Oroma 1:7 - Ala Wone Peenok Peebi Mbanak

⁷ Kit Oroma mendek abok aret at Ala nen iniki kunik eekkinake, at apuri alik leenak logobagip nduk, miirogo pinagage, eereegerak ti, Ninogoba Ala ninowe Yetut Keritut imbirak iniki kunik en eeppinagagwi, kiniki ugun tayenak obeelom logobagip nduk, eeppinagagwi, eeko logogun o.

Oroma 1:7 ပူးပေါင်းရင်းမြစ်များ

Ndawi 60:5

Nit aap kiniki kunik ee'ninake menggendak nogo Ninagap ndarak logowok nduk, “Yeenggwa niret,” yokkugwi yi, karuk konembunuk, Kat keenggi abe'nggan paga ninagap ndaru o.

Ndawi Iya 5:1

Niriluk o. Noreeluk o. An neyabu me unggwi nage, Namendek obari abe kaga kuwak eeke logonet, nggami inom kuwak eerogo pege, Nanggiin ta'mbanak inom, nanggiin amburu inom, nengge, Nanggur amburu inom, nayilak amburu inom, nengge, Eekirak o. Togop me, niniri-ninore yi wae. Mbi nunggwi, anggur amburu nunggwi, ee'nip o. Amburu ndonggorogon nenok, inale'nggen aganake menggi kwak, niniki-kiniki kunik logonet, kinoba ndonggo yuwak nduk eerit nogo logonip o.

Linggineegwaarak 6:25

Aliku ALA pekkiige logonet, eya eerogo pinagage, Kinabuwa nen onggo lek we aret wokkirage,

Matiyut 5:16

It aakumi nen kit obeelom eekwi inigen kiigo logomenggaarik, kinogoba mbogut paga mendek wogoppuwak nduk, kit nen togop aret aakumi inenggaanom paga ndi pogom eya aago logonip o,” yinuk, yoragagerak.

Yaya 20:17

Yoge mbareegi, at Yetut nen, “An nogoba wonage me awo ka lagangga'lek me, pi'nabugun o. Kit kinogoba ti, an nogoba. Ndi, kit kinogoba Ala ti, an nogoba Ala aret me, at wonage me ka lagi nage agaarik, yegerak o, yinuk, noreewi ineenu logowak nduk, yora nak o.”

Nappiigak 15:23

nappiyaawok nduk, liiru mbanggo logonet, “Ninoreewi wa. Kinoreewi nit nappiigak inom, Ala apuri unde inom, nogo nen ninoreewi kit endekem mendek abet mbareegutak o Andiyokiya inom, o Tiriya inom, o Kilikiya inom, kit time wonogwe abok aret keyage wokkinako o.

Nappiigak 9:13

Yoge mbareegi, at Ananiyat nogo nen, “Nogoba o. At aap nogo, kapuri alik leenak o Yerutalem menggaarak maluk eeginabit nege yogwe nogo an muk konenggirak o.

Oroma 1:6

Kit Oroma mendek togon at Yetut Keritut apuri arubagip nduk, miirogo pinagareegerak o.

Oroma 5:1

Togop me, yogondak niniki at oba panggombunuk abet mbakwi paga at Ala nen, “Aap yi, oba lek o,” yinuk, obeelom agago pinaneegerak me, ninowe Yetut Keritut eereegerak paga ninikiigun tayenak Ala ninom kunik aret ogoorik o.

Oroma 5:5

Ndi, niniki lunik togop aret wonogwe me, at Ala nen Aberiniki wo'niragagerak ti paga Ala iniki kunik nen mondok alik negen ninabuwa mbake menggerak nineenu logonet, niniki lunik wonogwe nogo kolaagun aret mbakwi me, niniki piirik wonogwe lek o.

Oroma 8:28

Nit Ala iniki mbake ndak-ndak eeko logowok nduk, ninayonggo pinaneegerak nogo, at ninom niniki kunik niinok, yi mendek ndi mendek eekwi inom, eeppinanugwi inom, ti abok at Ala nen nit obeelom eeriyak ambi kaawok nduk, eeppinanege menggerak.

