Nggalatiya 4:15 - Ala Wone Peenok Peebi Mbanak

¹⁵ Kiniki ale'nggen ambik eekwi kiyareegirak kwe, yogondak nonggop aga o, noreewi? Nabuwa mbako logonet, “Ninigen kilirogo wogoriyak op nen, wogoruwok lak ao,” nombakwi kiyareegirak kwe,

Nggalatiya 4:15 ပူးပေါင်းရင်းမြစ်များ

Lukat 8:13

Ndi, yugum eeri paga wambit nagagerak nogo ti, it aakumi Ala wone konembunuk, inale'nggen logonet, Ala wone waganggo nagaatik, luulu abet mbakwi kwe, inikime awi liirogon yakkoloolik me, peebi iniki abut mbangge eyom paga mbo pogo menggaarak nogo aret o.

Oroma 10:2

It nen Ala wone iniki aganggen kerek togon mugurok nogo logonet, eekwi kwe, wone eebe liippunuk eeka'lek iinok, yokkirage agarik o.

Oroma 15:13

“Niniki lunik wonogwe nogo kola nagun aret,” mbarubagip nduk, Aberiniki omaawi paga kiniki kole eeppinagit unggwage kagak, kiniki at oba panggombunuk, abet mbareegutak paga kiniki lunik wonogwe alom unde Ala nogo nen kinale'nggen lombok logobagip nduk, eeppinagage, ndi, wone ambi kinoba aga'lek kiniki abu tayenak lombok logobagip nduk, eeppinagage, eeke logowak o.

Oroma 5:2

Ala iniki kunik nen onggo lek we aret obeelom eeppinaneegerak niniki abet mbakwi paga kologogurak wonogwe nogo ti, nit kolaawok nduk koonogo pinaneegerak ninowe Yetut Keritut nogo aret o. Ala tiyanak menggi kwak, nit togop ndak-ndak tiyappinaniyak niniki lunik logonet, ale'nggen mbako ogoorik o.

2 Korindut 8:3

It nen, “Nit ti kuli kuwak eeriyak ninobam o,” mbakaarak nogo mban kuwak eerulik o. Ata, “Ti kuli kuwak eeriyak meek,” mbakaarak nogo kagak ambinom mondok iya tit kuwak eekaarak naruk konenggirak me, yokkiragi o.

Nggalatiya 3:14

Ti eereegerak nogo ti, nit abok aret niniki abet mbakwi paga Ala nen “Aberiniki wokkiraagin o,” yinuk, abok yo'niragagerak nogo, waawok nduk, Ala nen, “Nale'nggen koba pagagin o,” yinuk, Abarakam yoreegerak nogo ti, Keritut Yetut eeremenggerak paga it aakumi endekem konenggulik mendek ninom niniki ale'nggen mbaruwok nduk, eereegerak kogo o.

Nggalatiya 4:14

Andi ee'nabeegerak paga neebe abu maluk me, “Anggon lombok ndegeniyak yi, nineebi a,” yinuk, nogole nen mbo paniyak op aret kwe kagak, “Yi Ala nappiige menggerak malayikat kwak, yi Keritut Yetut kwak,” nomba'nuk, neebe wo'nako nogogutik, ndegennako nogogutak nogo o.

Nggalatiya 4:16

yogondak kit eeko monggotak an paganogo yokkirage paga kinawim negen ogoorogo panugwi kiigi o.

Nggalatiya 4:19

Ai, napuri, kit an niniki kunik me, kumi elege enegen paganak yagan wako mengga kwak, kit Ala apuri arubagip nduk, an kinake yagan wake aret wonagagirak kwe, yogondak kit Keritut obaabut ndak-ndak arubagip nduk, ambinom yagan wake agarik o.

Nggalatiya 5:22

Togop kwe, eyoonggen abe yi'nage menggi kwak, Aberiniki ninikime logonet, eerit nogo monggoorak nogo yi o. Aakumi inabuwa mbakwi, niniki ale'nggen mban mbakwi, niniki ugun tayenak wonogwe, niniki aanaganggenggwi lek kwi'ndak wonogwe, ninobaabut abu obeelom wonogwe, aakumi obeelom eeppiinet nugwi, liippunuk mban eerit nogwe,

Nggalatiya 6:4

Kit ambi nen at ambi eeke wakkagak eeko logogup o. Ata, kinalitak lombok eeko monggotak nogo wakkaanuk, op kenok kiniki ale'nggen mbakwi, ndi, maluk kenok mbo pugwi, eeko logonip o.

Kolote 4:13

It aakumi o Laworikiya mendek inom, o Kiyerapolit mendek inom, kinom eeppinagarak iniki kinoba mondok aberak wonage kage minggirak me nduk, yokkiragi o.

1 Tetalonika 2:8

Kinabuwa lombok mbako logonet, kit niniki kunik eekkinabeegurak me, obeelom wone ti mban yokkiroorak mbarulik o. Ata, kinake lombok kambuurak kenok perak, op aret mbareegurak.

1 Tetalonika 5:13

It eerit nugwi ti paga kit kiniki kunik eeginako logonet, tiyappiigo logobagip nduk, yokkirogo. Kit kiniki ambit lambunik logonip o.