Nggalatiya 2:20 - Ala Wone Peenok Peebi Mbanak

²⁰ An Keritut nimbirak eyo karo-karo paga nabenogo paneegwaarak me, kambeegirak. Ndi, yogondak eerit nage minggirak nogo ti, an nomaawi paga lek o. Ata, Keritut omaawi eeppanege kagak eerit nage minggirak me, an nggween paga yime neegak, at Ala aput nabuwa mba'nuk, nake kambeegerak me, at abet mbake logonet, niniki at oba panggombunuk, eerit nage agarik o.

Nggalatiya 2:20 ပူးပေါင်းရင်းမြစ်များ

Ndawi Iya 7:10

An neebe ti, at niniki kunik eeke ake wonage, Ndi, at nen neebe uugwe lombok nombake, Eeko monggoorak o.

Matiyut 4:3

Mbi abu eereegerak wonage me, at aakumi iniki nggagangge menggerak nogo nen wage nagagerik, Yetut yoge logonet, “Kat Ala aput keenok, yugum yi, mbi aruwak nduk, yoru nda!”

Yaya 1:49

Yoge mbareegi, at Natanayen nen, “Ngguru wae. Ala aput aakumi Iterali inowe endagembogut kat aret keegi o.”

Yaya 10:11

Ndomba obeelom ndegeninaka ti, an aret o. At ndomba obeelom ndegeninaka nogo nen andomba inake kambikit mbake menggerak kwe,

Yaya 15:13

Aakumi nen inoreewi we iniki kunik eeginakwi ti, meek negen kwe, aap ambi nen oreewi inagap ndarogo inake kangge kenok perak, oreewi mondok iniki kunik nggwok lombok mbake logonet, eeke me, iya tit mbariyak o.

Yaya 17:21

It abok aret inom iniki ambit logowak nduk, inake tamban eeke agarik o. Ai, nogoba! Kat nen an kiniki kunik, ndi, an nen kat niniki kunik monggo kwak, it nit ninom niniki ambit kunik wonogwe niinok, it aakumi o nggween paga yime menggaarak nogo nen kat nappani wagagindak abet nombaruwak nduk, it kapuri yi, inake tamban eeke agarik o.

Yaya 3:16

At Ala nen yi aap ndi aap abok inabuwa nggwok lombok mbareegerak me, at aput ambolom ndarak an aret nappani wogoragagerak. Togop me, it aakumi iniki noba panggombunuk, abet nombakwi iinok, lek eerogo piyaagin lek ineenik mondok-mondok aret logogun o.

Yaya 3:35

Ogoba nen aput iniki kunik menggerak me, yi eekak ndi eekak apit aret at eeke logowak nduk, unde eeppereegerak.

Yaya 6:57

At eenik menggerak nogoba nogo nen nappani wage nagagerik, at eeppanege paga an neenik minggirak nogo kokwak, kit ambi nen an neebe nunggwi kiinok ti, an nen eekkinake paga kineenik aret logomunggup o.

Yaya 6:69

Nit niniki koba panggombunuk, abet kombako nogoorik, at ambi kikak nakeelik abu obeelom mban menggerak Ala nen nappi wagagerak nogo, kat aret keegoorak o.”

Nappiigak 8:36

Yorit imbirak tu paga nogo logonet, niyo ambi wage me ari nogo nogogwaarik, aap nogo nen, “Niyo yi ket o. An yiime wuppaniyak meek mbaken a?” (

Nappiigak 9:20

ti'nuk, “Yetut ti, Ala aput aret o,” yinuk, it aap Yakuri tamban eeko menggam lombok wone nogo yoranet nege nagagerak.

Oroma 1:17

“Aap ambi abet mbake kenok, Ala nen obeelom agago pemenggerak me, eenik aret logogin o,” yinuk, yereegerak liiru mbanak nogo ndak-ndak, Ala nen nonggop togon aakumi iniki koonogo obeelom eeginake menggerak nogo, wone obeelom wone ti paga aret nineenu age menggerak. Ala nen aakumi obeelom eeginake nogo ti, abet mbakwi ti paga mban aret o.

Oroma 14:7

Nit ninake nen nineenik wonogwe, nit ninake nen kanggwi, eekulik o.

Oroma 3:22

Ata, Yakuri mendek inom, endekem konenggulik mendek inom, ambi iya, ambi meek lek, ndak-ndak aret me, it abok aret iniki Yetut Keritut oba panggombunuk, abet mbakwi paga mban obeelom agago piige menggerak.