1 Korindut 1:24

nit Ala yonggo pinaneegerak Yakuri mendek inom, Yunani mendek inom, nogo nen perak, wone ti konembunuk, “Ala iniki warak logonet omaawi paga ninagap ndariyak kooneegerak nogo ti, Keritut ninake kambeegerak paga aret ee'ninabigin o,” mba'nuk, yorogo monggoorak.

1 Korindut 16:23

Ninowe Yetut kinom wonage me, kinarum aret logogin o.

2 Korindut 13:14

Ninowe Yetut Keritut iniki kunik nen obeelom eekkinake, Ala nen kinabuwa mbake, ndi, Aberiniki kinom kunik logonet, kit abok aret kinarum wonage, eeko logogun o. Abu aret yokkiragi o, noreewi wa.

Nggalatiya 6:18

Ninowe Yetut Keritut iniki kunik en eeppinagage logonet, kinarum aret logogin o. Wone ti abu aret yokkiragi o. Noreewi wa.

Epetut 1:2

Ninogoba Ala ninowe Yetut Keritut imbirak iniki kunik nen wokkirogwe, kiniki ugun tayenak ale'nggen logobagip nduk, eeppinagagwi, eeko logogun o.

Epetut 6:23

Kit ninoreewi Ala apuri abok aret abet mba'nuk, kiniki ugun obeelom ambit lambunik logonet, nabuwa-kabuwa mbako logobagip nduk, ninogoba Ala ninowe Yetut Keritut imbirak nen eeppinagago logowak o.

Pelaareegerak 33:12

It inanebunu Mbeniyamin mendek nen eeko logorak wone yoge logonet, “Kaliku ALA nen kiniki kunik aganake, It aap yi, liingge-oonikiya kabu'me piirogo wonage, Kat keebe paga mulumbiirogo wonage, Eeke menggendak me, Iniki yuma yonggolak nu'lek aret logogun o,” yinuk, yoge,

Pilipi 1:2

Ninogoba Ala ninowe Yetut Keritut imbirak iniki kunik nen wokkirogwe, kiniki ugun tayenak ale'nggen logobagip nduk, eeppinagagwi, eeko logogun o.

Pilipi 4:13

Keritut nimbirak kunik logonet, omaawi eeppanege kagak, an yi eekak ndi eekak abok eeriyak op aret kage minggirak o.

Pilipi 4:20

“Ninogoba Ala endage mondok-mondok tiyappogo logowok o,” yinuk, abet aret yokkiragi o. Amin.

Pilipi 4:23

Ninowe Yetut Keritut iniki kunik en eeppinagage logonet, kinarum aret logogin o. An Pawulut Timotiyut nimbirak nen abu aret yokkirogo o. Wa.

Kolote 1:2

kit abet mbareegutak Keritut kinom kunik ninoreewi Ala apuri ake leenak o Kolote wonogwe nogo, wone ambi yokkiraawi o. Ninogoba Ala iniki kunik nen wokkirage, ndi, kiniki ugun tayenak ale'nggen logobagip nduk, eeppinagage, eeke logogin o.

Kolote 3:12

Togop me, at Ala nen kinabuwa mbake logonet, at apuri maluk eeka'lek alik leenak logobagip nduk, miikkinabeegerak me, yum yikkologo mengga kwak kinobaabut ngget mendek eekkologo logonet, aakumi inabuwa mbakwi, kiniki yanggonak paga obeelom eeppiigwi, kiniki tebenak logonet nugwi, kinoone omaawi lek yanggorogon yorogwe, inoone kinoba pinagagwi iinok liippunuk yorogwe,

Kolote 3:15

Keritut kinom kunik kineebe ambit a'nuk lambunik logonet, kiniki ugun tayenak ale'nggen logobagip nduk, Ala nen kinayonggo pinagareegerak me, nit op eekwi niinok, Keritut nen niniki ugun tayenak logowok nduk, ale'nggen eeppinanege menggerak nogo, kit ndak-ndak, yi mendek ndi mendek eeriyak kiniki koonggwi kiigak, op eeriyak kenok ale'nggen eekkinake, ndi, maluk eeriyak kenok, kiniki aaninggin eekkinake, eeke logowak o. At togop eekkinake menggerak me, Ala mondok, “Wa,” yogo logonip.

