Nggalatiya 6:9 - Ala Wone Peenok Peebi Mbanak

⁹ Togop me, nit yi obeelom ndi obeelom eerit nogo logonet, anggon-panggon ee'ninake kagak, mbo pega'lek mondok aret eerit nogwe niinok, anggen yugu obeelom mbanggologwe nogo kokwak, nit onggo wo'niroorak nineenu me, ta'liila ee'ninake kenok mbo puurak mage o. Kagak aret eerit nogo logowok o.

Nggalatiya 6:9 ပူးပေါင်းရင်းမြစ်များ

Wakkagagerak 29:7

Yogo mbareegwa, at Yakup nen it yorage logonet, “Wologo wae! Kambin-ndomba niyo wogoroorak o awo kagak wogoren wogotak me, niyo nunggwi iinok, iri'ngga ambinom mbanogo nawak nduk wogoren nanip o.”

Ndawi 104:27

It ti abok aret mbi nonggo menggam ari wage kenok, Inambi nawok nduk, kat paga panggonak wonogwe,

Ndawi 126:5

It aap le yogo logonet, Yi anggen ndi anggen yumbunit nogwe nogo Inale'nggen mbako logonet, Anggen yugu mbanggologo menggaarak me,

Ndawi 145:15

Inigen warak abok aret kat inigen wokkakwi iinok, Inambi noorak eyom paga inambi wogorage,

Kini Wuppiige 11:18

It aap maluk mendek eerit nogwe onggo kologwe ti, lek ariyak mendek kologo menggaarak kwe, It aap awi yumbunit nogo mengga kwak, obeelom mban eerit nogwe onggo ti perak, mondok logorak mendek aret kologo menggaarak.

Wone Alom Kibingga 11:1

Kat kambi ugun niyo ogumbaga yumbunogo nappege keenok, ne mande negen logonuk, kowagam ari wage kaamunggun o.

Yeremiya 45:3

Kat nen ari logonet, An niniki wakko'net unggwage neegak, Aliku ALA nen, Abunuk iniki wakkolaawak, nomba'nuk, aaninggin ambinom noba panege paga, niniki aaninggin nen koonit nage logonet, nomaawi lek age, niniki tayok ari lek piirik mban wonage, eeke me nabuwa o, yinuk, yagandak o.

Ala Unde 26:4

mayu wage menggerak eyom paga mayu nappi wage neenok, inanggween paga yi mendek ndi mendek yaremenggaarak put age, ineyabume yi eyo ndi eyo anggen ambik yi'nage, eeremenggerak me,

Tepaniya 3:16

Ne ti eyom ari wage kenok, it aakumi nen at Yerutalem yogo logonet, “Kat Tiyon yi wae. Kagabiti nen komanggen tayok ari ti, mage o.

Maleyaki 1:13

ndi, it nen wone ambi yogo logonet, Yi eekwi yi ti, aaninggin ambik aret o, yinuk, laakot mbako logonet, yogwe, eeko agaarik o,” yinuk, at Omaawi Lombok Menggerak Aliku ALA nen aret yegerak o. “It wam kugun wogo inom, inarowak langgonak inom, kugi warak inom, wonok an nake kani kunggwi iinok, an nen, Wa! yinuk, keyage warogo woorak op mbakwi ya? Mondok lek aret o,” yinuk, at Aliku ALA nen aret yegerak o.

Matiyut 10:22

Aakumi abok aret alom an paga ineebi lombok kinombaremenggaarak kwe, kiniki kwi'ndak nu'lek wonogwe kiigak, o age yobok ari wage paga kinagap ndarigin o.

Matiyut 24:13

Togop aret arit wage kagak kwe, kiniki kwi'ndak nu'lek kiigak, o age yobok yi wage kenok, kinagap ndarigin o.

Matiyut 25:17

ndi, at wu 2 juta kolagagerak nogo nen togop aret wu 2 juta ambinom nabenggolage,

Matiyut 9:19

Yoge mbareegi, Yetut mi'na'nuk imbirak nogwe me, at Yetut oone waganggwi mendek mugurok nogogwaarak.