Oroma 4:25

At Yetut nogo ti, nit Ala oone taganogo punuk, yiluk-maluk eekwi niinok, waruwak nduk punogo pege, ndi, “Kit aap yi, kinoba lek obeelom aret kiigi o,” yinuk, yuwak nduk, eenik eerogo mippege, eereegerak o.

Oroma 5:2

Ala iniki kunik nen onggo lek we aret obeelom eeppinaneegerak niniki abet mbakwi paga kologogurak wonogwe nogo ti, nit kolaawok nduk koonogo pinaneegerak ninowe Yetut Keritut nogo aret o. Ala tiyanak menggi kwak, nit togop ndak-ndak tiyappinaniyak niniki lunik logonet, ale'nggen mbako ogoorik o.

Oroma 5:6

Nit ninagap ndakkoloorak abu meek tit niigak, Ala nen, “Ti eyom paga Keritut waruwak o,” yinuk, koonogo pereegerak nogo eyom a'me lik yi nage mbareegi, nit maluk eeko monggoorak ninake aret kambeegerak.

Oroma 5:8

at Ala nen perak, nit maluk eekwi niigak, Keritut ninake kambeegerak ti paga Ala nen ninabuwa nggwok togon mbake menggerak kogo ogoorik o.

Oroma 6:13

Ndi, “Maluk eeriyak ee'ninake nogo, nineenggi-niniyok paga eeriyak op aret o,” yinuk, wondet agago mbo pugup o. Ata, aakumi kanggaatak ineenik agago mippiigo mengga kwak, kit togop aret ogogutak me, obeelom mban eerit nogo logobagip nduk, kineenggi-kiniyok abok aret Ala mban wogo'nuk logonip o.

Oroma 6:8

At Keritut kanggo menggam nen eenik agagerak me, peebi kambigin mondok lek o. At kangge logonet, kanggwi alom nogo omaawi lek eerogo pereegerak nogo paga, peebi kambigin lek nineenu me, nit Keritut ninom abet aret kambeegurak mbakwi kenok, peebi at ninom nineenik logogun abet aret mbako ogoorik o.

Oroma 8:10

Ndi, Keritut kinikime wonage kenok perak, maluk eeko monggotak paga kinagabolo abet aret kambumunggup kwe, Ala nen obeelom agago pinagamenggerak paga, Aberiniki nen kineenik eekkinake logogin o.

Oroma 8:37

Ti abok aret eeppinanit wogwe iigak, Keritut ninom kunik lombok wonogwe ti paga, inawim tebenogo piinok, ineegin tiyak ari ti, iya negen kwe, nit perak, waka'ngget mondok tiyanak aret wonogo ogoorik o.

1 Korindut 6:17

Aap ambit-ambi ninowe imbirak kunik wonage kenok perak, imbirak iniki ambit aago wonogwe o.

2 Korindut 1:24

“It wone yi, abet mba'nuk, waganggo logowak o,” yinuk, lengganogo yokkiroorak nduk, woroorak mbarulik. Ata, kit kiniki abet mbakwi nogo, mondok nu'lek wonogwe me, kit abet mba'nuk, kiniki ale'nggen mbuuluk kogwe nogo nggwok lombok kaabagip nduk, eeppinagi woroorak mbareegurak o.

2 Korindut 10:3

Nit nggween paga yime nugu monggoorak ti abet aret kwe, it nggween paga mendek eeko menggaarak nogo kokwak, nit ambi kolaawok nduk, eerit nogwe abu lek o.

2 Korindut 11:10

“Namendek nalik nen eerogo nenet nage logonet, an iya eeke agarik,” mbake nogo, it o Akaya enaagan-ambokan menggaarak nen, “Ti eeke mage o,” yo'niriyak mondok lek aret o. An Keritut wone waganeegirak paga pilit yuurak lek me, abet aret yagi o.

2 Korindut 13:3

“Keritut nen yoge kagak yo'nirage menggerak nit abet mbaruwok nduk, ambi eeke kaawok o,” yinuk, nombako monggotak nogo, an kiya wage logominggirik, ninom wonogwe niigak, Keritut nen meek negen eeppinagagin lek o. Mondok iya lombok eeppinagage kaamunggup o.

