Nggalatiya 4:19 - Ala Wone Peenok Peebi Mbanak

¹⁹ Ai, napuri, kit an niniki kunik me, kumi elege enegen paganak yagan wako mengga kwak, kit Ala apuri arubagip nduk, an kinake yagan wake aret wonagagirak kwe, yogondak kit Keritut obaabut ndak-ndak arubagip nduk, ambinom yagan wake agarik o.

Nggalatiya 4:19 ပူးပေါင်းရင်းမြစ်များ

Yetaya 53:11

Andi yagan wappunuk, “Aakumi obeelom eerogo piyaakit nduk, eekirak kagi,” yinuk, iniki ndonggo yigin o. “At eeppereegwaarak paga at iniki abe koonak nayeloman nogo nen, Aap abe o, yinuk, aakumi apit aret obeelom eerogo piige, Inomaluk inoba luurik wonage nogo piyangge, Eerigin o.

Lukat 22:44

Eyak wappege mbareegi, iniki abu puru agan unggwage kagak, abuwa warak nggo-nggo tamban ambinom eereegerak. Eeke kagak, liigak wundeegerak nogo amiya anggen kilirik pogom nggween paga wambit nagagerak.

Oroma 13:14

Kiniki maan mendek nen maluk eeriyak eekkinake kenok, “Niniki nengge yi, noba tayok yuwak nduk, nonggop eeri?” yinuk, koonit nugu logogup o. Ata, kineegin-kinarege li'luk aago monggotak kwak, kinowe Yetut Keritut kiniki me liinik logonet, eerit nogo logonip o.

Oroma 8:29

At Ala nogo nen nit at awuri apit ninowe manggu pogom logowok nduk, nineebe nda'naga'lek niigak, at aput obaabut pogom aruwok nduk, mii'ninake nagagerik, leenogo pinaneegerak.

2 Korindut 12:14

Aa'nduk ne mbere paga kiya wagagirak kwe, yogondak ne ambi inom pekkiya woroorak koongge agarik o. An woroorak ti, aaninggin ambi kinoba pinagakit nduk, woraagin lek o. Elege-aabologwe nen inogobamini inarum wonogolik o. Ata, inogobamini nen aret elege-aabologwe inarum menggaarak me, an kinogoba kinamendek ambi kolaakit nduk, woraagin lek o. Ata, kit kineebe lombok kinabuwa nen aret woraagin.

Epetut 4:13

Ti eeppinaneegerak nogo ti, nit abok aret Ala aput eeke menggerak nineenu ogo logomonggoorik, abet mbakwi paga niniki ambit a'nuk, Keritut iniki mondok koleewak obeelom wonage nogo kokwak, nit togop aret niniki kole eeppinanit wundi wage logowak nduk, unde eeppinaneegerak.

Epetut 4:24

Ala maluk eekeelik obaabut abu abe koonak menggerak nogo kokwak, kit ndak-ndak kinobaabut mondok ngget mendek eerogo pinagawak nduk, yokkiragi o.

Pilipi 1:8

At Keritut Yetut nen kinabuwa mbake logonet, iniki kunik eekkinake menggerak nogo kokwak, an togon kit ninom niniki mondok kunik me, “It iyaakit lak, ao,” kinombake nogo ti, Ala eenu aret o.

Pilipi 2:17

Kit abet mba'nuk kineebe apit Ala wogo'nuk, at ake eerit nogwe nogo ti, Ala ake warogo wogogo mengga kwak aret me, ambinom eerit nogo logobagip nduk, kinake eeke neegak, ndomba warak amiya obaga kilippogo mengga kwak, “An yogondak togop eeppaniyak op aret,” mba'nuk, niniki ale'nggen mbake me, kit togon kiniki ale'nggen mbako logonip o.

Pilipi 2:5

At Keritut Yetut iniki wonagagerak nogo kokwak, kit togop aret logonip o.

