Nggalatiya 6:2 - Ala Wone Peenok Peebi Mbanak

² Aaninggin kinoba age kenok, yeenggwa-yeenggwa eerumonggotak paga Keritut nen, “Ndogop eeko logonip o.” yo'niragagerak wone yugu nogo ndak-ndak aret eeko logomunggup o.

Nggalatiya 6:2 ပူးပေါင်းရင်းမြစ်များ

1 Mbinineegwaarak 19:12

awuluk Abitayi nogo yoge logonet, “An aap Aram mendek ninom wim namburiyak nduk wakkaminggirak kwe, it inomaawi age kenok ti, kat nen an yeenggwa niri wage, ndi, aakumi Amon mendek kinom wim eekwi me, it inomaawi age kenok ti perak, an nen kat yeenggwa kiri nage, eeruwok o.

Wundeegwaarak 23:5

At inom ogoorak aanggo keledai nogo aaninggin mendek wonok nage logonet, aaninggin nen ngginnaremenggerak inigen kogo logomenggaarik, ti kunduk mbo puurak mage o. Ata, kimbirak ogoorak aanggo nogo yeenggwaariyak nduk, piyanogo mippuurak o.

Yetaya 58:6

It aakumi maluk eerulik iigak mbutigeele maarogo piigaarak nogo piinogo piigwi, Tapi eyo aaninggin inuut paga piigo mengga kwak it aakumi togop eeppiinok wonogwe nogo piinogo wumbiya wogwe, It aakumi tebembiinok wonogwe nogo wondet eerogo piigwi, Aaninggin-paaninggin inoba wonage nogo teeluk eerogo piigwi, Eeriyak nogo ti, Aakumi inambe mage negen logonet eeko logorak koonogo pereegirak ti aret nogo lek a?

Matiyut 8:17

Ti eereegerak nogo ti, at Ala nen yoge kagak yoraga Yetaya nen ari logonet, “At nen andi-pandi ee'ninake nogo wagangge, Ndi, kugi andi lombok ee'ninake nogo lek eerogo pinanege, Eereegerak o,” yinuk, yoragagerak nogo, a'me lik yuwak nduk, aakumi obeelom aganake nagagerak.

Lukat 11:46

Yoge mbareegi, Yetut nen, “Kit aap Ala wone liiru mbanak unde kunduk, aaninggin woorak meek nogo mendek kagak, aakumi inuum paga nggimbunuk, luwi aago nugwi iigak, yeenggwaaroorak mbaka'lek, kinigen pengge agan mbaganggo monggotak me, kinabuwa o!

Yaya 13:34

Wone yogop ee'nu, ndogop ee'nu, ngget mendek yokkirage nogo ti, niniki-kiniki kunik eeko logorak ti aret o. An nen kit niniki kunik eekkinake minggi kwak, kit nen niniki-kiniki kunik eeko logonip o.

Yaya 15:12

An niniki kunik eekkinabeegirak nogo pogom, kit niniki-kiniki kunik eeko logobagip nduk, wone ambit ti aret yokkiragi o.

Oroma 15:1

Kit aa'nduk kiniki kole agagerak nogo nen, “Nit mban obeelom eekko'net nugu logowi o,” yinuk, mbako logogup o. Ata, iniki awo kole aga'lek nogo aaninggin inoba age kenok, iniki kole aruwak nduk eyak wappiigo logonip o.

Oroma 8:2

Keritut Yetut ninom kunik me, at nineenik ee'ninake menggerak Aberiniki nogo nen ari kenok mugurok nogwe niinok, “Maluk eeriyak,” yo'nirage wone yugu inom, maluk eekwi iinok, kanggo logorak wone yugu inom, nit ambinom ee'ninake kero, wondet agago pinaneegerak.

1 Korindut 9:21

ndi, it aap endekem mendek Ala nen wone Muta yoreegerak wone eekulik mendek nogo, Ala apuri eerogo piyaakit nduk, inenggela'me logonet, it eeko mengga kwak, an ndak-ndak eerit nage, eeke minggirak. Ti eeke minggirak nogo ti, Ala yereegerak wone nogo taganogo punuk eekeelik o. Ata, Keritut yereegerak wone aret eeke logonet, eeke minggirak me nduk, yokkiragi o.

Nggalatiya 6:5

Nit ninalitak ninobaalombok koonggologo logowok o.

Pelaareegerak 1:12

Togop eeko logorak op kwe, kit nen aaninggin kinoba age, yi wone ndi wone kinoba age, wone wat-wat yogwe, eekwi kiinok, an nalik nen aaninggin nonggop togon piyangge logorak?

1 Tetalonika 5:14

Ndi, noreewi o. It aap iniki nen alik eerit nugwi iinok, inaruk wakwi, aaninggin inoba age kero, inagabiti mbakak nugwi iinok, iniki kwippiigwi, iniki awo kole aga'lek kenok, eyak wappiigwi, ndi, aakumi abok kinoone yanggorogon yorogwe, eeko logonip o.

Yakobut 1:25

Ala wone li'luk eerogo yo'niragagerak paga wondet agago pinanege menggerak wone nogo, li'lak pekkolage logomenggerik, kobak aga'lek liirogon woppunuk eeke logomenggerak kenok, Ala nen ale'nggen ambik aap ti, oba pege logogin o.

Yakobut 2:12

It aakumi nen yogo logonet, “Ala nen wone lengganogo yo'niragagerak paga wondet agago pinanege menggerak wone ti paga ninowak loonigin o,” yinuk, abeko logonet, inoone yogwe, eerit nugwi, eeko mengga kwak, eeko logonip o.

Yakobut 2:8

Ala wone mbanak ndak-ndak eeko logonet, “It ineebe iniki kunik eekkologo mengga ti kwak, aakumi inom menggaarak ti, togop aret iniki kunik aganako logowak o,” yinuk, nit ninogoba endagembogut wone lengganogo yo'niragagerak nogo eekwi kiinok ti, op aret eekwi kwe,

1 Peterut 2:24

It aakumi kanggaatak yabu eekulik nogo kwak, nit aa'nduk maluk eeko nogogurak nogo, yogondak ambinom eeka'lek obeelom mban eerit nogo logowok nduk, at eyo karo-karo paga kangge logonet, nit ninomaluk abok aret waganeegerak me, at agabolo nibik-nobak eerogo wareegwaarak nogo paga nit obeelom ee'ninabeegerak o.

2 Peterut 2:21

it aakumi maluk eeko menggaarak nogo nen Ala ari menggerak wone woppunuk, eerit noorak wone nogo, ineenggo'lek logonet, maluk eerit nogo logonetak en ti, op negen kwe, wone, “Yogop ee'nu, ndogop ee'nu,” yugu alik leenak nogo, abu ineenu logonet, maluk eekwi ti perak, abu maluk lombok aret o.

2 Peterut 3:2

It maan aa'nduk Ala nen aap at oone yorogo logowak nduk, leenogo piyareegerak wone yorogo nogogwaarak nogo inom, ndi, ninagap ndaka ninowe nen, “Yogop eeko logowak o,” yinuk, it aap nappiigak mendek yorage kagak, yokkirogo nogogwaarak nogo inom, kit abeko logobagip nduk, liiru yi mbanggiragi o.

1 Yaya 4:21

At Ala nen ari logonet, “Kit an kiniki kunik ee'nakwi kiinok, kinoreewi kunduk inabuwa mbako logonet, kiniki kunik aganako logonip o,” yinuk, wone lengganogo yo'niragagerak nogo ti aret.