Nggalatiya 6:10 - Ala Wone Peenok Peebi Mbanak

¹⁰ It yi aakumi ndi aakumi abok aret obeelom eeppiyoorak, “Nanonggwan aga o,” yinuk, obeelom eeppiinet nogo logonet kwe, it ninom ndak-ndak abet mbakwi kenok perak, logorogon obeelom eeppiyoorak mondok aberak aret logonip o.

Nggalatiya 6:10 ပူးပေါင်းရင်းမြစ်များ

Ndawi 37:27

Kit maluk eekwi nogo mbo punuk, Obeelom mban eeko logonip o. Ti eekwi kiinok, O yime mondok-mondok aret logomunggup o.

Ndawi 37:3

Kiniki Aliku ALA oba panggombunuk obeelom mban eekwi, Ndomba inikilom paga iri'ngga mili nenet nugwi kwak, Kit togop aret o nggween yi paga wonogo logonet, Abe wone mban mugurok nogwe,

Kini Wuppiige 3:27

Aakumi eeppiyaanok nduk unde eeppagamenggerak logonet, Op eerit nugwi iinok, non mbanogo piiga'lek obeelom eeppiige logomunggun o.

Wone Alom Kibingga 3:12

It aakumi nen alik ambi eeriyak lek ineenik wonogo logonet, iniki ale'nggen paga obeelom mban eerit nogwe ti mban abu obeelom aret kage,

Wone Alom Kibingga 9:10

Kambunuk namenggenom time nen yabu eekwi, eeriyak koonogo pugwi, yi wone ndi wone ineenu arit nogwe, iniki warak eekkologwe, eekulik me, yi mendek ndi mendek abok aret eeriyak kage kenok, keenggi mondok omaawi paga eerit nage logot o.

Matiyut 10:25

at wone wagangga ambi nen at wone mamunega nogo imbirak ndak-ndak age kenok perak, op aret o. Ndi, ayeloman nogo nen ogoba nogo imbirak ndak-ndak age kenok ti, op mban o. Aap inowe o unde endage, Mbeletebut o, yogwi iinok, at awuri ti, abunuk yorogo logogun o,” yinuk, yoragagerak.

Matiyut 12:50

Yi aap ndi aap an nogoba mbogut paga mendek iniki mbake ndak-ndak eeko menggaarak kenok ti, nagalo-nawurilogwe it aret o,” yinuk, yoragagerak.

Matiyut 25:40

Yo'nogo mbaremengga, an nendagembogut nogo nen it nogo yorage logonet, Lek o. Kit nen an nawuri maluk-malak eeginabeegutak nogo ti, an aret ee'nabeegutak o, yinuk, abet aret yokkiragi, yoraagin o.

Matiyut 5:43

Yetut nen wone ambinom yorage logonet, “It kinom monggotak kiniki kunik eeginakwi, ndi, kinom ogoorak monggotak kenok ti, kinanini agaket eeppiigwi, eeko logonip o, yinuk, yogo nogogwaarak nogo kit muk kinaruk koneneegutak kwe,

Marakut 3:4

Yoge nagagerik, it nogo yorage logonet, “Tamban eekwi paga obeelom eeginaburak ti, op ilik, maluk eeginaburak ti, op a? Aakumi ineebe inili yuurak ti, op ilik, inooriyak ti, op a? Wone yugu liiru mbanak nogo nonggop mbanak o?” yoragagerak kwe, inoone lek aret puk ogogwaarak.

Lukat 6:35

Kit perak, at Tiyanak Lombok Menggerak nen it aap maluk mendek iniki lambek-nggoonak menggaarak nogo iniki kunik aganake menggerak me, kit togon, it kinom ogoorak monggotak nogo kiniki kunik eeginako logonet, obeelom eeppiigwi, Peebi wo'niraagun, mbaka'lek logonet, ugun wogorogwe, eekwi kiinok, kit an napuri aret o, yinuk, onggo mondok iya tit wokkirage kaamunggup o.

Yaya 12:35

Yogo mbareegwa, at Yetut nen it yorage logonet, “Eya eekkinake menggerak nogo ne ambiriluk kinom logogin o. Kiniki o apit pogom eekkinabi wage kero, eya eekkinake kagak, nogo logonip o. Aap ambit ambi nen o apit paga nage kenok, Ndime noorak, at eenggo'lek kagak, nage menggerak.

