Oroma 1:19 - Ala Wone Peenok Peebi Mbanak

¹⁹ At Ala nen, “An ndogop minggirak yelok neyaawak o,” yinuk, eebe kin eeppege menggerak kwe, liippega'lek iinok, Ala anini inoba piige menggerak.

Oroma 1:19 ပူးပေါင်းရင်းမြစ်များ

Yetaya 40:21

Wone ti, kit kineenu ogwe, kinaruk konenggwi, Eeka'lek ogotik ya? O aa'nduk lombok agagerak kuli nen yokkiraga'lek ya? O nggween yi alom kwippereegerak kuli nen liippega'lek ya?

Yetaya 40:26

Kit kina mbogut paga nikkaanip o. Mbogut paga wonage abok aret ti, ta nen ogobakkigirogo pereegerak mbakop? Lek o! Laaluguragan mbogut paga menggerak abok aret inendage kunogo mbo wiirage kenok, Ambit nggigik wumbiya wage menggerak nogo nen aret ogobakkigirogo pereegerak o. At abu tiyanak mondok omaawi menggerak nogo nen aret eeke me, it ambi kobak arugun mondok lek aret o.

Yaya 1:9

Eya abe mendek o nggween paga yime unggwi wage logomenggerik, yi aap ndi aap inikime eya eeginake logorak nogo aret wambi wagagerak.

Oroma 1:20

Ala eebe nonggoti menggerak ti, maan o yi wakkagagerak kuli paga nen, yi mendek ndi mendek wakkagagerak nogo paga, at eebe omaawi ambik mondok itok menggerak Ala aret kin koorak wonagagerak kwe, it aakumi nen liippega'lek wonogogwaarak me, inaana'le mbanggolaawok nduk, wone onggo yuurak lek aret o.

Oroma 2:14

It aakumi endekem konenggulik mendek nogo nen at Muta, “Yogop ee'nu, ndogop ee'nu,” yoreegerak wone nogo kobak logonet kwe, it iniki nen, “Yogop ee'nu, ndogop ee'nu,” yoreegerak wone nogo ndak-ndak aret eekwi kenok ti, kobak logonet kwe, at Muta yoreegerak nogo aret eekwi me,