1 Tetalonika 1:1

Noreewi o. Kit Ala apuri ninogoba Ala ninowe Yetut Keritut kinom kunik o Tetalonika kuwak eeko monggotak nogo, an Pawulut kunduk, Tiliwanut kunduk, Timotiyut kunduk, nen wone ambi yokkiraawi o. Ala iniki kunik nen wokkirage, kiniki ugun tayenak ale'nggen logobagip nduk, eeppinagage, eeke logogin o.

1 Tetalonika 1:3

Kit abet mba'nuk eerit nugwi, aakumi kiniki kunik nen nggwiirit-nggwaarit obeelom eeppiinet nugwi, ndi, ninowe Yetut Keritut paga kiniki lunik wonogwe me, aaninggin kinoba age kagak kinogogumbuk logonet waganggwi, eekwi nogo ti, aberak logonet, ninogoba Ala yogo monggoorak o.

1 Tetalonika 1:4

Noreewi o. Ala iniki kunik eekkinake logonet, miikkinabeegerak ti, nineenu aret o.

1 Tetalonika 5:28

At ninowe Yetut Keritut iniki kunik en eeppinagage logonet, kinarum aret logogin o. Noreewi wa!

2 Tetalonika 1:2

Ninogoba Ala ninowe Yetut Keritut imbirak iniki kunik nen wokkirogwe, kit kiniki ugun tayenak ale'nggen logobagip nduk, eeppinagagwi, eeko logogun o.

2 Tetalonika 3:16

Ndi, yogondak niniki ugun tayenak ale'nggen logowok nduk, eeppinanega ninowe nogo nen yi eekak ndi eekak abok aret eerit nogwe kiigak, kiniki ugun tayenak ale'nggen logobagip nduk, kinarum logonet, eeppinagit nage logogin o. Kit abok aret ninowe kinom logogin o.

2 Tetalonika 3:18

At ninowe Yetut Keritut iniki kunik nen kit abok aret eeppinagage logonet, kinarum logogin o. Wa!

1 Timotiyut 6:2

Ndi, it aakumi inayeloman nogo nen inogobamini abet mbakwi iinok, “Nit kunduk abet mbakwi me, Ala apuri ninom ndak-ndak aret o,” yinuk, inoone taganogo punuk, tebembiyoorak mage o. Ata, it nogo nen, “Ninogobamini yabu eeppiigwi ti, aakumi inambik ti lek o. Nit ninom ndak-ndak abet mbakwi aret me niniki kunik aret o,” yinuk, ambinom inake nggwok togon eerit nugu logowak o. Wone yokkege yi nogo abok aret mamunirage, inaruk wake, eeke logot o.

2 Timotiyut 1:2

At ninogoba Ala inom, ninowe Keritut Yetut inom, imbirak iniki kunik nen wokkugwi, kabuwa nen obeelom eeppagagwi, ndi, kiniki ugun tayenak ale'nggen logonok nduk, eeppagagwi, eeko logogun o.

2 Timotiyut 4:22

Ninowe Yetut iniki kunik en eeppagage logonet, karum aret logogin o. Wa!

Pilemon 1:25

At ninowe Yetut Keritut iniki kunik en eeppagage logonet, karum aret logogin o. An Pawulut Timotiyut nimbirak nen abu aret yokkogo o. Wa!

Pilemon 1:3

Ninogoba Ala ninowe Yetut Keritut imbirak iniki kunik nen wokkirogwe, kiniki ugun tayenak ale'nggen logobagip nduk, eeppinagagwi, eeko logogun o.

Yakobut 1:1

Kit Yakuri kinanebunu 12 mendek yi o ndi o mbaganit nogogutak nogo, an Yakobut nen ninogoba Ala ninowe Yetut Keritut imbirak inayeloman logonet, keyage wappinagagi o.

1 Peterut 1:15

At Ala nen ari logonet, “An maluk eekeelik alik leenak minggirak ndak-ndak, kit togon maluk eeka'lek alik leenak togop aret logonip o,” yinuk, yereegerak wone liiru mbanak wonage me, at Ala maluk eekeelik alik leenak menggerak nogo nen kinayonggo pereegerak me, kit togon maluk eeka'lek alik leenak logonet, eerit nogo logonip o.

