Oroma 1:21 - Ala Wone Peenok Peebi Mbanak

²¹ It Ala ineenu aret logonet kwe, “Ti at Ala aret o,” yinuk, wogoppugwi, “Ala nogoba wa,” yinuk, keyage wakwi, eeka'lek logonet, iniki lek negen we ugun aret koonit nugwi me, iniki o apit negen kobak aago wonogo agaarik o.

Oroma 1:21 ပူးပေါင်းရင်းမြစ်များ

Wakkagagerak 6:5

Yi aakumi ndi aakumi nggween paga maluk mban eerit nogwe, it inikime nen yi eeriyak ndi eeriyak koonggwi nogo ti, maluk mban aret koonggwi, eekwi nogo at Aliku ALA nen enegen iige nagagerik,

Wakkagagerak 8:21

Nogo warogo kani kuneegerak obari Aliku ALA ogobak me nage mbareegi, iniki ale'nggen age nagagerik, iniki nen mbake logonet, “It aakumi yi, wologwe-mbuulogwe paga nen maluk eeriyak koonggo logogun aret kwe, koonggwi iinok, an nen o nggween paga yime pulunogo piigirak kokwak, peebi togop ambi pulunogo piinok, maluk eeppiige logogin abu lek o. Ndi, yi mendek ndi mendek ogobakkigireegirak ineenik nugu menggaarak mendek yogondak inookirak kokwak peebi togop ambi inoorigin mondok lek o.

1 Endagembogut 20:23

Togop eeke wonage kagak, aap Aram inowe endagembogut inom eeko menggaarak awuri nogo nen at yogo logonet, “It Iterali inagugi ti, puut-puut menggaarak kugi eerimbo nen inomaawi ambik eeppiigwi me, nit nen tebenogo piyoorak meek iigoorak kwe, o kobappaga it ninom wim eekwi niinok perak, nit ninomaawi ogo logonet, it tebenogo piyaagun o.

2 Endagembogut 17:15

wone lengganogo yoragagerak nogo, “Eeko logorak nineebi o,” yinuk, inombomini inom wone abuk nggaruk togon koonogo pereegerak inom, aaninggin inoba arukwak yorage nagagerak inom, taganogo mbo punuk, obeelom eeginaburak lek aanom warogo kagak inagugiwak tiyappit nogo logonet, it kunduk, ineebe abe lek maluk aret wonogogwaarak. At Aliku ALA nen, “Yi aakumi ndi aakumi eerit nogo menggaarak nogo kit togoti eerit nogo logorak mage o,” yoragagerak kagak, it eekwi nogo wakkagak aret eerit nogo nogogwaarak.

Ndawi 50:23

It aap an, Wa, yo'nogo logonet, Warogo wo'nugwi paga nendage tiyappanugo logogun o. Ndi, it inaru koonogo pakwi iinok ti, Inagap ndariyak wone nogo An nen ineenu eeppiige logogin o,” yinuk, yorage logogin o.

Ndawi 81:12

Kinanobak yugum pogom wonogwe me, Kinombaalombok o, yinuk, mbo pinagareegirak o.

Ndawi 86:9

Nogoba o. Kat Ala kalik aret wonage, Abu nggwok lombok wonage, eerubok mendek eeke, Eeke menggendak me, Yi aakumi ndi aakumi ogobakkigirogo piyareegindak nogo Abok aret wogo logomenggaarik, Kat kabu'me tebe yinuk, kalut eekwi, Kat kendage kunogo tiyappagit nugwi, Eeko logogun o.

Wone Alom Kibingga 7:29

Wone ambiriluk ambi an kagagirak nogo yi o. At Ala nen nit yi aap ndi aap niniki abe koonak logowok nduk, ogobakkigi'ninabeegerak kwe, nit ninalik nen aret yelawe-nggolawe eekko'net nogo monggoorak o.

Yetaya 60:2

O apit nen nggween nobappunuk wonage, Yi aakumi ndi aakumi o yumaak lombok eeppiinok wonage, Eerak ti kaawak o. Togop aret aago kwe, Naliku ALA eya oba pindanogo pege, An nabinak kwindagala aago wonage nogo, at irimbaga eya eeppege, Eerak wonage kenok,

Yeremiya 16:19

Kaliku ALA wae. Kat komaawi eeppanega, Nobak wurik kwak wonaga, aaninggin noba age kenok, neebe op logokit nduk, kabu'me panega, kat aret o. Yi aakumi ndi aakumi kat kowagam ari wogwe, O nggween irip-irip me nen kat keya wogwe, Eeko logomenggaarik, Kat yokkogo logonet, “Ninombomini ti, abe mendek ambi porogo logolik o. Ata, inambokan lagangga abe eeppiyoorak lek aanom warogo kagak inagugiwak ti mban porogo wonogogwaarak o.

Yeremiya 17:9

Yi mendek ndi mendek obeelom eerogo puurak ti op aret kwe, Nit niniki ti nen perak, abu maluk lombok logonet, abe eeriyak kagak alik eeriyak yo'nirage menggerak me, Obeelom ariyak, ta nen liippunuk eeriyak mbakop? Meek aret o.

Yeremiya 2:5

At Aliku ALA nen yegerak nogo yi aret. “It inombomini nogo maluk ngge eeppiige neenok, an mbo paninuk ineebe abu nda ogogwaarak? Kugi abe lek aanom warogo kagak mugurok nogwe, Mugurok nogwe iinok, meek eerogo pakwi, Eereegwaarak.

