Nggalatiya 4:27 - Ala Wone Peenok Peebi Mbanak

²⁷ Ala wone mbanak paga nen ari logonet, “Kwe ogonggelo nen mbo pereegerak nogo aagalogwe ambik lombok wonage, Ndi, kwe ogonggelo warak aagalogwe mbereeluk wonage, eekwi me, At aagaluk ndaka'lek kwe wubili ti, iniki ale'nggen mbake, Kwe enegen paganak yagan waka'lek ti, ale'nggen inikime nggelok ari logonet, keyage wake, Eeke logowak o,” yinuk, yereegerak liiru mbanak nogo ti, nit abet mbakwi apit ninowogolo kwe Tara aret o.

Nggalatiya 4:27 ပူးပေါင်းရင်းမြစ်များ

2 Tamuwen 13:20

Le agan nage nogo oweeluk Abatalom kage nagagerik, at yoge logonet, “Koweeluk Amonon nen kat maluk eeppagagerak kenok, agan wage a? At koweeluk nen aret maluk eeppagagerak kenok, kat nawuluk kiniki ambi koonggak yuurak mage o. Ata, koone lek puk aru o.” Yoge mbareegi, at Tamat nogo oweeluk Abatalom ame time nage nagagerik, iniki puru aago alik aret wonagagerak.

Ndawi 113:9

It kumi wubili iname inalik wonogwe me, Inaagalogwe wogoramenggerak inom logonet, inale'nggen kogo logowak nduk eeppiige, Eeke menggerak o. Aliku ALA tiyappogo logowok o.

Yetaya 49:21

Yogwi iinok, inikime mbake logonet, An ndegeninake logokit nduk aap ta nen apuri yi, ndarogo wo'negerak mbakop? Naagalogwe lek ogogwaarak kenok, niniki puru aago wonage, Ambinom ndaganaka'lek wubili wonage, Keele maarogo piya nogogwaarak iigak nalik aret wonage, Eeke nagagirak kwe, Elege-aabologwe yi, ta nen tawe eeginabeegerak mbakop? Mbo paneegwaarak nalik aret wonagagirak kwe, it yi, ngga nen wagaarak wonogo agaarik o? Yinuk, mbake logomunggun o,” yinuk, yoge kagarak o.

Nggalatiya 4:19

Ai, napuri, kit an niniki kunik me, kumi elege enegen paganak yagan wako mengga kwak, kit Ala apuri arubagip nduk, an kinake yagan wake aret wonagagirak kwe, yogondak kit Keritut obaabut ndak-ndak arubagip nduk, ambinom yagan wake agarik o.

1 Timotiyut 5:5

Kwe ambi togwe aret kwe, aagalogwe nen yeenggwaaga'lek kenok, “Ala nen yeenggwaanege logowak o,” yinuk, iniki Ala paga lunik logonet, ko'lu-kii'me Ala nggino yoge, tamban eeke, eeke menggerak kenok, kwe ti, abe togwe aret o.

1 Tamuwen 2:5

It aa'nduk mbi ndonggorogon nonggo nogogwaarak nogo, Mbi abu nen yabu kwaakwi, Ndi, it aa'nduk mbi abu wonogogwaarak nogo, Yogondak inambi ndonggorogon nunggwi, Eeko agaarik o. Kwe aa'nduk wubili wonagagerak nogo, Yogondak aagalogwe 7 ndaganake kagak kwe, At aa'nduk aagalogwe apit ndaganake nagagerak nogo, Yogondak elege ndake menggim nggilit agaarak wonage o.