Nggalatiya 5:5 - Ala Wone Peenok Peebi Mbanak

⁵ Nit abet mbareegurak nogo paga Aberiniki nen eeppinanege kagak, Ala nen, “Aap yi, iniki abe koonak aret o,” yinuk, obeelom agago pinaniyak nogo, “Mbet-mbet eerogo pinanuwak lak ao,” yinuk, niniki lunik logonet, tokkogo ogoorik o.

Nggalatiya 5:5 ပူးပေါင်းရင်းမြစ်များ

Wakkagagerak 49:18

Kaliku ALA wae! Nagap ndarogo panenok nduk, tokkake agarik o!

Ndawi 130:5

Kaliku ALA nen an yeenggwa nenok nduk tokkeege, Niniki nen mbet-mbet eeppani woraawak lak, “Ao,” mbake, Koone yereegindak nogo niniki lunik wonage, Eeke agarik o.

Ndawi 25:3

“At nen aret yeenggwa niraagin o,” yinuk, Iniki kat paga lunik wonogwe iinok, inenggali arugun lek kwe, Alom lek kagak aap maluk eeppiyoorak kote negen koonggwi iinok perak, Inenggali arugun o.

Ndawi 25:5

Kat nogoba Ala nen nagap ndake keenok, Niniki kat paga mban lunik neegak, o kiip age, weege, eeke menggerak me, “Wone yi abe o,” yinuk, ari menggendak nogo Eeke logokit nduk, pi'neren nage, Liirogon mamunnake, Eeke logot o.

Ndawi 62:5

Togop aret me, niniki yi wae. Ala nen mban eeppaniyak mba'nuk lunik logonet, Oba panggombunuk, ugun tayenak logot o.

Oteya 12:6

Togop me, kit kiniyokan yungguninuk kinogoba Ala owagam wa'nuk, aakumi kinom kiniki kunik eeginabit nugwi, A'me nggelok liirogon mban eeppiinet nugwi, Kiniki kinogoba Ala paga mban panggombunuk, kiniki kwippunuk, tokkogwe, Eeko logomunggup o.

Oroma 5:21

Maluk eerit nogo nogogurak paga kanggwi alom ninoba wigak yereegerak nogo ndak-ndak, yogondak ninowe Yetut Keritut nen eereegerak paga obeelom agago pinaninuk, mondok nineenik logowok nduk, Ala iniki kunik nen eeppinanege menggerak wone nogo ninoba wigak yereegerak wonage o.

1 Korindut 1:7

At ninowe Yetut Keritut wage kero tokkogwe kiigak, Ala nen obeelom mban eeppinanege menggerak nogo, eeppinagage logonet, ambi yoboppega'lek mondok ndak-ndak eeppinagage kage agarik o.

Epetut 2:18

Ndi, yogondak Keritut eereegerak ti paga, nit Yakuri mendek inom, kit endekem mendek inom, Aberiniki ambit nogo paga nen nit wo'niren ninogoba Ala owagam noorak op aret o.

1 Tetalonika 1:10

ndi, Ala nen at aput Yetut kambunuk nogo menggam nen eenik agago mippege mbareegi, peebi anini nen nit maluk eeppinanege kero, ninagap ndareegerak Yetut mbogut paga nen wambi woroorak nduk, kit tokkogo monggotak nogo inom, abok aret nit yo'nirogo menggaarak.

2 Tetalonika 3:5

At Ala nen yi aakumi ndi aakumi iniki kunik aganake menggerak nogo kokwak kit ndak-ndak eeppiinet nugwi, ndi, Keritut maluk mendek oba age kagak, yanggonak wonagagerak nogo kokwak, kit togop aret yanggonak wonogwe, eeko logobagip nduk, Ala nen eeppinagage logowak lak, “Ao,” kinombako ogoorik o.

2 Timotiyut 4:8

Ndi, yogondak at wone a'me nggelok owak loongga ninowe nen it aakumi obeelom eekwi iinok, onggo nggare-nggare mendaarak yippiige menggerak me, o age yobok paga an ambi yippanikit nduk, nake paneegerak wonage o. An nalik yippanigin lek o. Ata, yi aakumi ndi aakumi nen, “At kin ari woraawak lak, a o,” yinuk, tokkogwe nogo abok aret yippiyaagin o.