegerak nit abok ninigen kogoorak me, paganogo yokkirogo ogoorik o.

Nappiigak 8:36

Yorit imbirak tu paga nogo logonet, niyo ambi wage me ari nogo nogogwaarik, aap nogo nen, “Niyo yi ket o. An yiime wuppaniyak meek mbaken a?” (

Oroma 10:10

Niniki abet mbakwi paga Ala nen, “Aap yi, oba lek me, obeelom aret kagi,” yinuk, yo'nirage, ndi, “Yetut ti, ninowe aret o,” yinuk, aakumi inenggaanom paganggwi paga Ala nen ninagap ndake, eeke menggerak.

Oroma 14:11

Ala nen ari logonet, “It aakumi abok aret nabu'me inendobanggun yindu yi wogwe, It abok an nenggaanom paga eeko nogogwaarak nogo paganggwi, Eeko logogun o, yinuk, An neenik minggirak Ala nen mondok abet aret yokkigi o,” yinuk, yereegerak liiru mbanak wonage me,

Oroma 14:9

It kambeegwaarak inom, nineenik wonogwe inom, ninowe aret a'nuk abu'me pinanikit nduk, at Keritut kangge nagagerik, eenik mi'nagagerak me, nineenik logorak inom, kambuurak inom, at ake mban aret ogoorik o.

Oroma 4:24

Ata, nit abok ninake aret yereegerak o. Nit obeelom agago pinanuwak nduk, ninowe Yetut kanggo menggam nen eenik eerogo mippereegerak abet mba'nuk niniki at oba panggombugwi nogo abok ninake aret yereegerak.

Oroma 8:34

Ndi, Ala nen, “Kit maluk o,” yinuk, yo'niraga'lek kagak, aap ta nen, “Kit maluk eekotak me, onggo pinip o,” yinuk, yo'niraagin mbakop? Lek aret o. At kangge mbareegi, Ala nen eenik eerogo mippereegerak yogondak Ala eenggi abe paga logonet, ninili ari menggerak ti, Keritut Yetut aret o.

1 Korindut 12:3

Ala Aberiniki kinikime wonage logonet, “Kat Yetut yi, kugi pulunogo pagagi o,” yinuk, yoriyak op mbakop? Ndi, Aberiniki kinikime lek logonet, “Kat Yetut nowe aret o,” yinuk, yoriyak op mbakop? Togop yoriyak mondok meek me, kineenu logobagip nduk, yokkiragi.

Pilipi 2:11

Ndi, aakumi inanebunu lombok abok aret ninogoba Ala endage tiyak yuwak nduk, “Yetut Keritut ti, ninowe aret o,” yinuk, nggwok paga paganggwi, Eeruwak nduk, Tiyappereegerak o.

1 Yaya 4:15

Kit nen, “Yetut ti, Ala aput aret o,” yinuk, paganggwi kiinok, at Ala kit kinom kunik wonage, ndi, kit at kinom kunik wonogwe, eeko logomunggup o.

2 Yaya 1:7

It aap ando nen, “Yetut Keritut ti, aap kwak nggween paga yime nda'narulik o,” yinuk, aakumi inambo'me laganuwok nduk yoranet nogo menggaarak mendek yi o ndi o ineebe ambik aret wonogwe o. It aap ti, Pilit Keritut negen logonet, pilit-pilit aret aakumi inambo'me laganggo menggaarak me,