Yetikiyen 14:5

Ti eerigin nogo ti, it aakumi Iterali mendek nen yi kugi ndi kugi ambik mugurok nogo logonet, an mbo paneegwaarak nogo, iniki yungguk togon nowagam woraawak nduk, eerigin o.

Yetikiyen 20:25

Eeko logowak nduk, wone maluk lengganogo yorage, eeko logorak meek kagak eeko logowak nduk, wone yorage,

Oteya 2:8

Gandum inom, anggur amburu ngget toolak inom, tayitun amburu toolak inom, wogoge nagagirak nogo ti, At Ala nen aret wo'nege kagi, yinuk, ari, Ndi, inagugi Mba'an ayuk wuko logonet ake pogo nogogwaarak mbuti perak inom, mbuti emas inom, kalo logonogo wogoge nagagirak nogo ti, Ala nen aret wo'nereegerak kagak, eereegirak kagi, yinuk, ari, Eeka'lek aret agaarik o.

Yaya 3:19

Ala nen inowak loonogo maluk onggo inoba piyoorak alom nogo yi aret. At eya eeginake menggerak nogo o nggween paga yime muk wambi wagagerak kwe, it aakumi ti, maluk mban eeko menggaarak me, At eya nogo ti, nineebi o, mba'nuk, o apit mban inikilom mbako menggaarak.

Nappiigak 26:18

It o apit negen wonogwe nogo mbo punuk eya me unggwage, ndi, at Ibilit abu'me piyareegim nen wundi nanuk, Ala abu'me piige menggim unggwogwe, Eeruwok o, yinuk, yuwak nduk, nappagagin o. It nogo iniki noba panggombunuk abet nombakwi iinok, inomaluk Ala nen lek agago piinok, at apuri leenogo piyareegim nogome inom nabenogo piyaawak nduk, nappagagin o, yinuk, yo'nereegerak o,” yoragagerak.

Oroma 1:19

At Ala nen, “An ndogop minggirak yelok neyaawak o,” yinuk, eebe kin eeppege menggerak kwe, liippega'lek iinok, Ala anini inoba piige menggerak.

Oroma 1:28

Ndi, it nen, “Ala ti abet aret wonage, yuurak kwe, ambi eeppinaniyak lek me,” mbako nogogwaarak paga, iniki lek negen a'nuk, eeriyak lek mendek kagak, eeko logowak nduk, Ala nen pulunogo mbo piyareegerak.

Pelaareegerak 28:29

aakumi inigen mbuk o apit paga liinggwi agan nugu mengga kwak, kit kinigen obeelom aret kwe, o liingge kagak aret liinggwi agan nugu logomunggup o. Kit ambi eekkolaawok nduk, eerumonggotak kwe, abe eya mbanogo nengga'lek kiigak, ko'lu-kii'me wi-wi eekkinakwi, kineenggime ndinggologwe, eekwi iigak, aap ambi nen kinabuwa mba'nuk yeenggwa kirogo logogun lek aret o.

2 Timotiyut 3:2

Ti eyom paga eeriyak nogo ti, aakumi nen, “An mban,” mbako logonet, iniki nggilimi wonogwe, wu mban uugwe mbarit nugwi, iniki tiyappatit nugwi, “Wi!” iraawak nduk wogoppatit nugwi, inoreewi miyuk-meya eerogo piinet nugwi, inagalo-inogoba inoone liirogon konengga'lek nugwi, lambek-nggoonak nugwi, Ala wone taganogo pit nugwi, eeko logogun aret o.

1 Peterut 1:18

Kit kinombomini maan mbogut paga unggwi noorak lek kagak we aanom warogo eerit nogo nogogwaarak nogo ndak-ndak, kit togop eekwi kiyo, wu mbuti perak inom, emas inom, yi mendek ndi mendek lek ariyak mendek ti paga kinonggo mbanulik o. Ata, ndomba aagaluk awinde-obande aago lek mondok abe kwak Keritut amiya mondok iya lombok nogo paga kinonggo mbaneegerak nogo kineenu aret o.

1 Peterut 2:9

kit perak, o apit me wonogwe nogo mbo punuk, o eya iya lombok kenok, aakumi nen, “Wi!” ugo menggam nogome logobagip nduk, Ala nen kinayonggo pereegerak nogo at eeke menggerak mendek paganogo yorogo logobagip nduk, “Kit an mendek aret o,” yinuk, miirogo pinagage, “Kinendagembogut logonet, an neebe unde logorak kit aret o,” yinuk, mippinagage, “Kit an napuri maluk eeka'lek nake leenak logomunggup o,” yinuk, leenogo pinagage, ndi, “Kit an napuri lombok aret o,” yinuk, eekkinake, eereegerak o.

Wayu 14:7

ari nagaarik, “Mbogut inom, nggween inom, niyo nggwok yenggenak laut inom, niyo eneeri wundit nage menggim inom, at Ala nen mban wakkagagerak me, yogondak Ala nen kinowak loongginaburak eyom abu koorok panggo yegerak me, kinagabiti nen at Ala mban ayuk wuko logonet, at abu'me tebe yinuk, endage tiyappogo logonip o,” yinuk, oone nggwok paga agan nage kagarak.

Wayu 15:4

Ninogoba o. It taani nen kayuk wukwi, kendage tiyappagagwi, eeka'lek logogun mbaken? Lek aret o. Kat maluk eekeelik kalik leenak obeelom mban menggendak o. Kat mondok a'me nggelok mban inowak loongge menggendak ineenu me, It aakumi inanebunu lombok abok aret kowagam tebe yi wogo logomenggaarik, kalut eeko logogun o,” yinuk, ndawi wakwi iigirak.