Nggalatiya 5:12 - Ala Wone Peenok Peebi Mbanak

¹² It aap kiniki abut laganit unggwogwe nogo, inagabolo ti mban mbaniyak lek o. Ata, eebe inom aret mbanogo nappako logowak nduk, teppiyaanip o.

Nggalatiya 5:12 ပူးပေါင်းရင်းမြစ်များ

Wakkagagerak 17:14

Aap ambi agabolo mbangga'lek, we teppuurak kenok, an noone yugu nogo taganogo pege me, at aap ti, at owe-awot enggela'me nen endekem wumbogo logonu o,” yoreegerak.

Wakkagagerak 30:34

Yoge mbareegi, at Laban nen wone onggo yoge logonet, “Op aret o. Yagandak nogo ndak-ndak aret eeko logowok o.”

Wundeegwaarak 12:15

Ndi, oroti piika'lek mendek nogo mban nunggwi iigak, ne 7 logorak me, aap ambit-ambi nen ne aa'nduk nen nok ne 7 kuli ti paga oroti piiruwak nduk, ragi nogo yi mendek ndi mendek inom punuk nengge kenok, it aakumi Iterali inenggela'me nen aap ti enggaawak lek eerogo puurak me, ne iyaalok laago lariyak paga nen oroti pike menggerak mendek iname wonage ti abok aret mbo pogo logowak o.

Wundeegwaarak 30:33

aap ambi nen obari abe mendek amburu yogobi mendek ogobakkigike ilik, aap ugun mendek oba kilirogo pege a, eeke kenok ti, owe-awot inenggela'me nen enggaawak lek eerogo pogo logorak yegerak yoret o,” yinuk, yoreegerak.

Ala Unde 22:3

Yorage logonet, it aakumi Iterali nen Naliku ALA nake leenogo pi wogwe me time aap Karun apuri inom, ombowologwe inom, wigannarit nogo logogun nogo mendek ambi, wone ambi oba aremenggerak kagak nage kenok, aap ti, an nenggaanom paga enggaawak lek eerogo pogo logowak o. Wone yi ti, it peebi nda'narit nogo logogun nogo mondok-mondok eeko logowak nduk, Naliku ALA nen aret yagi o.

Yaya 9:34

Yorage mbareegi, it nen onggo at yogo logonet, “Kat mondok kitok maluk lombok nda'nagagindak nen yogondak wone nit mamunninaburak nduk eeke agandik ya?” yinuk, eebe endekem mugogo wumbereegwaarak.

Nappiigak 15:24

It ando ninom monggoorak nogo, nit nen nappiya woroolik kagak, kinowagam wogo nagaarik, Yogop ee'nip o, yinuk, yokkiragaarak nogo paga, kiniki taganogo pinagago mbaka, kiniki piirik wonogwe nogo, ninaruk konenggoorak o.

Nappiigak 5:5

Yoge nogo Ananiyat aruk konengge nagagerik, kweyak togon nggween paga ngginna'nuk, taati aret kambeegerak. “Kanggerak o,” yogwe inaruk koneneegwaarak nogo abok aret nen, “Ia!” yinuk, inagabiti ambik ogogwaarak.

Nappiigak 5:9

Yoge mbareegi, Peterut nen at yoge logonet, “Kogonggelo kimbirak wone ambit mbambogo nogotik, nonggop nduk ninogoba Aberiniki ambokan laganggotak? Kimbirak Aberiniki ambokan laganggotak me, it aap kat kogonggelo nggween taambi nagaarak nogo nen yogondak kat kunduk wokkeren noorak nduk, tungga'nggi paga unggwi wogwe yi iyet o.”

Nggalatiya 5:10

Nit ninowe ninom ambit kunik me, an mbake minggirak nogo, kit ndak-ndak mbako logonet, eerit nogo logorak abet aret kinomba'nuk yokkiragi o, noreewi. Ndi, at nomonggiren nage nogo perak, Ala nen maluk onggo eeppigin me, agabiti mbake logowak o.

Pelaareegerak 23:1

Yorage nagagerik, ambi yorage logonet, “Aap ambi ooli tubunik ilik, ooli wogo a, wonage kenok, at Aliku ALA apuri kuwak eekwi me inom kuwak eeri unggwogo logorak mage o.

Titut 3:10

Aap aakumi iniki nomoninaka nogo nen abe wone mbo punuk, maluk mban eerit nage paga maluk onggo oba kwippatiyak kagak, eerit nage keenu me, ne mbere paga aruk wappunuk, mbo puurak aret o.

Yotuwa 7:12

Kumaappatinuk wonogwe ti paga kineebe pup eerogo pinagarak kinetenggen luurik aret wonogwe me, aap kinawim nen kinoorit wogwe iinok, ko waka'lek kinamborowak kin-kin mbaganit kumaa'narit nogwe kiigirak me, an namendek lek eerogo puurak yugu kagak, aap kumaakerak wonage ti, lek eerogo pega'lek wonogwe kiinok, an kit ninom logogin lek o.

Yotuwa 7:25

Piya nogo mbareegwa, Yotuwa nen Akan nogo yoge logonet, “Kat nen nit abu maluk eerogo yigeebu wuppinaniyak nduk eekendak me, o yogondak aret at Aliku ALA nen kat maluk koba pagarak nduk, eeke agaarik o,” yinuk, it Iterali abok nen aap Akan inom, at apuri inom, yugum paga inoorogo piinok, ineebe inoorak inom, inamendek inom, abok aret kani kumbiinok,