Nggalatiya 3:10 - Ala Wone Peenok Peebi Mbanak

¹⁰ Ala nen ari logonet, “Aap ambi eeko logorak wone yugu liiru mbanak yi, porogo logonet, liirogon eeka'lek kenok, at pulinik aret logowak o,” yinuk, yereegerak liiru mbanak ndak-ndak it aakumi nen, “Nit obeelom agago pinanuwak nduk, wone Muta yoreegerak nogo ndak-ndak aret eerit nogo logowok o,” yinuk, wone ti paga iniki panggombunuk eeremenggaarak kwe, ndak-ndak eeriyak meek kenok, pulinik aret me, kambit nogo logogun aret kogo o.

Nggalatiya 3:10 ပူးပေါင်းရင်းမြစ်များ

Wakkagagerak 4:11

Yoge nagagerik, “Kat kawuluk wakendak amiya kiluk togon nggween paga wanggerak kenok, pulunogo pakendak me, nggween nogo ambe a aago wonage me, at amiya nen ambe ndoongge kagak abe yarogo nengge logomunggun lek o.

Yetaya 43:28

Inoweewi nawi wurik me eeko menggaarak nogo inendage maluk eerogo piige, It Yakup mendek inenggaawak lek eerogo piyaawak nduk, koonogo pege, Ndi, it Iterali mendek meek eerogo piyaawak nduk, eeppiige, Eerigin o,” yinuk, yegerak me, yokkiragi o.

Yeremiya 11:3

it Iterali inogoba Naliku Ala nen ari yi, yorage, eeriyak nogo yi aret. It kombomini o Metit paga mbuti worako menggam kwak wonogwe me nen wogoren wundi wa'nuk, it yorage logonet, An nen, Yogop ee'nu ndogop ee'nu, yokkirage yi, kinaruk liirogon konembunuk, ndak-ndak eekwi kiinok, kit an napuri aret ogwe, ndi, an kit kinogoba aret age, eerugun o.

Yeremiya 32:23

unggwi wogo nogogwaarik, unde eeppatinuk wonogo logonet kwe, kat koone yorage menggendak nogo inaruk konembunuk liirogon eekwi, koone yugu mugurok nogwe, Yogop ee'nu ndogop ee'nu, yorage nagagindak nogo eekwi, eeka'lek iinok, aaninggin-paaninggin yi, inoba kwippiige agandik o.

Yetikiyen 18:4

It aakumi iniki abok aret an unde minggirak o. Inogobamini iniki kunduk, inapuri iniki kunduk, an mban unde minggirak. It maluk eekwi nogo inobaalombok aret kambugun o.

Matiyut 25:41

Yorage logominggirik, ti'nuk, it neenggi kwaare'nggan piyaminggirak nogo yorage logonet, Kit Ala nen pulunogo pinagareegerak yi, an mbi abu ee'nake me, mbi wo'nugwi, yi abu ee'nake me, yi too'niri nogwe, aap nggiru me, wo'nakwi, nayum yirik lek me, nayum yippanugwi, andi warak keele maarak me, pe'neya nogwe, ee'nako logolik me, yime nen wundi nogo logomonggotik, at Ibilit inom, at awuri apit inom, kani omoonuk wunuk mban ari menggim an nogoba nen ogobakkigirogo piyareegim nogome aret nanip o, yinuk, yoraagin o.

Oroma 4:15

Ala wone yugu liiru mbanak wonage ti paga nen, Ala anini ninoba pinanege, kogo monggoorak kwe, wone yugu ambi lek logonetak en, “Maluk eekendak o,” yinuk, yo'niraga'lek aret logonetak.

Oroma 6:23

Maluk eekwi onggo ti, kanggwi aret kwe, at Ala nen onggo lek we wo'niragagerak ti, ninowe Keritut Yetut ninom kunik logonet, nineenik mondok-mondok logorak ti aret o.

2 Korindut 3:7

Eeko logorak wone ninoorogo pinanege menggerak wone yugum paga ayo wogo Muta unde wonagagerak nogo, we mbuuluk iya me, Muta etenggen we luulu ndelenak-welenak aago logonet, wonok wambi wage mbareegi, aakumi Iterali mendek liirogon pekkoorak meek agagerak kwe,

Nggalatiya 2:16

Ala nen wone Muta yoreegerak nogo ndak-ndak eekwi niinok, “Aap yi, oba lek o,” yinuk, obeelom agago pinanigin lek o. Ata, Keritut Yetut abet mbakwi nogo paga, “Aap yi, oba lek o,” yinuk, obeelom eeppinanege menggerak nineenu me, nit togon Keritut Yetut abet mbareegurak o. Wone Muta yoreegerak nogo eekwi paga, “Aap yi, oba lek o,” yinuk, obeelom agago piyaagin lek me, nit Yakuri mendek kunduk, obeelom agago pinanuwak nduk, wone Muta yoreegerak nogo eekwi lek o. Nit togon, Keritut abet mbareegurak aret o.

Pelaareegerak 27:26

Aap ambi eeko logorak wone yugu yi, porogo logonet, liirogon eeka'lek kenok, at pulunik aret logowak o, yogwe iinok, It aakumi abok nen, Abet aret o, yogwe, eeko logowak o,” yinuk, yoragagerak.

Pelaareegerak 29:20

Ndi, aap togop eerigin nogo ti, at Aliku ALA nen omaluk lek eerogo pigin mondok lek aret o. Ata, Aliku ALA nen, Aap ti neebi o, yinuk, anini kani omoonuk negen at oba pege logomenggerik, pulunogo piyoorak wone mbuku yi paga liiru mbanak wonage nogo abok aret at oba kwippege logomenggerik, endage o nggween paga yime nen lek eerogo pigin o.