Marakut 3:3

Inigen pippak ugwi iigak, at Yetut nogo nen aap eenggi kambak nogo yoge logonet, “Mi'nage logomenggendik, oolo yayi mok o.”

Lukat 18:1

Ti yorage nagagerik, aakumi anggon-panggon eeginaka'lek tamban mban eeko logowak nduk, Yetut wone yi, eegu laarogo at oone waganggwi nogo yorage logonet,

Oroma 2:7

It aakumi ando nen mbako logonet, “Ala nen tiyappinanege logonet, ninayuk warak agago nabelan-kabelan wo'niraagin o,” yinuk, iniki mondok kwippunuk, puk aga'lek obeelom mban eerit nogwe iinok ti, Ala nen ineenik mondok logorak mendek wogoraagin o.

1 Korindut 15:58

Ti kenok, noreewi o. Kit an niniki kunik me, kiniki mondok kwi'ndak nu'lek logonet, ninowe eyabu aret eekwi kenok ti, we aanom warogo eekwi lek ambi kola noorak nduk eekwi kineenu me, kulinik-kalinik nggwiirit-nggwaarit aret eeko logonip o.

2 Korindut 4:1

Nit wone ti, yorogo logowok nduk, Ala nen ninabuwa mbake logonet, unde eeppinaneegerak me, wagangga'lek iinok, niniki maluk ageelik o.

2 Korindut 4:16

Togop kenok, aaninggin ninoba pinanugwi kwe, niniki lek-lek ee'ninakeelik o. Eerit nogo logonet, ninagabolo lebenak arit unggwage paga kambuurak kwe, niniki perak, ko'lu-kii'me nineenik ngget mendek eeppinanit unggwage menggerak.

2 Korindut 9:6

Wone yi, liippogo logonip o. Aap ambit-ambi nen yabu mbuuluk waganogo yake kenok, mbi mbuuluk aret ndakkolage, ndi, ambi nen yabu nggwok aret waganogo yake kenok, mbi nggwok aret ndakkolage, eeko menggaarak me,

Epetut 3:13

Togop me noreewi o. An wone obeelom wone yokkirage nagagirak paga aaninggin noba agaarak wonage yi paga kinagabiti nen kiniki yungguppegak eerugup o. Yi ee'nakwi nogo ti, kit ambi eeppinagarak nduk, eeppanugwi me, op aret o.

Pelaareegerak 11:14

Liippunuk eekwi kiinok, awi yakwi eyom paga awi yarak mbilanuwak nduk mayu wokkirage, eebe mbaniyak eyom paga anggen piiruwak nduk mayu wokkirage, eeke kagak, gandum anggen mbanggwi, anggur anggen aambiranogo amburu tookwi, eyo tayitun amburu toologo pugwi, eerogo pako logomunggup o.

2 Tetalonika 3:13

Ndi, ninoreewi o. Kit perak, obeelom eeppiinet nogwe paga anggon eekkinake kenok, “Nineebi,” mbarugup o.

Iberani 12:3

It aap maluk eeko menggaarak nogo nen Yetut mondok ineebi mbako logonet, maluk eeppugwi iigak, at ogogumbuk logonet, wagangge nagagerak me, kit ta'liila eekkinake logonet, kineebi eekkinake kero, at eereegi kwak eeko logobagip nduk, liippogo logonip o.

Iberani 12:5

At Ala nen, “Yi an napuri aret o,” yinuk, kiniki eyak wappinagakit nduk, yokkirage logonet, “Napuri wae. Kinogoba Ala nen it aap at iniki kunik nogo iniki koonnaruwak nduk, eeppiige, Ndi, Yi an napuri aret o, yinuk, yorage nogo alik eekwi iinok, yawi inooke, Eeke menggerak me, Kiniki koonnaruwak nduk, eeppinagage kenok, Eeppinanege yi, iya lek o, yinuk, meek mbakwi, Ndi, kinaruk wake kenok, kiniki maluk ogwe, eerugup o,” yinuk, yereegerak nogo kit kobak ogotak kiigi o.

