Oroma 1:28 - Ala Wone Peenok Peebi Mbanak

²⁸ Ndi, it nen, “Ala ti abet aret wonage, yuurak kwe, ambi eeppinaniyak lek me,” mbako nogogwaarak paga, iniki lek negen a'nuk, eeriyak lek mendek kagak, eeko logowak nduk, Ala nen pulunogo mbo piyareegerak.

Oroma 1:28 ပူးပေါင်းရင်းမြစ်များ

Wakkagagerak 6:5

Yi aakumi ndi aakumi nggween paga maluk mban eerit nogwe, it inikime nen yi eeriyak ndi eeriyak koonggwi nogo ti, maluk mban aret koonggwi, eekwi nogo at Aliku ALA nen enegen iige nagagerik,

2 Tamuwen 22:27

It iniki kikak naka'lek wonogwe iinok, Kiniki kikak naka'lek keyaawak nduk eeppiige, It wi-wi aganakwi iinok perak, Kat nen melak togon wi-wi aganake,

Ndawi 69:27

Inagap ndarak logowak nduk obeelom eeppiyoorak mage o. Ata, it maluk eekwi ti nogo Irip paga onggo mondok nggwik togon eeppiyaanok nduk, Maluk ambinom eerit nawak nen teppiyet o.

Kini Wuppiige 1:22

Iniki warak nen ari logonet, “Aap kiniki yuundurak yi wae. Kiniki koongga'lek ugun wonogwe, Kit meek eerogo piiga nen aakumi meek eerogo piyoorak kinikilom mbakwi, Kit kiniki lek wi negen nen wone nineenu ariyak, Nineebi o, mbakwi, Eekwi kiigak, Ne mande ari nagin o.

Kini Wuppiige 1:29

It nogo nen yi wone ndi wone ineenu ariyak nogo ineebi mbakwi, Aliku ALA ayuk wuriyak uugwe mbaka'lek wonogwe,

Kini Wuppiige 1:7

It aap iniki warak mamunggolaawok nduk eekwi ti, Aliku ALA inagabiti mbakwi ti aret kwe, Aap iniki lek wi nen perak, iniki warak ogwe, inaruk wakwi, eekwi ti, miyuk-meya eerogo pogo menggaarak o.

Kini Wuppiige 17:16

Aap wi nogo nen Iniki warak ariyak uugwe mbaka'lek logonet, Wu eenggime porogo wonage nogo ti, Aanom warogo aret porogo wonage menggerak.

Yeremiya 4:22

At Aliku ALA nen ari logonet, “An napuri ti, wi negen aret wonogwe, it an liippanega'lek wonogwe, Elege iniki lek pogom wonogwe, op ariyak maluk ariyak ineenggo'lek kobak aret wonogwe, Obeelom eeriyak mendek kobak logonet kwe, maluk eeriyak kenok perak, Iniki penenak logonet, aganggen kerek togon eerit nugwi, Eeko menggaarak,” yegerak o.

Yeremiya 6:30

Naliku ALA nen it nogo mbo piyareegirak me, Mbuti perak mbo pugu mendek it aret, yogo menggaarak o,” Yinuk, yo'negerak me, yagi o.

Yeremiya 9:6

Inoone pilit mban kilirogo pit nogo menggaarak inenggela'me menggendak o. It aap ti, Ala ninogoba aret o, yinuk, yuurak ineebi mbako menggaarak o,” yinuk, an yo'negerak o.

Yetikiyen 14:5

Ti eerigin nogo ti, it aakumi Iterali mendek nen yi kugi ndi kugi ambik mugurok nogo logonet, an mbo paneegwaarak nogo, iniki yungguk togon nowagam woraawak nduk, eerigin o.

Yetikiyen 20:25

Eeko logowak nduk, wone maluk lengganogo yorage, eeko logorak meek kagak eeko logowak nduk, wone yorage,

Oteya 4:6

Ndi, it an napuri kunduk, neebe liippanega'lek me, ineebe lek aret arugun o. It neebe unde nen an liippaniyak wone nogo, it yoraga'lek mbo pereegwaarak paga an nen it mbo piige, Eeko logorak wone an inogoba Ala nen yoragagirak nogo, Mari eerogo pereegwaarak paga an nen it inapuri liippiyaagin lek mbo piige, Eerigin o.

Nappiigak 17:23

O kota yime kit kugi eerit nogo monggo'nom nenegen kanet nage logonet, kugi eeko monggo'nom ambi, Ninogoba Endage Nineenggo'lek Eeko Monggom o, yinuk, liiru mbanak pugunik nenegen kagarak. Kit kineenggo'lek logonet, ayuk wuppunuk alut eeko monggotak ti'nogo an nen yokkira o.”

