Obaya 1:3 - Ala Wone Peenok Peebi Mbanak

³ It inawi puut tiyarogon yugum ambe nggaganak me wuppunuk wonogo logonet, Aap ta nen nit tebenogo nggween paga wuppinani woroorak mbakop? Lek aret o, yinuk, Iniki tiyappakwi paga inambokan laganggologo agaarik o.

Obaya 1:3 ပူးပေါင်းရင်းမြစ်များ

Wakkagagerak 36:8

Nage nagagerik, at Etawu endage ambi Erom aret me, o Teyit nggelok-nggobok time aret ye mbanggolagagerak.

2 Endagembogut 14:7

Ti'nuk, ne ambi paga at Amatiya nogo, aap ineegin warak Erom mendek inom wim eeke logonet, o Mayu Ogop Menggim kobappaga time aap sepuluh ribu inoorogo piinok, o Tela tebenggolage nagagerik, endage Yoketen toonogo pereegerak o yogondak yogwe wonogwe aret o.

2 Mbinineegwaarak 25:11

Nogwe iigak, at Amatiya nogo agabiti lek aret awuri ineegin warak wogoren o Mayu Ogup Menggim Kobappaga time nogo nogogwaarik, it Teyit mendek inom wim nambuko logonet aap ineebe sepuluh ribu inoorogo piyareegwaarak.

2 Mbinineegwaarak 25:12

It Yekura mendek ineegin warak ti nen ando ineebe sepuluh ribu ineenik ngge-ngge wogoren puut paga yigeebu me piya laganggo nogogwaarik, mbo wuppiinet wogo mbareegwa, ineebe nggarenak-pugunik wambit wogogwaarak.

Ayup 20:6

Inendage mbogut paga tiyak agan nggwok ari lagangge, Inanobak ndugwi paga ari lagangge, Eeremenggaarak kwe,

Kini Wuppiige 16:18

Aa'nduk iniki tiyappatit nogo nagaatik, irip paga eebe aret lek eerogo pakwi, Aa'nduk, “Wi!” niraawak nugu nagaatik, irip paga yigeebu aret wambi nogwe, Eeko menggaarak.

Kini Wuppiige 18:12

Aap ambi aa'nduk iniki tiyappatit nege kenok, peebi endage maluk age menggerak kwe, Ndi, aap ambi aa'nduk iniki tebeppake kenok perak, peebi ayuk wuko menggaarak.

Kini Wuppiige 29:23

Aap iniki tiyappatit nage nogo aap nen tebenogo pogo menggaarak kwe, Aap iniki tebenak wonage kenok perak, endage tiyappogo menggaarak.

Yetaya 16:6

Nit mban iya o, yinuk, it aakumi Mowap iniki wogoppakwi nogo nit Yekura ninaruk konenggwi, Nit mban nineenu, mbakak iniki worokot linik agan nugwi nogo liippiigwi, Eekoorak nogo ti, We nineenu mbakak agan nugu nagaarak iigo o.

Yeremiya 21:13

At Yerutalem ti, Kobappaga irimbaga puut ndoonogo pit nagagim paga wonage ti, an tebenogo pigin o. It ti nen yogo logonet, Ta nen tebenogo pinani wage, Nineebe op wonogwe yi, ta nen ninobak wurik obaga mbo unggwi wage, eeriyak mbake at Yerutalem ti,

Yeremiya 37:9

Aliku ALA nen yegerak nogo yi aret. It aap Mbaben mendek nogo iname mondok aret nagaarak me, iniyokan woraagun lek, mbakwi ti paga it aret inambokan laganggologwe me, togop mbarugwaarik o. Woraagun aret!

Yeremiya 48:28

Eeke nagagerak aret me, It o Mowap wonogwe ti, inawi kota-kota mbo punuk, yugum eraanu-eraanu time arit nanuk logowak o. Towe wuni'nuk yugum ndo ambeme inawi wuppunuk mengga kwak, it togop aret logowak o.

Yeremiya 49:16

Aakumi inaganak waruwak nduk eerogo piige, Iniki wogoppatit nage, eeke nagagerak paga, at aret ambokan lagambatinuk, Yugum eraanu-eraanu me time wonage, puut-puut tiyarogon time unde eeppatinuk wonage, eeke menggerak ti, Towe pen ware kwak at awi tiyarogon wurit wonage kwe, An nen minogo wuppi woraagin o,” yinuk, yegerak me, yokkiragi o.

Yeremiya 49:4

O Araba aagalogwe wone yugu liirogon eeka'lek wogoppakwi ti, Inanggween kobappaga abu mili lombok wonage nogo paga nonggop nduk, iniki tiyappako agaarik o? Yi mendek ndi mendek ambik wonage paga panggombunuk yogo logonet, Aap ta nen nineebe ninoorigin? Meek aret o, yinuk, yogwe me,

Yetikiyen 28:16

At yi o ndi o amindik-amendek paga onggo-onggo eerit nege logonet, Anini lombok arit unggwage paga maluk eereegerak. Maluk eeke mbareegi, endage maluk agagerak paga an Ala nabuut paga nen mbo wumbege, At malayikat negen kerub logonet neyabu eerak arum waka ti, Yugum kani wuninik kwak abinak pindan-pindan aago enggela'me nen wumbege, Eereegirak o.

Maleyaki 1:4

Togop me, it aakumi Erom mendek nen, “Nit ninawi lek eerogo pereegerak nogo, obaane'me wurugun aret o,” yinuk, yemenggaarak kwe, at Omaawi Lombok Menggerak Aliku ALA nen ari logonet, “It nen inawi obaane'me wuremenggaarak kwe, an nen minogo pigin o. Aakumi nen, O Erom yi, endage ti, Maluk Eeko Menggam me, Aliku ALA anini mondok-mondok inoba piige kagak menggam yi aret o, yinuk, yogo logogun o.