Kolote 1:27

Wone alik negen mondok iya lombok eeppinaniyak kagak kumaarak wonagagerak nogo, at Ala nen, “Peebi aakumi endekem konenggulik mendek inom ineenu eeppiyaakit,” mbareegerak nogo, yogondak iluk aret it at apuri ineenu eeppiigerak o. Wone kumaarak wonagagerak eebe nogo ti, Keritut ninom kunik wonogwe nogo aret. Ndi, ninom kunik me, peebi at ninom ndak-ndak tiyanak logowok nduk, eeppinaniyak niniki lunik wonogwe abet aret kola nagun nineenu ee'ninake niniki me wonage nogo ti, Keritut aret o.

Kolote 2:1

It Laworikiya mendek inom, it ando an neebe ineenggo'lek inom, kinom abok aret obeelom mban eeko logobagip nduk, aaninggin tit kagak kwe, kinake nggwiirit-nggwaarit eeke minggirak nogo, kineenu arubagip nduk, yokkiragi o.

Kolote 4:12

Ndi, at kinoreeluk Epaparat inom keyage wappinagage o. At Keritut Yetut ayeloman aret me, kit abet mbareegutak nogo mondok nu'lek porogo logonet, kiniki kole ogwe, ndi, “Ala nen nit eeriyak ninombareegerak nogo yi aret o,” yinuk, abet mbako logonet, eerit nogwe, eekwi kiyaawak nduk, abuwa warak nggo-nggo logonet kinake tamban eeke menggerak o.

Pilemon 1:10

an naput Onetimut awone nogo yokkiri o. An keele maarogo mambiigo menggam yime logonet, an naput negen agagerak me,

Pilemon 1:19

“At Pawulut nen yoga'lek kagak liiru mbanggerak o,” nombake keyo, “An Pawulut nen aret onggo wokkirigin o,” yinuk, wone ambiriluk ti, an neenggi lombok paga aret liiru mbanggigi o. An wone yokkereegirak paga kiniki abet mbareegindak nogo ti, nanomat mbanak pogom koba wonage me, ambi yi inom koba pagakit lak kwe, mbo pigi o.

Iberani 5:7

Maan at Yetut aakumi kwak nggween paga yime nege logonet, kambuurak agabiti nen leenggu maake logonet, oone nggwok paga tamban eeke, “Nagap ndaru o,” yinuk, Ala nggino yoge, eereegerak nogo, ogoba nen yoge kenok aruk konok mban eeke nagagerak me, aput nen tamban eereegerak nogo Ala aruk koneneegerak kwe,

Yakobut 1:18

At nen yi mendek ndi mendek wakkaakit mbareegerak nogo tebenak kagak, it aakumi mban tiyanak logowak nduk, “Aap aa'nduk obeelom eerogo piyaakit o,” yinuk, oone yereegerak nogo paga iniki mbareegerak ndak-ndak eeke logonet, aa'nduk nit aakumi aret obeelom eerogo pinaneegerak.

1 Yaya 2:1

Napuri o. Kit an niniki kunik me, maluk eekwi kiyo, wone yi, liiru mbanggiragi o. Togop kwe, nit ambi nen maluk eekwi niinok, at a'me nggelok eeke menggerak Yetut Keritut nogo nen nit ninake wone wonok ninogoba yori nagak eeke menggerak o.

1 Yaya 2:12

Napuri niniki kunik yi wae. At Keritut eereegerak nogo paga Ala nen kinomaluk lek eerogo pinagareegerak me, Kinake liiru yi, mbanggirage,

1 Yaya 5:21

Napuri niniki kunik yi wa! At Ala alik lombok menggerak nogo mbo punuk, obaane'me alik ambi mippunuk, alut eekwi kiyo, liippogo logonip o. Abu aret yokkiragi o. Napuri wa!

3 Yaya 1:4

Yi mendek ndi mendek eerit nage nogo ti, nale'nggen mbuuluk mbake minggirak kwe, an napuri nogo nen, “Ala ndogop menggerak o,” yinuk, wone woppunuk, mondok ndak-ndak eerit nogwe naruk konengge kenok perak, niniki ale'nggen nggwok lombok mbake minggirak o.