Nggalatiya 3:12 - Ala Wone Peenok Peebi Mbanak

¹² Eeko logorak wone yugu liiru mbanak panggombunuk, “Obeelom eerogo pinaniyak o,” yinuk, eekkoloorak wone ti, abet mbakwi paga ee'ninaburak wone ndak-ndak lek alom alik aret kagak kwe, “Eeko logorak wone nogo it mondok porogo logonet, liirogon eerit nugwi paga ineenik aret logogun o,” yinuk, liiru mbanak me, aap ambi wone ti, abu ndak-ndak eeke kenok, at abet aret eenik logogin o.

Nggalatiya 3:12 ပူးပေါင်းရင်းမြစ်များ

Nekemiya 9:29

Eeko logorak wone lengganogo yorage nagagindak mbo pereegwaarak nogo, yungguninuk mugurok nawak nduk, kurumbi yorage keegak kwe, iniki wogoppako logonet, Yogop ee'nu ndogop ee'nu, yoragagindak nogo, Eeriyak nineebi o, yinuk, yogwe, ndi, eeko logorak wone nogo eekwi iinok, ineenik logorak op kwe, taganogo punuk, maluk eerit nogwe, inanobak yugum pogom a'nuk, koone koneniyak, Nineebi o, yinuk, inogogumbuk logonet, inambokan mbo pagagwi, eereegwaarak wonogwe iigak,

Yetikiyen 20:11

Piya wagagirak wonogwe iigak, wone lengganak inom, nawone yugu inom, eekwi iinok, ineenik aret logogun me, ineenik logowak nduk, wone lengganogo yorage, eeko logorak wone nogo yorage, eereegirak o.

Yetikiyen 20:13

Ti eereegirak kwe, it aakumi Iterali o karume nen an yorage nogo eeriyak ineebi mbakwi, noone yoragatak eekwi iinok, ineenik logogun kwe, kagak wone lengganogo yoragagirak nogo taganogo pugwi, eeko logorak wone yoragagirak nogo mbo pugwi, ndi, nogo 6 yippunuk, ko'lu paga yonggonggologo logorak leenogo pateegirak kunduk, maluk eerogo pugwi, eereegwaarak. Eeko mbareegwa, o karume time aret nanini mondok nggwik togon inoba kwippiinok, ineebe lek eerogo piyaakit kooneegirak kwe,

Ala Unde 18:5

Naliku ALA an aret me, wone lengganogo yorage nogo inom, eeko logorak wone nogo inom, it mondok porogo logonet, liirogon eerit nugwi paga ineenik aret logogun o.

Matiyut 19:17

Yoge mbareegi, Yetut nen, “At ambiret mban obeelom menggerak nogo kagak, nonggop nduk, Obeelom mendek ngge eeri, yinuk, an kin wo'neege agandik? Keenik mondok mendek kolaakit, mbake keenok, Yogop ee'nu, ndogop ee'nu, wone yugu nogo aret mondok ndak-ndak eeke logot o.”

Oroma 11:6

Ala nen miirinabeegerak nogo ti, it obeelom eekwi iinok, miirinabulik o. Ata, inabuwa nen miirinabeegerak. At Ala nen miirinabeegerak nogo ti, it obeelom eereegwaarak paga miirinabenetak en, inabuwa nen miirinabeegerak nogo ti, pilit aret mba'netak.

Oroma 4:14

Ala nen Abarakam abok yoreegerak wone nogo, Ala nen Muta yoreegerak aakumi nen eekwi nogo, unde eeppiyanetak nen, it abet mbakwi paga unde aruwok mbakwi nogo ti, we aanom warogo aret mbako logonetak. Ndi, Ala nen abok yoreegerak wone nogo, ti kunduk we aanom warogo aret yoreegerak mbako logonetak.

Oroma 4:16

Togop me, it aakumi Muta yoreegerak wone nogo woppunuk eeko menggaarak inom, ndi, at Abarakam iniki abet mbareegerak kwak, it abet mbakwi inom, nit abok ninombo Abarakam aret me, Ala nen abok yoreegerak woorak ti, at ombowologwe nit eekwi paga lek o. Ata, “Abet mbakwi paga Ala iniki kunik en onggo lek we aret unde eeppinanege kagi,” mbaruwok nduk, yoreegerak.

Oroma 7:10

At Muta wone yoreegerak nogo nineenik logorak nduk, yoreegerak kwe, an perak, wone ti paga nen mondok noorogo negen paneegerak.