Oroma 1:16 - Ala Wone Peenok Peebi Mbanak

¹⁶ Obeelom wone ti, aa'nduk it Yakuri mendek inom, ti'nuk, peebi Yunani mendek inom, aakumi abok aret abet mbakwi iinok, inagap ndake logorak Ala omaawi ti aret me, wone obeelom wone ti, an nagabiti lek logonet yokkirage agarik o.

Oroma 1:16 ပူးပေါင်းရင်းမြစ်များ

Ndawi 110:2

Aliku ALA nen kambim obate mbanak nogo o Tiyon nen Yi o ndi o kawim wonogwe me titik eerogo nappege,

Ndawi 119:46

Koone aberak logorak yugu nogo, It aap inendagembogut inenggaanom paga Nenggali lek logonet yorage, Eeke logogin o.

Yetaya 53:1

Wone nit agan wogoorak nogo taani nen abet mbakwi, Ndi, at Aliku ALA eenggi omaawi tiyanak nogo, taamini nen inigen kogwe, Eereegwaarak mbakop?

Yeremiya 23:29

An noone ari minggirak ti, kani kunik negen wonage, ndi, yugum yigirik-noonom eerogo pega ndo kwak wonage, eerak menggerak nogo lek a?” yinuk, Aliku ALA nen aret yegerak o.

Marakut 8:38

It aakumi abok yi, Ala mbo punuk, maluk mban eerit nugu menggaarak kinom aret logonet, aakumi kinagabiti nen an noone mbo punuk, naana'le mbangga'lek logomonggotak kenok, an aap aret nda'nagagirak yi, peebi an nogoba amindik-amendek li'luk ee'nuk, at ake eeko logorak leenogo piyareegirak malayikat nogo, ninom wogo logomonggoorik, an kunduk, aakumi nagabiti nen kinaana'le mbanigin lek o,” yinuk, yoragagerak.

Lukat 9:26

Aakumi inayuk wuppunuk, kinagabiti nen an neebe inom, an noone inom, mbo punuk naana'le mbangga'lek logomonggotak kenok, peebi an inom, nogoba inom, it Ala ake eeko logorak leenak menggaarak malayikat inom, ninamendek li'luk ee'nuk wogo logomonggoorik, an aap aret nda'nagagirak yi, aakumi inayuk wuppunuk, nagabiti nen kinaana'le mbanigin lek o.

Yaya 7:35

Yorage mbareegi, it Yakuri mendek inom wone mbanggo logonet, “At nggeeme namenggerak me, nit kwaakkoorak meek me yigi mbakop? It Yakuri mendek aap Yunani inenggela'me mak aago wonogwe nogo iya nage logomenggerik, inom logonet, it aap Yunani mendek mamunirage logokit mba'nuk, yigi mbakop?

Nappiigak 3:26

Ti kenok, at Ala nen at ayeloman eenik agago mippege nagaarik, kit maluk eekwi nogo kinalitak lombok mbo pugwi kiinok, at ale'nggen kinoba pinagawak nduk, aa'nduk kit aret kinowagam nappi wagaarak o,” yinuk, at Peterut nen wone ti aret yoragagerak.

Oroma 10:17

Ti kenok, Keritut ninake eereegerak wone ti, yoragaatak paga konenggwi, ndi, konembunuk, abet mbako logonet, waganggwi, eeko menggaarak o.

Oroma 15:19

Aberiniki nen omaawi eeppanege kagak, inagabiti warak mendek eeke, eerubok mendek eeke, eerit nage nagagirak nogo, ti mban mbininogo yokkirage agarik o. Ti eerit nege logonet, o Yerutalem enaagan-ambokan time nen o Ilirikum kuli aret Keritut eeke nagagerak obeelom wone nogo abok aret yoranet nege nagagirak o.

Oroma 15:29

Keritut ale'nggen nggwok togon noba panege kagak kiya woraagin mbake agarik o.

Oroma 2:9

It yi aap ndi aap maluk eeko menggaarak abok aret andi-pandi aganake, aaninggin-paaninggin agago piige, eerigin nogo ti, it Yakuri mendek eeppiige logonet, aakumi endekem konenggulik mendek inom ndak-ndak eeppiyaagin kwe,

Oroma 4:11

Ndi, at abet mbareegerak paga Ala nen abet aret, “Kat obeelom aret keegi o,” yinuk, yoreegerak nogo aakumi ineenu aruwak nduk, inagabolo mbaniyak wone yoreegerak ti, agabolo awo mbangga'lek kagak aret yoreegerak. Togop aret me, inagabolo mbangga'lek kagak, Ala abet mbakwi paga, at Ala nen, “Kit obeelom aret kiigi o,” yinuk, yorage nogo ti, it inombo Abarakam aret o.

1 Korindut 15:2

Yokkiragagirak nogo kit nen mondok nu'lek porogo logomonggotak kenok, wone ti paga kinagap ndarigin kwe, abet mbaka'lek logonet we aanom warogo waganeegutak kwa?

1 Korindut 2:2

An kinenggela'me logonet, yi wone ndi wone ugun yokkiroorak mbarulik. Ata, Yetut Keritut eeke nagagerak wone yokkirage logonet, at eyo karo-karo paga wareegwaarak wone nogo mban aberak logonet, yokkirage logokit mbareegirak.

1 Korindut 2:4

Kit kiniki abet mbakwi nogo, aakumi iniki koombunuk, agan nugwi paga panggombunuk logorak lek o. Ata, Ala omaawi paga eekkinabit nage nogo paga mban panggombunuk logobagip nduk, an kinenggela'me ninom wone mbangge, Ala wone yokkirage, eeke logonet, “Wone abok neenu negen,” mba'nuk, noone amburu ndik-ndik paga yokkirage logolik. Ata, kit abet mbarubagip nduk, Aberiniki omaawi paga eekkinake kagak, yokkirage nagagirak nogo o.

