Nggalatiya 5:17 - Ala Wone Peenok Peebi Mbanak

¹⁷ Niniki maan mendek nen Aberiniki warikit mbake, ndi, Aberiniki nogo nen niniki maan mendek warikit mbake, eeko logonet, imbirak wim negen ogoorak togon wonogwe me, kit eeriyak mbarumonggotak nogo, eeriyak meek aret kaamunggup o.

Nggalatiya 5:17 ပူးပေါင်းရင်းမြစ်များ

Wakkagagerak 6:3

Ugun wogonabit nogwe iinok, at Aliku ALA nen, “It aakumi ti, kanggo menggaarak mendek me, iniki kooninakak yuwak nduk Aberiniki wogoragagirak nogo mondok-mondok inom logogin lek o. Ndi, ndarak iigak togon, ineenik logorak kuli tahun seratus dua puluh aret eerogo piyaagin o,” yinuk, yoragagerak.

Ndawi 119:133

Yi maluk ndi maluk abok aret eeriyak Ee'nake logonet, tebenogo panukwak, Kat eeppaniyak koonogo pereegindak nogome mban Niyok pit nage logokit nduk, nu'lek eeppanege,

Ndawi 119:159

Kaliku ALA wae. Eeko logorak koone yugu nogo Niniki kunik lombok minggirak yi, pe'neege, Nabuwa nen kiniki kunik ee'nake me, An neebe nili eerogo panege, Eeru o.

Ndawi 119:176

Ndomba kobak a'nuk tu nomoninuk nogo mengga kwak, An togop aret ee'nakerak kwe, Koone, “Yogop ee'nu ndogop ee'nu,” yugu nogo An nami ageelik porogo minggirak me, An kayeloman yi, kwaa'nabi mok o.

Ndawi 119:20

Eekaatak ndak-ndak eeppiigo logorak koone yugu nogo An ko'lu-kii'me pekkage logokit lak, “Ao,” Mbake logonet, niniki andi negen age menggerak o.

Ndawi 119:32

Kat koone ambinom neenu arikit nduk Niniki kole eerogo panumunggun me, Koone, “Yogop ee'nu ndogop ee'nu,” yugu nogo Nale'nggen paga liirogon aret eerit nage logokit o.

Ndawi 119:35

Koone, “Yogop ee'nu ndogop ee'nu,” yugu nogo, Eerit nage logorak ninikilom mbake minggirak me, Eerit nage logokit nduk, yo'nege,

Ndawi 119:40

Eeko logorak koone yugu nogo, An eeke logokit lak, “Ao,” mbake minggirak o. Kat obeelom a'me nggelok eeke menggendak me, An aa'nduk wonagagi kwak eerogo panu o.

Ndawi 130:3

Kaliku ALA wae. Ninomaluk nogo kat liiru mbanogo pege logonetak en, Aap ta nen oone ambi yenetak mbakop? Lek aret kwe,

Ndawi 65:3

Maluk eeko nogoorak paga Aaninggin lombok ninoba kwi'ndak wonage nogo Nit piyaniyak meek me, kat nen waganogo mbo nappegendak o.

Wone Alom Kibingga 7:20

O nggween paga yime aakumi maluk eeka'lek iniki koonak abu obeelom mban eeka wonogolik o.

Yetaya 6:5

Kage nagarik, an nen ari logonet, “Nambe paga maluk mban ari, ndi, an aakumi inambe paga maluk mban yogwe nogo inenggela'me wonage, eeke logonet, at Omaawi Lombok Menggerak endagembogut Aliku ALA nenegen abe nen kagarak paga kambigin aret me, nabuwa o!”

Matiyut 12:30

An ninom lambunik wonogwe lek iinok ti, ninom ogoorak aret wonogwe o. Ndi, an ninom kuwak eekulik nogo nen it ninom kuwak eeke minggirak nogo mappiigo menggaarak aret o.

Matiyut 16:17

Yoge mbareegi, Yetut nen, “Yunut aput Timon nore wa. Aakumi nen paganogo yokkirulik o. Ata, an nogoba mbogut paga mendek nen aret paganogo yokkegerak me, kiniki ale'nggen aret mbake logot o.

Matiyut 16:23

Yoge mbareegi, at Yetut ena logurogon pekkage logonet, Peterut yoge, “Kat Ibilit negen ari yi, Ala iniki mbake nogo eeriyak mba'nuk ari lek o. Ata, aakumi iniki mbakwi nogo eeriyak mbake logonet, an non mbambanege me, mondok nak o,” yoreegerak.

Matiyut 26:41

Niniki nen obeelom eeriyak mbakwi kwe, nineebe nen eeriyak meek ee'ninake menggerak me, maluk eeriyak kinikime nggagani wage kero, tum wako logonet, tamban eeko logonip o.”

Matiyut 5:6

It aakumi inagi-inambi abu aganake menggerak nogo pogom obeelom lombok eeko logorak uugwe mbako menggaarak nogo ti, It iniki mbakwi ndak-ndak a'me aret arit nage kogo logogun me, Iniki ale'nggen aret mbako logowak o.

Lukat 22:33

Yoge mbareegi, at Timon nen, “Nogoba o. Keele maarogo mambiigo menggam mambagagwi, mondok kookwi, eekwi iinok, an nimbirak ee'naburak op aret mbakirak o.”

Lukat 22:46

Iige nagagerik, it yorage logonet, “Kit nonggop nduk nogo yugu ogotik o? Maluk eeriyak kiniki nggagani wage kero, mi'na'nuk, tamban mban eeko logonip o,” yinuk, yoragagerak.

Yaya 3:6

It aakumi nen ndaganakwi ti, it mendek aret o. Ndi, Aberiniki nen ndaganake nogo ti, at mendek aret o.

Oroma 8:13

Kiniki maan mendek nen maluk eeriyak eekkinake nogo mban mugurok nogwe kiinok ti, kambumunggup aret kwe, maluk kinikime lagi wage nogo, Aberiniki nogo paga warogo wuppogo logomonggotak kenok perak, kineenik aret logomunggup o.

Nggalatiya 3:21

Togop kenok, wone Muta yoreegerak inom, ndi, Abarakam abok yoreegerak wone inom, ti alom alitak mbakop? Mondok lek o, noreewi. Nit nineenik logorak nduk, wone yugu alom alik ambi logonetak en, wone ti woppunuk eekwi paga Ala nen, “Aap yi, iniki abe koonak aret o,” yinuk, yo'nirage logonetak kwe,

Yakobut 3:2

Nit abok aret niniyogobit lik togon yigeebu wanggo monggoorak o. Nit ninoone yogootak paga irip paga maluk age lek kenok, nit mondok obeelom logonet, nineenggi-niniyok paga maluk eeriyak ee'ninake nogo, abok aret tebenogo pogo logorak op aret o.