2 Korindut 13:5

Kit abet mba'nuk, waganeegutak nogo aret mugurok nogwe ilik, lek a, nogo kinalitak lombok liippatinuk, kinabut mbanggologo logonip o. Kinabut mbanggologo logomonggotik, “Op aret mugurok nage kagi,” mbakwi kenok, “Yi Keritut Yetut ninikime wonage me eeke kagi,” mbarumunggup o. Ndi, “An mugurok nage lek kagi,” mbakwi kenok perak, “Yi Keritut ninikime lek aret kagi,” mbarumunggup o.

2 Korindut 5:14

At ambi nit aakumi abok ninobaane'me kambeegerak nogo paga nit abok at ninom kunik me, ninom aret kambeegurak. Ndi, “Nit abok ninobaane'me kambeegerak nogo ti, nit ninobaalombok mban eerit nugu logowok nduk, kambulik o. Ata, at ninake kangge mbareegi, eenik agago mippereegerak nogo, ake eerit nugu logowok nduk, ninobaane'me aret kambeegerak kogo,” yinuk, Keritut iniki kunik lombok ee'ninabeegerak me, eereegerak wone ti, nit puk aga'lek yoragak mban eeriyak ee'ninake agaarik o.

Nggalatiya 1:4

O yogondak yi paga, it aakumi nggween paga mendek nen maluk mban eerit nogo menggaarak nogo, ninom eekwi niyo, ndinogo wo'ninabikit nduk, at ninogoba Ala mbareegerak nogo ndak-ndak, nit maluk eekwi niinok, ninowe Yetut Keritut nen, “Inake kambikit o,” yinuk, ninake kambeegerak.

Nggalatiya 2:16

Ala nen wone Muta yoreegerak nogo ndak-ndak eekwi niinok, “Aap yi, oba lek o,” yinuk, obeelom agago pinanigin lek o. Ata, Keritut Yetut abet mbakwi nogo paga, “Aap yi, oba lek o,” yinuk, obeelom eeppinanege menggerak nineenu me, nit togon Keritut Yetut abet mbareegurak o. Wone Muta yoreegerak nogo eekwi paga, “Aap yi, oba lek o,” yinuk, obeelom agago piyaagin lek me, nit Yakuri mendek kunduk, obeelom agago pinanuwak nduk, wone Muta yoreegerak nogo eekwi lek o. Nit togon, Keritut abet mbareegurak aret o.

Nggalatiya 3:11

“It aap iniki abe koonak nogo perak, abet mbakwi ti paga, ineenik aret logogun o,” yinuk, yereegerak liiru mbanak ti paga, wone Muta yoreegerak ndak-ndak eekwi paga Ala nen, “Aap yi, oba lek o,” yinuk, obeelom eerogo piyaagin lek nineenu aret o.

Nggalatiya 5:24

Nit Keritut Yetut apuri kenok, niniki maan mendek paga nen maluk eeriyak niniki nengge nogo, mondok warogo tebenogo punuk wonogo ogoorik o.

Nggalatiya 6:14

Ndi, an perak, ninowe Yetut Keritut eyo karo-karo paga kambeegerak wone nogo abet mba'nuk, waganeegirak ti paga, it nggween paga mendek nen eeko menggaarak ti, aap kanggaatak inoone yogolik nogo pogom me, it eekwi nogo an ambi eeke logokit nduk, yo'niriyak meek aret o. Ndi, an kunduk kambeegirak negen aret me, it nen an yo'nugwi nogo kunduk, koneniyak meek me, an eeke minggirak paga wogoppatiyak lek o. Ata, ninowe Yetut Keritut eyo karo-karo paga kambeegerak wone nogo mban tiyappege agarik o.

Epetut 3:17

Kit abet mbakwi kiinok Keritut kinikime ye mbanggola unggwage, ndi, eyo omanggen nggween kole paga wuraketak nu'lek menggi kwak, kit togop aret kiniki nu'lek logonet, aakumi kinom kiniki kunik aganakwi, eeko logobagip nduk, kinake tamban eeke minggirak.

Epetut 5:2

Ala ake warogo kani kunggwi iinok, Ala nen obari obeelom kage menggi kwak, at Keritut ninabuwa nen, “Inake kambikit,” mba'nuk, ninake kambeegerak nogo ndak-ndak, nabuwa-kabuwa mbako logonet, at ambi obeelom eeppegak eeko logonip o.

Epetut 5:25

Ndi, kit aap yi wae. Kit kinakuwi warak kenok, Keritut nen nit Ala apuri yi awi ndi awi monggoorak nogo, ninabuwa mbake logonet, “Inake kambikit o,” yinuk, ninake kambeegerak nogo kwak, kit kinakuwi togop aret inabuwa inombako logonet, obeelom eeppiigo logonip o.