1 Yaya 3:1

Nit at apuri abet aret wonogwe me, at Ala nen, “Kit an napuri aret o,” yo'nirage ti paga at ninogoba ninabuwa nggwok mondok alik negen mbake menggerak ti, kaanip o. It aakumi nggween paga mendek mban mugurok nogwe nogo nen aa'nduk Ala yelok kaga'lek wonogogwaarak kwak, yogondak at apuri nit kunduk yelok niiga'lek aret agaarik o.

2 Yaya 1:3

nit, “Ala ndogop menggerak,” wone nogo woppunuk, mugurok nogo logonet, ninoreewi ninom niniki-kiniki kunik eerit nogwe niigak, ninogoba Ala at aput Yetut Keritut imbirak iniki kunik en wo'nirogwe, ninabuwa nen obeelom eeppinanugwi, niniki ugun tayenak ale'nggen logowok nduk, eeppinanugwi, eeko logowak o.

Wayu 2:1

Yo'nege kage nagarik, wonage me, “At malayikat Ala apuri o Epetut kuwak eekwi inarum menggerak nogo nen apuri yoraawak nduk, yoriyak, yokkiri o. Neenggi abe'nggan paga laaluguragan 7 porogo logonet, ndi wuninogo pegak mbuti emas paga ogobakkigirik 7 inenggela'me nege minggirak an nogo nen

Wayu 2:12

“Ndi ambi, at malayikat it Ala apuri o Peragamut kuwak eekwi inarum menggerak nogo nen apuri yoraawak nduk, yoriyak, yokkiri o. An mbuti togowa ngget peenok-peenok maarak porogo minggirak nogo nen,

Wayu 2:18

“Ndi, ambi at malayikat Ala apuri o Tiyatira kuwak eekwi inarum menggerak nogo nen apuri yoraawak nduk, yoriyak, yokkiri o. An nenegen kani omoonuk wunuk ari pogom logonet, mbuti tembaga kani kunik me mambugwi iinok, eyak kwindagala eerogo pegetak me, abinak pigan-pigan eeke menggi kwak, niyok togop ndak-ndak pigan-pigan eeke minggirak nogo nen,

Wayu 2:29

Aberiniki nen Ala apuri yi awi ndi awi kuwak eeko menggaarak yorage nogo ti, inaruk wonage kenok, liirogon aret konenggo logowak o, yinuk, wone yagarak nogo abok aret at malayikat Ala apuri o Tiyatira kuwak eekwi inarum menggerak nogo nen apuri yoraawak nduk liiru mbanogo nappu o.”

Wayu 2:8

“Ndi, at malayikat Ala apuri o Timirina kuwak eekwi inarum menggerak nogo nen apuri yoraawak nduk, yoriyak, yokkiri o. An kangge nagagirik, neenik a'nuk mi'nagagirak aa'nduk togon wonagagirak me, peebi irip paga mondok logogin nogo nen

Wayu 22:21

Kit kinowe Yetut nogo iniki kunik en obeelom eeppinagage logonet, kinarum aret logogin o. Amin.

Wayu 3:14

“Ndi, ambi at malayikat Ala apuri o Laworikiya kuwak eekwi inarum menggerak nogo nen apuri yoraawak nduk, yoriyak, yokkiri o. At Ala nen yi mendek ndi mendek wakkaakit mbake kagak, wakkagagirak alom an aret me, Ala nonggop menggerak mondok liirogon abet aret paganogo ari minggirak nendage Amin nogo nen,

Wayu 3:22

Aberiniki nen it Ala apuri yi awi ndi awi kuwak eeko menggaarak yorage nogo ti, inaruk wonage kenok, liirogon aret konenggo logowak o, yinuk, wone yagarak nogo ti abok aret at malayikat Ala apuri o Laworikiya kuwak eekwi inarum menggerak nogo nen apuri yoraawak nduk, liiru mbanogo nappu o,” yinuk, yo'nege kagarak o.

Wayu 3:7

“Ndi, ambi at malayikat Ala apuri o Pilarelipiya kuwak eekwi inarum menggerak nogo nen apuri yoraawak nduk, yoriyak, yokkiri o. An Ndawut agunci nogo porogo logonet, tu paake neenok aakumi nen nakwi, ndi, nake neenok paakwi, eekulik an mban unde logonet, pilit ariilik abet mban ari minggirak nalik leenak minggirak nogo nen,