Nggalatiya 5:26 - Ala Wone Peenok Peebi Mbanak

²⁶ Kit wogoppako logonet, an iya kat iya yogwe, at ambi eeke paga at ambi iniki warogo pegak eekwi, obeelom eeppugwi iinok, nuwa-kuwa yogwe, eeko logogup o.

Nggalatiya 5:26 ပူးပေါင်းရင်းမြစ်များ

Lukat 14:10

Kinayonggo pege kenok, nogo logomonggotik, aap ugun kwi'nogo menggam time aret kwi'narumunggup o. Kwi'ndak wonogwe me, at kinayonggo pemenggerak nogo nen kit yokkira wage logonet, Noreewi o. Kit aap nggwok kwi'nogo menggam yime kwi'nari wa'nip o, yokkirage kenok, it aakumi apit mbi noorak kinom wonogwe nogo inenggaanom paga kit tiyanak aret kiyoorak me, aap ugun kwi'nogo menggam time aret kwi'nogo logomunggup o.

1 Korindut 3:7

Togop me, at awi yake inom, niyo kilike inom, ti iya lek o. Ata, at awi yarak mbilanuwak nduk eeke menggerak Ala ti perak, mondok iya o.

Nggalatiya 5:15

Kit neyak-keyak yogo logonet, at ambi nibinogo nappegak eekwi paga kineebe lek eerogo pakwi kiyo, liippogo logonip o.

Pilipi 4:15

Kit Pilipi mendek yi wae. An maan aa'nduk obeelom wone yi awi ndi awi yoranet nage logokit nduk, o Makendoniya mbo punuk o alik me nage neegak, Ala apuri kuwak eerit nogo monggoorak kenok ti, yeenggwa-yeenggwa eeko monggoorak kwe, it abok aret puk iigak, kit Ala apuri o Pilipi nen mban yeenggwaanereegutak nogo kineenu aret o.

Yakobut 4:16

Ko'lu eeriyak kineenggo'lek kagak, kineenu negen eekko'nok wogoppakwi ti, maluk aret eekwi kiigi o.

1 Peterut 5:5

Togop me, kit aap tawe nen eeko logorak wone ambi yokkira o. Kinogobamini nen inoone yokkirogwe iinok, kinaruk liirogon konembunuk eeko logonip o. “It aakumi iniki wogoppako menggaarak kenok, Ala nen tebenogo piige menggerak kwe, Iniki tebenak wonogwe iinok perak, Inabuwa nen obeelom eeppiige menggerak o,” yinuk, yereegerak Ala wone liiru mbanak wonage me, kit abok aret kiniki tebenak logonet, yeenggwa-yeenggwa eeko logonip o.