Oroma 1:2 - Ala Wone Peenok Peebi Mbanak

² Obeelom wone ti, eebe o maan Ala nen, “Peebi obeelom wone konenggo logogun o,” yinuk, it aap Ala wone yoraga nogo, yorage kagak, yorogo nogogwaarak nogo ti, Ala yereegerak liiru mbanak alik leenak nogo, mbanggo logonet, wone obeelom wone ti, inom aret liiru mbanggo nogogwaarak.

Oroma 1:2 ပူးပေါင်းရင်းမြစ်များ

Matiyut 1:22

Ti yoge kagagerak nogo ti, aap Ala yoge kagak yoraga nen yorage logonet, “At kolaga aap kigin waka'lek nogo abila age logomenggerik, aagaluk aap aret ndarigin o. Ndi, ndake kenok, at endage Imanuwen aret yogo logogun o,” yinuk, yoragagerak nogo, a'me lik yuwak nduk, yoge kagagerak. Endage Imanuwen nogo ti, nit ninoone paga, “Ala Ninom Wonage o,” yogo monggoorak.

Lukat 1:70

Ti eereegerak nogo maan aa'nduk it aap at ake leenak Ala nen yorage kagak yoraga nogo nen aakumi yorogo logonet, It ninom wim mbanak ineenggi me nen ndinogo ninagap ndake,

Nappiigak 10:43

Ala nen yorage kagak yoraga nogo abok aret at abok mban paganggo logonet, Kiniki at oba panggombunuk abet mbakwi kiinok, at Yetut eeremenggerak paga kinomaluk lek eerogo pinagagin o, yinuk, yorogo nogogwaarak o,” yoragagerak.

Nappiigak 13:32

At Ala nen ari logonet, O yogondak kat an naput age, Ndi, an kat kogoba age, Eekoorak o, yinuk, Ndawi Mbanak pasal 2 paga liiru mbaneegerak nogo ndak-ndak Ala nen Yetut kambunuk nogo menggam nen eenik agago mippereegerak ti paga, Ala nen ninombomini abok paganogo yoragagerak nogo, inombowologwe nit ninake aret a'me lik yereegerak me, obeelom wone yi aret yokkirogo ogoorik.

Nappiigak 26:6

Ndi, yogondak Ala nen ninombomini abok yoragagerak nogo wone niniki lunik minggirak ti paga wo'niren nawone loonuwok nduk, pani wagaarak iigi o.

Oroma 16:26

Maan wone kiraarak wonagagerak kwe, yogondak at eenik itok menggerak Ala nogo nen yorage kagak, yoraga nen liiru mbanggo nogogwaarak paga, yi aakumi ndi aakumi abok aret iniki abet mba'nuk waganggo logomenggaarik, liirogon eerit nogo logowak nduk, pagak yereegerak me, yokkirage agarik o.

Oroma 3:2

Lek o. It eeko logowak nduk leenogo piyareegerak nogo ti, wone ambik wonage me, yokkira o. Ambi ti, at Ala nen, “An noone it porogo logowak,” mba'nuk, unde eeppiyareegerak.

Oroma 3:21

Ndi, yogondak perak, Ala nen aakumi obeelom agago piige ti, Ala nen lengganogo Muta yoge, ndi, it maan Ala wone yoraga nen yorogwe, eeko nogogwaarak liiru mbanak nogo ndak-ndak kin agagerak me, Muta wone lengganak nogo eekwi paga obeelom eerogo piyoorak lek o.