Oroma 1:32 - Ala Wone Peenok Peebi Mbanak

³² ti eerit nugu menggaarak nogo ti, Ala nen, “Yogop eerugup, ndogop eerugup,” yereegerak nogo mendek eekwi iinok, “Mondok inoorigin o,” yereegerak nogo ineenu logonet kwe, kagak eerit nugu menggaarak. Eerit nugu logonet, “Nit mban eeriyak lek o. Ata, it ando ninom aret eeruwok o,” yinuk, eerit nugwi me, Ala nen mondok inoorigin o.

Oroma 1:32 ပူးပေါင်းရင်းမြစ်များ

Ndawi 50:18

Aap kiraakwi kinigen iinok, kinom eerit nugwi, Kumi ugun wurinaka kinom kunggologwe,

Kini Wuppiige 28:4

It aap wone yugu mbo pugwi nogo nen it aap maluk mendek tiyappiigo menggaarak kwe, It aap wone yugu liirogon porogo wonogwe nogo nen aap maluk mendek inoone lek eerogo piigo menggaarak.

Oteya 7:3

“It maluk eerit nugwi paga inowe endagembogut ale'nggen mbake, It pilit agan nugwi paga inoweewi nagawan-nagawan inikilom mbakwi, Eeko menggaarak o.

Lukat 11:48

Kit kinombomini nen it aap Ala yorage kagak yoraga inooreegwaarak nogo, inobaane'me kit aret inabiriiwak yimbiigwi ti paga, kinombomini eereegwaarak nogo ti, Op aret eereegwaarak o, mba'nuk, yogwe kiigi o.

Nappiigak 22:20

Ndi, kat koone yorage nagagerak Tepanut nogo, wakwi iigak, an taati logonet, Waruwak aret o, mba'nuk, inambogoyum endekem mendek nggoorak porogo taati aret wonagagirak o, yinuk, yoreegirak.

Nappiigak 8:1

At Tawulut kunduk Tepanut wakwi ti op aret mbareegerak. At wareegwaarak ti eyom paga, it Ala apuri o Yerutalem kuwak eerit nogo nogogwaarak nogo, inooruwok nduk, iya lombok ale-pale eeginabit nogo mbareegwa, o Yureya Tamariya enaagan-ambokan time kole ma'narit nogogwaarak kwe, it nappiigak nogo perak, mbaganulik aret puk ogogwaarak.

Oroma 1:18

It aakumi maluk eeka nen Ala wone ineebi mba'nuk, maluk mban eerit nogo logonet, Ala ndogop menggerak wone aakumi waganggwi iyo nduk, non mbambiigo menggaarak me, Ala agi mbogut paga nen anini wuppi wagaatak kin age paga nineenu age menggerak.

Oroma 1:21

It Ala ineenu aret logonet kwe, “Ti at Ala aret o,” yinuk, wogoppugwi, “Ala nogoba wa,” yinuk, keyage wakwi, eeka'lek logonet, iniki lek negen we ugun aret koonit nugwi me, iniki o apit negen kobak aago wonogo agaarik o.

Oroma 6:21

“Nit maluk eeko nogogurak ti paga ninagabiti o,” yinuk, yogondak kit yogwe nogo ti, eerit nogo logonet, irip paga obeelom ambi ngge eekkologo nogogutak? Lek aret o. Ti abok aret eerit nogo nogogutak paga kanggo nogogutak.

Oroma 6:23

Maluk eekwi onggo ti, kanggwi aret kwe, at Ala nen onggo lek we wo'niragagerak ti, ninowe Keritut Yetut ninom kunik logonet, nineenik mondok-mondok logorak ti aret o.