Nggalatiya 3:18 - Ala Wone Peenok Peebi Mbanak18 Ala nen eeppinaniyak Abarakam abok yoreegerak nogo, peebi wone Muta yoreegerak eekwi paga eeppinaniyak mba'netak en, aa'nduk at Abarakam ti, yo'netak lek kwe, iniki kunik eeke logonet, yoreegerak me, abet mbakwi niinok woorak nduk, yoreegerak kogo o. အခန်းကိုကြည့်ပါ။ |
Nggalatiya 3:18
14 ပူးပေါင်းရင်းမြစ်များ
Ndi, nit at apuri kenok, aap ambi kangge logonet, eyate apuri unde eeppiige menggi kwak, Ala nen at apuri unde eeppiyoorak koonogo pereegerak nogo nit aret koloorak me, Keritut ninom ndak-ndak aret kologo logogun o. Ndi, at Keritut piyak-payak eerogo pugwi iigak wagangge nagagerak nogo kokwak, nit ti ndak-ndak waganggwi niinok, at tiyappereegerak nogo kokwak, nit togon togop aret tiyappinanigin o.
Wone Muta yoreegerak nogo, nit eekwi paga, “Aap yi, oba lek o,” yinuk, obeelom eerogo pinaniyak op mba'netak en, Keritut we aanom warogo ninake kambeegerak mba'netak o. An mbo pereegirak nogo obaane'me eeke paga Ala iniki kunik en eeppinaniyak kooneegerak nogo, meek eerogo pukwak, an togop eerigin abu lek o, noreewi.
Ala nen ari logonet, “Aap ambi eeko logorak wone yugu liiru mbanak yi, porogo logonet, liirogon eeka'lek kenok, at pulinik aret logowak o,” yinuk, yereegerak liiru mbanak ndak-ndak it aakumi nen, “Nit obeelom agago pinanuwak nduk, wone Muta yoreegerak nogo ndak-ndak aret eerit nogo logowok o,” yinuk, wone ti paga iniki panggombunuk eeremenggaarak kwe, ndak-ndak eeriyak meek kenok, pulinik aret me, kambit nogo logogun aret kogo o.
Eeko logorak wone yugu liiru mbanak panggombunuk, “Obeelom eerogo pinaniyak o,” yinuk, eekkoloorak wone ti, abet mbakwi paga ee'ninaburak wone ndak-ndak lek alom alik aret kagak kwe, “Eeko logorak wone nogo it mondok porogo logonet, liirogon eerit nugwi paga ineenik aret logogun o,” yinuk, liiru mbanak me, aap ambi wone ti, abu ndak-ndak eeke kenok, at abet aret eenik logogin o.
ကြော်ငြာတွေ