Nggalatiya 5:18 - Ala Wone Peenok Peebi Mbanak

¹⁸ Ndi, Aberiniki nen yokkirage nogo eerit nogwe kiinok perak, wone yugu liiru mbanak nogo abu'me logomunggup lek o.

Nggalatiya 5:18 ပူးပေါင်းရင်းမြစ်များ

Kini Wuppiige 8:20

Abe koonak mban eerit nogo menggam ti paga an nage, A'me nggelok eeko menggam tu ti paga an nage, Eeke logonet,

Yetikiyen 36:27

An nen Naberiniki inikime mambiige, wone lengganogo yorage minggirak nogo mugurok nawak nduk, eeppiige, ndi, eeko logorak noone yugu nogo liippunuk eeko logowak nduk, eerogo piige, eerigin o.

Yaya 16:13

Ala ndogop menggerak paganogo yokkiraga Aberiniki nogo wage logomenggerik perak, Ala ndogop menggerak o, yinuk, mamungginake logogin o. At iniki koombunuk nen yokkirage logogin lek o. Ata, at konembunuk mban yokkirage, ndi, peebi eeriyak wone nogo at nen paganogo yokkirage, eeke logogin o.

Oroma 7:4

Noreewi o. Ti ndak-ndak, kit kunduk, anggen yi'nage menggi kwak, Ala ake eeko logobagip nduk, at kanggo menggam nen eenik agagerak nogo kinogonggelo negen a'nuk, at oone konenggo logobagip nduk, Keritut kinom kunik logonet, kambeegutak nogo paga Muta yoreegerak wone nogo lek aret agagerak o.

Oroma 8:12

Togop me, noreewi o. Nit ambi eeriyak ninoba agaarik o. Ninoba wonage ti, niniki maan mendek nen eeriyak ee'ninake kenok, mugurok noorak lek o. Ata, Aberiniki nen yo'nirage kenok mban eeko logorak ninoba wonage ti aret.

Oroma 8:14

At Ala Aberiniki nen yorage kagak eeko menggaarak ti, Ala apuri aret o.

Nggalatiya 5:16

Togop me, Aberiniki nen yokkirage kagak eerit nogwe kiinok, kiniki maan mendek nen maluk eeriyak eekkinake nogo, mugurok noorak eekkinabigin lek o, yinuk, yokkiragi o.

Nggalatiya 5:23

niniki yanggonak wonogwe, eeriyak niniki nengge kenok mbet-mbet tebenogo pugwi, eeko monggoorak ti aret o. Ti eeko monggoorak nogo eeko logorak mage yugu ambi wonage mondok lek o.

Nggalatiya 5:25

Nit Aberiniki nen pi'niren noorak mbakwi kenok, at yo'nirage nogo mban aret eerit nogo logowok o.

1 Timotiyut 1:9

Ala wone yugu liiru mbanak nogo ti, aap iniki obeelom wonogwe iinok yoroolik. Ata, it aap Ala wone yugu tagangga inom, inogobamini inoone koneniyak ineebi mbaka inom, Ala ayuk wuka'lek meek eerogo pega inom, it maluk eeka inom, iniki liirak lek ugun-ugun eerit nega inom, inagalo-inogoba inooka inom, aakumi ugun-ugun inoorit nega inom,

2 Timotiyut 1:7

At Ala nen niniki ninagabitinggut mendek wo'niroolik o. Ata, Aberiniki omaawi eeppinanege kagak ninagabiti lek logonet yorogo logorak mendek inom, aakumi niniki kunik aganaburak mendek inom, niniki warak mendek inom, wo'niragagerak o.