Nappiigak 17:32

At Pawulut nen kambunuk ineenik ariyak wone ari konembogo nogogwaarik, it ando nogo nen miyuk-meya eerogo pugwi iigak kwe, it ando nen perak, “Wone ti, ambinom ari keyaawi o,” yinuk, yogo mbareegwa,

Oroma 1:18

It aakumi maluk eeka nen Ala wone ineebi mba'nuk, maluk mban eerit nogo logonet, Ala ndogop menggerak wone aakumi waganggwi iyo nduk, non mbambiigo menggaarak me, Ala agi mbogut paga nen anini wuppi wagaatak kin age paga nineenu age menggerak.

Oroma 1:21

It Ala ineenu aret logonet kwe, “Ti at Ala aret o,” yinuk, wogoppugwi, “Ala nogoba wa,” yinuk, keyage wakwi, eeka'lek logonet, iniki lek negen we ugun aret koonit nugwi me, iniki o apit negen kobak aago wonogo agaarik o.

Oroma 1:24

Togop eeko nogogwaarak paga, iniki nen uugwe mba'nuk, abu maluk eekulik mendek kagak eerit nugu logonet, it-it aret maluk eekko'net nogo logowak nduk, Ala nen mbo piyareegerak.

Oroma 1:26

Togop eeko nogogwaarak kenok, it nogo mbo piyareegerak logonet, it inakuwi nogo nen aap eeginaburak nogo mbo punuk, eekulik mendek eekwi,

1 Korindut 15:34

It ando kinenggela'me Ala wone ineenggo'lek iigak, kit maluk eekwi me, maluk eeko monggotak nogo mbo punuk, kiniki warak a'nip o. Wone yokkirage yi, kit kinenggali arubagip nduk, yokkiragi o.

2 Korindut 10:5

At Ala mban ninenggaawak paga logonet, it abe wone taganogo punuk inoone we ugun agan nugwi nogo inoone lek eerogo piigwi, “Ala wone mban kineenu a'nuk logorak ti meek o. Ata, yi wone ndi wone abok aret kineenu ariyak perak op o,” yinuk, wogoppatit nugwi nogo tebenogo piigwi, ndi, nit niniki mba'nuk eeriyak koonit nugwi nogo tebenogo punuk, Keritut yo'nirage kenok mban eekwi, eerit nogo ogoorik o.

Epetut 5:4

Kumi inabok mban agan nugwi, elege negen ugun i'ndok kambuurak mban agan nugwi, iniki kumi paga mban lunik logonet, inoonewak agan nugwi, eekwi ti mendek abok aret yuurak lek maluk mendek kagak agan nugwi me, kit Ala apuri kenok togop yuurak mondok mage. Ata, Ala, “Wa!” mban yoge logonip o.

2 Tetalonika 1:8

it aakumi Ala ineenggo'lek obeelom wone ninowe Yetut eeke nagagerak wone nogo wagangga'lek iinok, maluk onggo wogora woraagin eyom nogo paga niniki tayenogo pinanigin o.

2 Timotiyut 3:8

It aap Yanet Yamberet imbirak en Muta wone, “Nineebi o,” yinuk, yogogwaarak nogo pogom, it aap ti, Ala ari menggerak wone, “Nineebi o,” yinuk, yogo menggaarak. It iniki mondok maluk mban koonggwi me, nit wone abet mba'nuk eekwi paga inabut mbambunuk, eekwi lek iinok, mbo piyareegurak.

Titut 1:16

It aap ti nen yogo logonet, “Ala nineenu o,” yogo menggaarak kwe, it eerit nugwi paga nen perak, “Ala nineebi,” mbako logonet, yogwe yelok iigo monggoorak. Ala wone konengga'lek taganogo pit nogo logonet, obeelom ambi eekulik maluk mban eekwi me, inogole warak aret iigo monggoorak o.

Pilemon 1:8

Togop me, an koweeluk Keritut nimbirak kunik logonet, kat ambi eeriyak agaarak kagarak nogo, eeke logonok nduk, noone omaawi togon yokkiriyak op kwe,

2 Peterut 3:5

Ti yogwe nogo ti, Ala oone paga nen mbogut wakkage, nggween wakkage, eeke logonet, niyo mban wonage mbareegi, Ala nen, “Nggween aruwak o,” ari kagak, niyo inikime nen nggween aret kin age, ti'nuk, ti eyom paga mban peebi mayu nappi wagagerak nogo paga niyo yenggenit lagangge logonet, o aa'nduk wakkagagerak nogo maluk eerogo pege, eereegerak nogo ineenu logonet kwe, taganogo mbo pogo menggaarak o.