Pilipi 1:21

Neenik logorak kenok ti, Keritut ake aret o. Ndi, kambuurak kenok ti, an ambi kola noorak me, neenik logorak kenok, kambuurak kenok ti, op mban aret o.

Pilipi 4:13

Keritut nimbirak kunik logonet, omaawi eeppanege kagak, an yi eekak ndi eekak abok eeriyak op aret kage minggirak o.

Kolote 1:27

Wone alik negen mondok iya lombok eeppinaniyak kagak kumaarak wonagagerak nogo, at Ala nen, “Peebi aakumi endekem konenggulik mendek inom ineenu eeppiyaakit,” mbareegerak nogo, yogondak iluk aret it at apuri ineenu eeppiigerak o. Wone kumaarak wonagagerak eebe nogo ti, Keritut ninom kunik wonogwe nogo aret. Ndi, ninom kunik me, peebi at ninom ndak-ndak tiyanak logowok nduk, eeppinaniyak niniki lunik wonogwe abet aret kola nagun nineenu ee'ninake niniki me wonage nogo ti, Keritut aret o.

1 Tetalonika 1:10

ndi, Ala nen at aput Yetut kambunuk nogo menggam nen eenik agago mippege mbareegi, peebi anini nen nit maluk eeppinanege kero, ninagap ndareegerak Yetut mbogut paga nen wambi woroorak nduk, kit tokkogo monggotak nogo inom, abok aret nit yo'nirogo menggaarak.

1 Tetalonika 5:10

At ninom nineenik mondok logowok nduk, nit ninake kambeegerak me, nineenik wonogwe kenok, kanggwi kenok, op mban aret o.

Titut 2:14

Nit yi maluk ndi maluk eeko monggoorak nogo eeko logokwak ninonggo mbanogo piinogo pinanege, ndi, “An napuri nake leenak logonet, obeelom eeriyak iniki aganggen paga eerit nugu logowak,” mba'nuk, ninomaluk koorogo pinanege, eerikit nduk, nit ninake niya wagagerak.

Iberani 8:3

At Ala unde inowe nggwok nogo ti, yi mendek ndi mendek Ala ake pege, at ake warogo wogoge, eeke logowak nduk, leenogo mippogo menggaarak nogo ndak-ndak, Ala unde nit ninowe nggwok yi nogo kunduk, ninake eeke logonet, at we eeke logorak meek o. At togon amendek ambi Ala ake puurak aret o.

1 Peterut 1:8

Kit Yetut kinigen kaga'lek kwe, kagak, kiniki kunik eekwi, ndi, yogondak at eebe kinigen kaga'lek kwe, kiniki at oba panggombunuk, abet mbakwi, eeko logonet, “Nit niniki abet mbakwi nogo, anggen yugu paga nineebe ninagap ndarigin,” mba'nuk, kiniki ale'nggen mbakwi nogo ti, mondok nggwok alik negen agaarak me, nonggop togon mbininogo yuubok aga o.

1 Yaya 1:7

Togop kwe, at Ala o eya paga wonage menggi kwak, nit o eya paga nogwe niinok perak, ninoreewi ninom kunik aret logogun me, at aput Yetut amiya paga ninomaluk abok aret lek eerogo pinanegak mban eeke logogin o.

1 Yaya 4:14

Ndi, ninogoba nen yi aakumi ndi aakumi abok aret inagap ndaruwak nduk, at aput nappi wagagerak nogo ninigen kogo nogogurik, paganogo yokkirogo monggoorak.

1 Yaya 5:20

At Ala aput wambi wage nagagerik, Ala ambit alik lombok menggerak nogo nit liippuwok nduk nineenu eeppinaneegerak o. Ndi, at alik lombok menggerak Ala aput Yetut Keritut imbirak ninom niniki ambit kunik aret ogoorik o. At Yetut Keritut ti, at alik lombok menggerak Ala nogo aret me, nineenik mondok logorak unde eeppinanege menggerak alom at aret o.

Wayu 3:20

An tunggambe paga mi'ndak logonet, tu puk-puk eeke nogo liippanuwak o. Aap ambi an tu puk-puk eeke nogo, aruk konembunuk, tu paa'neege kenok, an ka unggwage logominggirik, nimbirak niniki ambit lambunik nore-kore logonet, mbi nonggo logogun o.