Nggalatiya 4:12 - Ala Wone Peenok Peebi Mbanak

¹² Kit nen an maluk eeppaneegutak kenok, yokkirage lek kwe, wone yugu liiru mbanak nogo, kineenggo'lek logonet, abet mba'nuk Ala apuri ogogutak nogo kwak, an togon, wone ti mbo punuk, abet mba'nuk Ala aput agagirak me, yogondak an eeke nogo kit ndak-ndak eeko logobagip nduk, noone nabek togon yokkiragi o.

Nggalatiya 4:12 ပူးပေါင်းရင်းမြစ်များ

Wakkagagerak 34:15

ambi eekwi kiinok, E, yuurak nogo ti, nit ninagabolo mbanak ndak-ndak kit aap tigitogon kinagabolo mbanggwi kiinok perak, nit nen, E, yuurak op aret o.

1 Endagembogut 22:4

Nage mbareegi, Akap nen Yotapat nogo yoge logonet, “Kat nimbirak o Aramot-Nggileyat time wim namburi noorak op aret ilik?” Yoge mbareegi at Yotapat nogo nen Iterali inowe endagembogut onggo yoge, “An nawuri inom, kat kawuri inom, an naguda inom, kat kaguda inom, ndak-ndak aret wonogwe me, kat an nimbirak lambumbunuk, wim eeri noorak op aret o.”

Nappiigak 21:21

It aakumi nen, Lek o! At Pawulut nen, it Yakuri mendek kumi-aap endekem mendek inenggela'me menggaarak nogo mamunirage logonet, At Muta nen yereegerak wone nogo mbo pinip o, ari logonet, Kit kinapuri inagabolo mbanggwi, it aap Yakuri eeko menggaarak nogo eekwi, eerugup, yorage menggerak o, yinuk, yoranet nugwi nogo inaruk konenggaarak o.

2 Korindut 2:5

At aap maluk eereegerak paga nit niniki wakkologwe nogo ti, an nalik mban lek o. Nit abok aret maluk eeppinaneegerak o. Ndi, “Nit abok aret maluk eeppinaneegerak,” yuurak meek kenok, kit ando nen, “Maluk eeppinaneegerak kenok, niniki wakkologwe o,” yuurak op aret me, yokkiragi o.

2 Korindut 6:11

Kit Korindut mendek yi wae. Nit niniki ee'ninake nogo ambi teppega'lek abok aret paganogo yokkirogo o.

2 Korindut 6:13

Togop me, kit nit niniki kunik kinombakwi kwak, kit ndak-ndak ninombako logonet, eekkinake nogo abok aret paganogo yo'niroorak nduk, kit napuri an kinogoba negen logonet yokkiragi o.

Nggalatiya 2:14

Ndi, an togon Ala nen abet aret yereegerak obeelom wone yugu kagak alik eerit nugwi iige nagagirik, it apit inenggaanom paga Peterut yoge logonet, “Kat aap Yakuri mendek aret kwe, it Yakuri mendek eeko mengga kwak eeka'lek logonet, it endekem mendek eeko menggaarak nogo op aret eekendak kwe, yogondak it endekem mendek nen it Yakuri mendek eekwi kwak eeko logowak nduk, nonggop nduk mamunirage agandik o?” yinuk, enggali wappereegirak.

Nggalatiya 4:11

an kinake eeke nagagirak nogo ti, “We aanom warogo eeke nagagirak kulik?” mba'nuk, niniki aaninggin ee'nake o, noreewi.

Nggalatiya 4:13

An andi ee'nabeegerak me, kinenggela'me ninom logonet, iyaalok togon wone obeelom wone yokkirage nagagirak nogo kineenu aret o.

Nggalatiya 6:14

Ndi, an perak, ninowe Yetut Keritut eyo karo-karo paga kambeegerak wone nogo abet mba'nuk, waganeegirak ti paga, it nggween paga mendek nen eeko menggaarak ti, aap kanggaatak inoone yogolik nogo pogom me, it eekwi nogo an ambi eeke logokit nduk, yo'niriyak meek aret o. Ndi, an kunduk kambeegirak negen aret me, it nen an yo'nugwi nogo kunduk, koneniyak meek me, an eeke minggirak paga wogoppatiyak lek o. Ata, ninowe Yetut Keritut eyo karo-karo paga kambeegerak wone nogo mban tiyappege agarik o.

Nggalatiya 6:18

Ninowe Yetut Keritut iniki kunik en eeppinagage logonet, kinarum aret logogin o. Wone ti abu aret yokkiragi o. Noreewi wa.