Yaya 9:4

Oonikiya paga yabu eeriyak meek me, o kiip ariyak abu panggo yi wage kwe, awo waga'lek kagak, at nappani wagagerak eeke menggerak nogo, o eya paga mbet-mbet aret eeko logowok o.

Nappiigak 6:7

Ndi, Ala wone nogo nggwok aret wiganinuk nage kagak, o Yerutalem time it at oone woorak nduk ambi nabek unggwagak mban eeko logonet, ambik aret ogwe, ndi, it Ala unde nogo kunduk ambik aret, “Wone waawi o,” yinuk, abet mbakwi, eereegwaarak.

2 Korindut 2:8

Kiniki abe paga at abuwa lombok mbako logonet, kiniki kunik eeko logobagip nduk, yokkiragi o.

Nggalatiya 1:23

it aakumi nen yogo logonet, “Nit abet mbakwi wone nogo, aa'nduk at nen lek eerogo puurak nduk, ti'niren-mu'niren nege nagagerak nogo kwe, yogondak wone nogo aret woppunuk, yoranet nege agaarik o,” yinuk, yogwe konenggo nogogwaarik,

Epetut 2:19

Ti kenok noreewi o. Yogondak kit aap nggiru alik mendek wonogwe lek o. Kit ninom ndak-ndak Ala apuri aret me, mbogut paga ninaworak aret ogoorik o.

Epetut 4:28

Kit yogoot waganggo monggotak nogo, ambinom yogoot waagup o. Ata, kineenggi paga nen mban eerogo nunggwi, it aakumi inamendek lek iinok yeenggwaarogwe, eeko logobagip nduk, yabu ambi eeriyak miippunuk, kineenggi omaawi paga eekko'net nogo logonip o.

Pilipi 4:10

Aa'nduk noba kiniki abe'naka'lek wonogogutak kwe, yogondak iluk kiniki abe'nakwi kiige nagarik, nowe nimbirak kunik logonet, niniki ale'nggen ambik mbake agarik o. Aa'nduk we noba aberak wonogogutak kwe, yeenggwaaniriyak eyom awo aga'lek kenok, puk wonogogutak me nduk yokkiragi o, noreewi.

Kolote 4:5

It aakumi abet mbaka'lek mendek kinom eerit nogo logonet, “Ala abet mbaruwak nduk, wone yoroorak nanonggwan aga o,” yinuk, kiniki mondok kwippunuk, eerit nogo logonip o.

1 Tetalonika 5:15

Maluk onggo-onggo eekwi iyo, liippiigo logonip o. Kit-kit inom, it aakumi abok inom, obeelom mban eekak yuwak nduk, liippogo logonip o.

1 Tetalonika 5:21

Yi wone ndi wone yogwe nogo abok aret abut mbambunuk, abe kenok mban nggirik-nggerok agago porogo logonip o.

Titut 2:14

Nit yi maluk ndi maluk eeko monggoorak nogo eeko logokwak ninonggo mbanogo piinogo pinanege, ndi, “An napuri nake leenak logonet, obeelom eeriyak iniki aganggen paga eerit nugu logowak,” mba'nuk, ninomaluk koorogo pinanege, eerikit nduk, nit ninake niya wagagerak.

Titut 3:8

An wone yokkigi ti, abet aret o. It aakumi iniki Ala oba panggombunuk, abet mbakwi nogo iniki liippunuk, obeelom mban eeko logowak nduk, an yokkigirak ti, kulinik-kalinik koone omaawi paga yorage logot o. “Wone yi, obeelom aret o,” yinuk, waganggwi paga obeelom ambi eekkoloorak aret me, yorage logot o.

Iberani 13:16

Ndi, ti eeko logonet, Ala ake warogo wogogo nogogwa kwak, at ake aakumi obeelom eeppiigwi, yeenggwaarogwe, eekwi niinok, Ala inikilom ninombake menggerak me, mari eerogo puurak ti mage o. Ata, eeppiinet nogo logonip o.

