Nggalatiya 4:29 - Ala Wone Peenok Peebi Mbanak

²⁹ Ti eyom it nggween paga mendek nen ndaganako mengga kwak ndarak nogo nen, Aberiniki nen wone yoreegerak paga ndarak nogo, miyuk-meya eerogo tebenogo pit nage nagagerak nogo kokwak, yogondak ti ndak-ndak, it puut Tinayi paga yoreegerak eekwi nogo nen, nit abet mbakwi nogo miyuk-meya eerogo pinanugo menggaarak kwe,

Nggalatiya 4:29 ပူးပေါင်းရင်းမြစ်များ

Wakkagagerak 21:9

Ne ambi paga at Tara nen kwe Agat awi Metit mendek aagaluk Abarakam obaane'me wulaga Itamayen ndareegerak nogo nen at aagaluk wulaga Itak nogo meek eerogo pegak mban eeke enegen kage nagagerik,

Yaya 15:9

Nogoba nen iniki kunik ee'nabeegerak kwak, an kunduk togop aret niniki kunik eekkinabeegerak o. Ndi, an niniki kunik eekkinabeegirak me, ninom kunik aret logonip o.

Yaya 3:5

Yoge mbareegi, at Yetut nen, “Aap ambit-ambi niyo paga inom, Aberiniki paga inom, ngget ndaka'lek kenok, Ala abu'me piige menggim unggwi nagin mondok lek o, yinuk, abet aret yokkigi o.

Oroma 8:1

Togop kenok, nit Keritut Yetut ninom kunik monggoorak me, “Kit maluk eekotak me, onggo eeppinagagin o,” yinuk, yo'nirage mondok lek o.

Oroma 8:13

Kiniki maan mendek nen maluk eeriyak eekkinake nogo mban mugurok nogwe kiinok ti, kambumunggup aret kwe, maluk kinikime lagi wage nogo, Aberiniki nogo paga warogo wuppogo logomonggotak kenok perak, kineenik aret logomunggup o.

Nggalatiya 4:23

Kwe at ayeloman nogo nen ndareegerak nogo ti, it nggween paga nen ndaganako mengga kwak, ndareegerak. Ndi, at akwe lombok nen ndareegerak nogo perak, wone yugu paga nen aret ndareegerak.

Nggalatiya 5:11

Ndi, noreewi o. An perak, alom ngge paga piyak-payak ee'nakwi mbakop? An, “Kinagabolo mbaniyak o,” agan nege logonetak en, piyak-payak agago paninetak lek kwe, Yetut eyo karo-karo paga kambeegerak wone yoranet nage logonet, “Kinagabolo mbaniyak lek o,” yinuk, non mbanogo piinet nage paga, inanini nombako logonet piyak-payak ee'nako agaarik o.