Iberani 3:14

Nit aa'nduk wone konembunuk, “Yi abet aret o,” yinuk, waganeegurak nogo, nggirik-nggerok agago porogo wonogwe niigak, o age yobok ari nage kenok, Keritut ninom kunik me, eeppinaniyak mbareegerak nogo, eeppinanege logogin aret o.

Iberani 3:6

Keritut perak, ogoba Ala awi wurik unde aput at aret me, togop aret ko'lu-kii'me eeke menggerak. Ndi, nit perak, nit niniki lunik ale'nggen mbakwi nogo, “Abet aret ee'ninabi woraagin o,” yinuk, at woroorak tokkogo logonet, mbo pega'lek mondok nu'lek porogo wonogwe niinok, Ala awi wurik ti, nit nineebe aret mbaruwok o.

Yakobut 5:7

Togop me, nowe-nawot o. Ti eeppinagagwi nogo koonikit nduk, ninowe woraagin me, kiniki kwippunuk logonip o. Aap ambi nen mbi awi yaketak nogo mayu kage, kibi kage, eeke kagak, kole aruwak nduk iniki kwippunuk, tokkage menggerak nogo liippinip o.

1 Peterut 2:15

It wone lengganogo yokkirogwe nogo ndak-ndak eerit namonggotak paga, aakumi iniki lek we ugun agan nogo menggaarak nogo, at Ala nen, “Inoone taganogo piigo logowak,” kinombareegerak me, kinogobamini nogo nen wone lengganogo yokkirogwe iinok, “E o,” yinuk, konenggo logonip o.

1 Peterut 3:17

Kit maluk eerit nogwe paga andi-pandi kinoba pinagagwi iinok ti, alom kit kinobaalombok eerumonggotak paga eeppinagagun me, ti iya lek o. Ata, Ala iniki mbareegerak paga eerit nogwe kiigak, andi-pandi kinoba pinagagwi iinok ti perak, iya aret o.

1 Peterut 4:19

Togop me, kit andi-pandi eerogo pinagagwi nogo ti, Ala iniki mbake ndak-ndak eeppinagagwi me, kit obeelom mban eerit nogo logonet, at kineebe ogobakkigikkinabeegerak nogo nen, “Eeriyak,” yegetak nogo, a'me liirogon aret eeke menggerak me, kiniki inom, kineebe inom, apit aret at unde logowak nduk, wogo'nuk logonip o.

Wayu 2:17

Aberiniki nen Ala apuri yi awi ndi awi kuwak eeko menggaarak yorage nogo ti, inaruk wonage kenok liirogon aret konenggo logowak o. It Ala wone mbo pega'lek nu'lek porogo logonet liirogon mugurok nogwe iinok, mbi mbogut paga mendek kumaarak wonage nogo wogorage, ndi, it waamenggaarak nogo mban ineenu logowak nduk, inendage ngget toonogo yugum yanggwi negen lan ari nogo paga liiru mbanogo wogorage, eerigin o, yinuk, wone yi yagarak nogo abok aret at malayikat Ala apuri o Peragamut kuwak eekwi inarum menggerak nogo nen apuri yoraawak nduk liiru mbanogo nappu o.”

Wayu 2:3

ndi, an nendage mban yi awi ndi awi wigak yuwak nduk, eerit nogwe paga aaninggin-paaninggin eeppiinet nogwe iigak, iniki kwippunuk waganggo logonet, ta'liila eeginake kagak mondok nabenak mban eekwi, eerit nogo menggaarak nogo ti, an neenu aret o.

Wayu 2:7

Aberiniki nen Ala apuri yi awi ndi awi kuwak eeko menggaarak yorage nogo ti, inaruk wonage kenok, liirogon aret konenggo logowak o. Ndi, it Ala wone mbo pega'lek, iniki nu'lek porogo logonet, liirogon mugurok nogwe iinok, eyoonggen aakumi ineenik eeginake menggerak Ala eyabu me wonage nogo, It noorak op aret yoraagin o, yinuk, wone yi yagarak nogo abok aret at malayikat Ala apuri o Epetut kuwak eekwi inarum menggerak nogo nen apuri yoraawak nduk, liiru mbanogo nappu o.”