Nggalatiya 3:24 - Ala Wone Peenok Peebi Mbanak

²⁴ Togop me, Keritut wage kenok, “Kit abet mbakwi paga, kinoba lek o, yinuk, obeelom agago pinagarak,” yo'niraawak nduk, wone Muta yoreegerak nogo nen we luulu aret ninarum wonagagerak kwe,

Nggalatiya 3:24 ပူးပေါင်းရင်းမြစ်များ

Oroma 10:4

At Ala nen Muta yoreegerak wone nogo at Keritut nen a'me lik togon agago pereegerak me, nit aakumi abok niniki Keritut oba panggombunuk abet mbakwi niinok, obeelom agago pinanege menggerak.

Oroma 9:30

Ti kenok, nit wone ngge yuwok o. It endekem konenggulik mendek nogo at Ala nen obeelom agago piyaawak nduk eekkologo logolik o. It abet mbareegwaarak paga obeelom agago piyareegerak kwe,

1 Korindut 4:15

Kinarum logonet, Keritut eeke nagagerak wone mamunggirogo logorak nogo, ineebe apit sepuluh ribu negen logorak op aret kwe, abok kinogobamini lek o. Keritut Yetut nen nappaneegerak kinenggela'me logonet, obeelom wone iyaalok yokkirage nagagirak nalik aret me, kinogoba an nalik aret o.

Nggalatiya 2:16

Ala nen wone Muta yoreegerak nogo ndak-ndak eekwi niinok, “Aap yi, oba lek o,” yinuk, obeelom agago pinanigin lek o. Ata, Keritut Yetut abet mbakwi nogo paga, “Aap yi, oba lek o,” yinuk, obeelom eeppinanege menggerak nineenu me, nit togon Keritut Yetut abet mbareegurak o. Wone Muta yoreegerak nogo eekwi paga, “Aap yi, oba lek o,” yinuk, obeelom agago piyaagin lek me, nit Yakuri mendek kunduk, obeelom agago pinanuwak nduk, wone Muta yoreegerak nogo eekwi lek o. Nit togon, Keritut abet mbareegurak aret o.

Nggalatiya 2:19

wone Muta yoreegerak kagak alik eereegirak paga noorogo paneegerak kambeegirak negen me, yogondak, “Yogop ee'nu, ndogop ee'nu,” yo'nege nogo, an koneniyak mondok meek o. An Ala ake mban neenik agarik o.

Nggalatiya 3:25

niniki abet mbakwi paga woorak nogo, muk kin ari wagagerak me, yogondak wone Muta yoreegerak nogo ninarum wonogwe lek o.

Kolote 2:17

Ti eekwi nogo ti, peebi abe eeppinaniyak we ogut negen eeko nogogwaarak nogo, eebe muk eeppinaneegerak kagak eekwi me, tiyappugup o. Yogondak niniki ale'nggen eeppinaniyak eebe nogo ti, Keritut aret me, at mban tiyappogo logonip o.