Iberani 3:6

Keritut perak, ogoba Ala awi wurik unde aput at aret me, togop aret ko'lu-kii'me eeke menggerak. Ndi, nit perak, nit niniki lunik ale'nggen mbakwi nogo, “Abet aret ee'ninabi woraagin o,” yinuk, at woroorak tokkogo logonet, mbo pega'lek mondok nu'lek porogo wonogwe niinok, Ala awi wurik ti, nit nineebe aret mbaruwok o.

Iberani 6:10

Kit kinogoba Ala a'me nggelok eeke menggerak me, at eyabu eerit nogo logonet, at endage tiyappuwak nduk, “Ao,” mba'nuk, kinoreewi Ala apuri yeenggwaarogo nogogutak inom, yogondak awo yeenggwaarogwe wonogwe inom, at mari eerogo pigin lek o.

1 Peterut 2:5

Ala nen ari logonet, “An nen yugum onggo nggwok omaawi yangguk yuurak lek mendek o Tiyon paga ndoonogo piminggirak me, Aap ambi yugum ti paga iniki oba panggombege kenok, enggali arigin lek o,” yinuk, yereegerak liiru mbanak wonage me, it aap Ala unde nen Ala awi wurik me Ala ake warogo pogo mengga kwak, kit togop aret Ala unde at ake leenak logonet, Yetut Keritut eereegerak paga Ala inikilom mbake menggerak mendek aakumi inake eeko logobagip nduk, yugum obaga lu'luk eerogo o wuko mengga kwak, Ala nen kit kineebe paga at awi wukkolage agaarik o.

1 Peterut 4:17

At Ala nen ari logonet, “It aakumi iniki abe koonak nogo aaninggin eeppiinet unggwogwe iigak inagap ndarigin me, It an noone konengga'lek maluk mban eerit nogwe nogo perak, nonggop togon eeppiyaagin mbakop?” yinuk, yereegerak ndak-ndak, at Ala nen nit yi aap ndi aap abok aret ninawone mbanogo ninowak loonninaburak eyom abu panggo yi wagaarak me, nit Ala apuri aa'nduk ninawone mbambunuk, at oone yugu ndak-ndak eeka'lek logomonggoorak kenok, onggo eeppinanigin me, it Ala wone obeelom wone nogo mondok wagangga'lek iinok ti, inawone mbangga'lek teppiyaagin mbakop? Lek o. Inawone abu mbanogo punuk, mondok alik negen eeppiyaagin o.

1 Yaya 5:1

Kit nen, “Yetut ti, Keritut aret o,” yinuk, abet mbakwi kiinok, Ala nen aret ndakkinabeegerak me, kit at apuri aret ogotik o. Ndi, kinogoba Ala kiniki kunik eekwi kiinok ti, apuri ndarak nogo inom kiniki kunik eeginako logorak me,

3 Yaya 1:10

Togop me, nit eerulik kagak oone abu maluk ninoba pinaneegerak me, an wage logominggirik, at yereegerak nogo liirogon mbininogo yokkege neyaamunggun o. Oone maluk ti mban ninoba punuk, puk age ti lek o. Ata, ninoreewi wogwe iinok, ineebe wogonaka'lek logonet, it wogonaburak mbakwi nogo, “Wogonaburak lek o,” yinuk, inenggela'me nen wumbiige menggerak me, liirogon yokkege neyaamunggun o.

3 Yaya 1:11

Noreeluk niniki kunik yi wae! It maluk eeko menggaarak nogo kat ndak-ndak eeke logogun o. Ata, it aap obeelom eeko menggaarak nogo ndak-ndak mban eerit nage logot o. Aap ambi obeelom eeke menggerak kenok ti, Ala nen ndareegerak aret mbariyak kwe, at maluk mban eeke menggerak nogo nen perak, Ala mondok liippega'lek aret menggerak o.

3 Yaya 1:3

“Ala ndogop menggerak o,” yinuk, wone nogo woppunuk, eerit nage menggendak nogo, noreewi ando neya wogo nagaarik, “Nogo ndak-ndak aret eerit nage agaarik o,” yinuk, mbininogo yo'niri wogo mbaka, an niniki ale'nggen ambik aret mbakirak o.