Nggalatiya 4:9 - Ala Wone Peenok Peebi Mbanak

⁹ yogondak perak, Ala kineenu ogwe, ndi, Ala nen kit togon kineebe eenu age, eereegutak me, kit nonggop nduk, wone abe yugu nogo mbo punuk, obeelom eekkinaburak lek kagak aanom warogo eeko nogogutak wone nogo, “Ambinom abu'me tebenak logowok,” mba'nuk, kiniyok paga yungguninuk wa nogo ogotik?

Nggalatiya 4:9 ပူးပေါင်းရင်းမြစ်များ

1 Endagembogut 8:43

kat wonage menggenom mbogut paga wonage logonet, oone karuk konembunuk, yokkege nogo aret eeppege logomunggun o. Togop aret eeppege keenok, it kapuri aakumi Iterali nen kendage tiyanak kenok, kayuk wukwi nogo ineenu ogwe, ndi, an o wukirak yi, Ala awi wurik aret o, yinuk, ineenu ogwe, eekwi nogo ndak-ndak, yi aakumi ndi aakumi o nggween paga wonogwe yi abok aret ineenu ogo logogun o.

1 Mbinineegwaarak 28:9

Yorage nagagerik, aput Talomo yoge logonet, “Ndi, kat naput Talomo wae. At Aliku ALA nen yi aakumi ndi aakumi inikime maloppiige, Ndogop eerikit, koonggwi nogo, Nonggop nduk koonggwi, yinuk, eenu age, eeke menggerak me, kat nen Aliku ALA kwaake keenok, kimbirak lambunumunggun kwe, at mbo pege keenok perak, at nen kat mondok-mondok mbo pagagin o. Togop me, kogoba an nogoba Ala ti, An nogoba aret o, mbake logomenggendik, kiniki nen, Ala ake eeke logokit o, yinuk, kiniki-keebe nggaruk togon Ala wogo'nuk, ake eeke logomunggun o.

Ndawi 1:6

It aap iniki abe koonak nen eerit nogwe nogo, Aliku ALA nen enegen wogonake menggerak kwe, It aap maluk eeka nen eerit nogwe nogo, Lek eerogo piige menggim time aret nogo menggaarak o.

Ndawi 9:10

It aakumi iniki Kaliku ALA koba panggombunuk mukkeren wogwe iinok, Kat mbo piigeelik me, Kendage inom, eeke menggendak inom, ineenu nogo nen Iniki koba panggombunuk aberak menggaarak o.

Wundeegwaarak 33:17

Yoge mbareegi, at Aliku ALA nen Muta yoge, “Kendage neenu age, ndi, keebe ninikilom kombake, eekirak me, wone yo'negendak nogo ti, ndak-ndak aret eerikit o.”

Kini Wuppiige 2:5

Aliku ALA nen aret iniki warak lombok eerogo piige, At oone paga nen yi wone ndi wone ineenu eeppiige, Wone alom ineenu eerogo piige, Aap iniki abe koonak nen wone kobak ogwe iyo, wone koleewak wone yorage, Aap inoba maluk lenggengga'lek logonet, eerit nugwi nogo inanggeemu kwak age, It aap a'me nggelok eerit nugwi nogo inarum wake, At wone liippunuk eerit nugwi nogo, inili eerogo piige, Eeke menggerak me, Nonggoti eerogo Aliku ALA inagabiti mbako logorak nogo liippege, Ndi, at Ala ineenu ariyak nogo mamunggolage, Eerumunggun o.

Yeremiya 31:34

It inendage abu tiyanak inom, inendage abu teberak inom, abok aret neebe ineenu arugun me, Aap ambi at imbirak menggerak nen, Aliku ALA ndogop o, yinuk, mamunege, Aap ambi oreeluk yoge logonet, Aliku ALA eebe keenu aru o, yinuk, yoge, Eerugun lek aret o. It inobaabut maluk lombok logonet eekwi nogo, an nen lek eerogo pege, Ndi, inomaluk eekwi nogo an nen aberak logogin lek nami eerogo pege, Eerigin o,” yinuk, Aliku ALA nen aret yegerak.