1 Korindut 9:12

It iyaalok Ala wone kinikime awi yappinagulik mendek nen, “It inamendek ando wo'niraagun,” mba'nuk, kinoba aberak wonogwe iinok, wogorogo monggotak kwe, nit iyaalok yappinagareegurak nogo nen, “Wo'niraanip o,” yinuk, yokkiroorak meek mbakop? Yokkiroorak op aret kwe, obeelom wone Keritut yo'niragagerak wone nogo wiganit nage me, non mbambukwak nduk, “Wo'niraanip o,” yokkiraga'lek nineenggi paga nen mban eekko'net nogo ogoorik o.

1 Korindut 9:18

Togop me, an onggo koloorak ti, ngge mbakop? Lek o. An yabu eeke onggo ti, wone yokkirage nogo paga, “Onggo wo'ninip o,” yokkiroorak op kagak, tebenogo punuk, obeelom wone onggo lek we aret kineenu eeppinagit nege minggirak nogo ti, an onggo kolage ti aret o.

2 Korindut 2:12

An Keritut eeke nagagerak obeelom wone yoraakit nduk, o Torowat wage nagagirik, obeelom wone yorage logokit nduk, “Ala nen tu koonogo paneegerak kagi,” mbareegirak kwe,

2 Korindut 4:4

At Ala etenggen ndak-ndak mondok tiyanak aakumi, “Wi!” ugwi Keritut eeke nagagerak obeelom wone nogo, it aakumi abet mbaka'lek mendek nen yelok kogo logokwak, at o yogondak unde menggerak Ibilit nogo nen iniki apit eerogo piyareegerak me, yelok kaga'lek aret wonogo agaarik o.

2 Korindut 9:13

Kit Keritut eeke nagagerak obeelom wone abet mba'nuk waganggwi kiigaarak nogo ndak-ndak eerit nugwi, ndi, kiniki lek ndoobu logonet, kinamendek it aakumi abok o Yureya mendek inom yeenggwaarogwe, eekwi paga, kinabut mbambunuk, “Ala apuri abet aret iigo,” yinuk, Ala endage tiyappogo logogun o.

Nggalatiya 1:7

Wone obeelom wone alik ambi inom wonage lek aret kwe, it aap ando nen Keritut eeke nagagerak obeelom wone nogo, “Abut laganuwok o,” yinuk, wone alik ambi inom nabenogo agan nugwi ti paga, kit kiniki naalop-kaalop eerogo pinagagwi iigirak me nduk, yokkiragi o.

1 Tetalonika 2:13

Togop me, Ala wone yokkirogogurak konenggo logonet, “Yi we aakumi inoone lek o. Yi Ala wone nit abet mbakwi ninikime koonninake menggerak wone abet aret o,” yinuk, waganeegutak me, nit puk aga'lek kulinik-kalinik, “Ala wa,” yogo monggoorak.

1 Timotiyut 1:11

Ala wone kole wone nogo ti, nit alut eeko monggoorak tiyanak menggerak Ala nogo nen obeelom wone an unde logokit nduk, eeppaneegerak nogo aret o.

2 Timotiyut 1:12

Mippaneegerak me, eerit nage neenok, aakumi nen aaninggin eeppanugwi kwe, nenggali mbaka'lek aret agarik o. An niniki at oba panggombunuk abet mbareegirak eebe nogo ti, an abu neenu aret o. Ndi, an eeke logokit nduk, unde eeppaneegerak nogo ninowe waga'lek kagak, lek arigin ti lek o. “Yorage logogin aret o,” yinuk, abet aret mbake agarik o.

2 Timotiyut 1:16

At aap Onetiporut perak, an mbuti keele maarak neegak, agabiti nen mbo panulik nabenak mban niniki eyak wappani wagak mban eeke nagagerak me, at apuri inom abok aret ninowe inabuwa nen obeelom eeppiige logogin o.

2 Timotiyut 1:8

Togop me, ninowe eereegerak wone nogo yorage logorak kagabiti mbarugun o. Ndi, an Ala wone yorage nagagirak paga nen keele maa'nabeegwaarak nogo kunduk, kagabiti mbarugun mban. Obeelom wone yorogwe paga aaninggin-paaninggin ninoba pinanugwi iinok, ndak-ndak woorak nduk, Ala omaawi wo'nirage menggerak me, an nalik lek o. Nimbirak ndak-ndak aaninggin kogo logowok o.

Iberani 4:12

At Ala mondok eenik logonet, alik en eerit nage menggi kwak, at oone ti ndak-ndak mondok omaawi alik en ninikime nggaganogo yo'nirage menggerak. Mbuti nggawi ngget peenok-peenok maarak ti, ngget mbuuluk negen me, ninendobanggun yunggu'me mondok pene'na unggwage logonet, ninowak kagak ninowak ako kin eeppi unggwage menggerak kwe, Ala wone yi perak, ngget mondok alik negen aret me, ninikime mondok nggoguk yi unggwage logonet, eeriyak niniki koonggo monggoorak nogo, abok aret leenogo kin eeppege menggerak.

1 Peterut 4:16

Ata, “Kit Ala apuri mendek aret o,” yinuk, aaninggin kinoba pinagagwi iinok perak, kinagabiti lek logonet, “Keritut endage paga eeppinanugwi me, op aret,” mba'nuk, Ala, “Wa,” yinuk, alut eeko logonip o.