Nggalatiya 5:23 - Ala Wone Peenok Peebi Mbanak

²³ niniki yanggonak wonogwe, eeriyak niniki nengge kenok mbet-mbet tebenogo pugwi, eeko monggoorak ti aret o. Ti eeko monggoorak nogo eeko logorak mage yugu ambi wonage mondok lek o.

Nggalatiya 5:23 ပူးပေါင်းရင်းမြစ်များ

Yeremiya 33:6

Togop aret eerogo piyaagin kwe, o kota yi inom, it ineebe inom, obeelom eerogo piige, ndi, it aakumi an napuri ineebe obeelom eerogo piyaminggirak paga iniki mondok nu'lek ugun tayenak inale'nggen mban logowak nduk, eerogo piige, eerigin o.

Nappiigak 24:25

Ndi, at Pawulut nen obeelom eeko logorak wone inom, iniki nen eeriyak eeginake kwe, tebenogo puurak wone inom, peebi nen owak looninaburak wone nogo inom, yorage mbareegi, at Pelikit nogo agabiti age nagagerik, “Abu yogoorak me, nak o. Ne ambi paga yuurak nanonggwan age kenok, woraanok nduk kayonggo pege neyaamunggun o,” yinuk, yoreegerak.

1 Korindut 9:25

Aap ambi it aakumi nggare agan nogwe nogo inom nggare agan aa'nduk wundi noorak mbake logonet, at yi mendek ndi mendek eeriyak mbake nogo tebenogo pege menggerak. At onggo nggare-nggare mendaarak we luulu lek ariyak mendek kagak yippanuwak mba'nuk, eeke menggerak kwe, nit perak, onggo nggare-nggare mendaarak mondok-mondok logorak mendek yippinanuwak mba'nuk, eekwi me,

Nggalatiya 5:18

Ndi, Aberiniki nen yokkirage nogo eerit nogwe kiinok perak, wone yugu liiru mbanak nogo abu'me logomunggup lek o.

1 Timotiyut 1:9

Ala wone yugu liiru mbanak nogo ti, aap iniki obeelom wonogwe iinok yoroolik. Ata, it aap Ala wone yugu tagangga inom, inogobamini inoone koneniyak ineebi mbaka inom, Ala ayuk wuka'lek meek eerogo pega inom, it maluk eeka inom, iniki liirak lek ugun-ugun eerit nega inom, inagalo-inogoba inooka inom, aakumi ugun-ugun inoorit nega inom,

Titut 1:8

Ata, aap inanoniya laka kenok, obeelom eeriyak inikilom mbaka kenok, iniki warak kenok, a'me nggelok eeka kenok, Ala wone liippunuk eeka kenok, eeriyak eeke kagak kwe, iniki yungguppunuk, puk aga kenok, aap ti mendek mban mippiyoorak op o.

Titut 2:2

It aap inanggok ti, iniki tum waka kenok, inayuk warak kenok, iniki warak kenok, it iniki abet mbakwi nu'lek menggaarak kenok, aap togop mendek logowak nduk, yorage logot o. Aakumi abok abet aret iniki kunik aganakwi, ndi, aaninggin inoba age kenok inogogumbuk logonet, waganggwi, eeko logowak nduk, yorage logot o.