Abakuk 2:14

Niyo nggwok yenggenak laut nen nggween kiiniki paga lombok wonage nogo, nobappunuk menggi kwak, Naliku an ALA abu tiyanak minggirak wone nogo, aakumi o nggween paga ilin-unggut wonogwe abok aret ineenu arugun o.

Matiyut 11:27

Yoge nagagerik, ambinom yora-ge logonet, “An nogoba nen yi mendek ndi mendek abok aret an unde logokit nduk, eeppaneegerak. Ndi, Ala aput yi ti, it aakumi mondok ineenggo'lek nogoba alik mban eenu menggerak. Ndi, nogoba ti, aakumi mondok ineenggo'lek at aput an nalik mban neenu minggirak. Ala aput an lombok nen, It aakumi nogoba ineenu aruwak nduk, paganogo yoraakit, mba'nuk, yorage neenok mban ineenu ogo menggaarak.

Lukat 5:38

Anggur amburu ngget mendek ti, kambin agabolo paga yiiwak ngget ogobakkigirik me aret tooko menggaarak.

Yaya 10:14

Ndomba obeelom ndegeninaka an aret o. Nogoba nen an eenu menggerak,

Yaya 10:27

An nandomba ti, an noone konenggo menggaarak. An nen it neenu minggirak me, it nen an mu'neren wogo menggaarak.

Yaya 17:3

It aakumi mondok-mondok ineenik logorak nogo ti, kat Ala abet aret kalik menggendak inom, ndi, kat nen nappani wagagindak an Yetut Keritut inom, ineenu ogwe ti aret o.

Oroma 8:29

At Ala nogo nen nit at awuri apit ninowe manggu pogom logowok nduk, nineebe nda'naga'lek niigak, at aput obaabut pogom aruwok nduk, mii'ninake nagagerik, leenogo pinaneegerak.

Oroma 8:3

Wone Muta yoreegerak nogo eeriyak op mbakwi kwe, niniki maan mendek nen, “Eeriyak lek o,” yo'nirage paga eeriyak meek kenok, at Ala nen kooneegerak nogo ti, nit maluk eekwi nogo lek eerogo puwak nduk, at aput lombok aap pogom logonet, maluk eeriyak kagak kwe, eeka'lek wonagagerak paga ninomaluk lek eerogo pereegerak o.

1 Korindut 13:12

Nit yogondak wukagi yumaak me, pekkogo logonet, ninetenggen liirogon kogolik nogo pogom, ninogoba etenggen agalu'mok mban kogo monggoorak kwe, peebi at eebe ninom lambumbunuk perak, at etenggen ninigen lik togon aret kaagun o. Yogondak an ando mban neenu minggirak kwe, at nen an eeke minggirak abok aret liippaninuk eenu menggerak nogo ndak-ndak, an peebi at eeke nogo abok neenu arigin o.

1 Korindut 15:34

It ando kinenggela'me Ala wone ineenggo'lek iigak, kit maluk eekwi me, maluk eeko monggotak nogo mbo punuk, kiniki warak a'nip o. Wone yokkirage yi, kit kinenggali arubagip nduk, yokkiragi o.

1 Korindut 8:3

Ndi, aap ambi Ala imbirak iniki kunik wonage nogo Ala nen aap ti, eenu aret menggaarak o.

2 Korindut 11:20

It aakumi nen inayeloman eekkinakwi, kinamendek lek eerogo nenet nugwi, inabu'me tebenogo pinagagwi, tiyappako logonet, meek eerogo pinagagwi, kinetenggen paga tela eerogo kinookwi, eekwi iigak, “Op aret o,” yinuk, puk ogwe kiigirak kwe,

2 Korindut 4:6

At Ala nen ari logonet, “O apit me eya aruwak o,” yinuk, eya eereegerak nogo inom, ndi, Ala mondok tiyanak, “Wi!” ugwi nogo, Keritut enete liippunuk, yelok kogo logowok nduk, ninikime eya ee'ninabeegerak nogo inom, ti eebe ambit Ala nen mban aret eereegerak o.

Nggalatiya 3:3

Kit kiniki ngget ndakkinabeegerak nogo ti, Aberiniki nen aret kwe, yogondak wone Muta yoreegerak nogo eerit nogwe paga, “Niniki kole eekkolaawok o,” yinuk, eeko ogotik ya? Kit kiniki lek wi negen aret eekwi kiigi o.

Nggalatiya 4:3

Ti ndak-ndak nit togon tawe aga'lek wologwe-mbuulogwe negen ugun wonogwe niigak, it aakumi nggween paga mendek nen, “Yogop eeriyak ndogop eeriyak,” iniki koonogo inapuri yoranet wundi wogo menggaarak wone nogo mendek mban konembunuk, eeko logowok nduk, keele maarak negen aret wonogogurak kwe,

Epetut 1:17

At ninowe Yetut Keritut ogoba Ala mondok tiyanak menggerak nogo nen, kit kiniki warak eeppinagage, Ala eeke menggerak yelok kaabagip nduk, kineenu eeppinagage, eeke menggerak Aberiniki nogo, ambinom wokkiraawak nduk, kinake tamban eeke minggirak.

2 Timotiyut 2:19

o wurik ili agago liiru mbanogo pogo mengga kwak, Ala eeriyak kooneegerak nogo, “Mondok logogin,” mbaruwak nduk, ari logonet, “An napuri kenok ti, neenu aret minggirak o.” Ndi, ambi, “Yi aap ndi aap abok aret, An Ala aput aret o, yogwe iinok, It maluk eekwi nogo mbo pogo logowak o,” yinuk, yereegerak me, it aap ti togop aret eeko menggaarak kwe, Ala nen, “Eeriyak,” kooneegerak ti, o eyak wurabak nu'lek menggi kwak, mondok nu'lek aret logogin o.

Iberani 7:18

Ti eereegerak paga Muta wone lengganogo yoreegerak nogo, mugurok nogo logonet, obeelom eekkolaawok nduk, eekwi iigak kwe, obeelom eerogo piiga'lek we aanom warogo eeko nogogwaarak me, “Yogop ee'nu, ndogop ee'nu,” wone aa'nduk lengganak nogo, lek eerogo punuk, wone alik ngget mendek kin eeppereegerak me, “Wone yi, mugurok nogwe paga obeelom eeppinaniyak abet aret kogo,” yinuk, niniki lunik logonet, Ala owagam nagak eeko ogoorik o.

2 Peterut 2:20

“Ninagap ndaka ninowe Yetut Keritut nineenu me, nggween paga yime maluk eeriyak ee'ninake menggerak nogo nineebi o,” yinuk, inambo'me mbo pereegwaarak kwe, ti'nuk, aa'nduk eeko nogogwaarak nogo, inikime aberogo eerit nogwe iinok, inobaabut aa'nduk mbuuluk obeelom negen logonet, eeko nogogwaarak kwe, peebi irip paga nen abunuk, maluk nggwok aret eekkologo menggaarak me,

1 Yaya 5:20

At Ala aput wambi wage nagagerik, Ala ambit alik lombok menggerak nogo nit liippuwok nduk nineenu eeppinaneegerak o. Ndi, at alik lombok menggerak Ala aput Yetut Keritut imbirak ninom niniki ambit kunik aret ogoorik o. At Yetut Keritut ti, at alik lombok menggerak Ala nogo aret me, nineenik mondok logorak unde eeppinanege menggerak alom at aret o.