Nggalatiya 2:15 - Ala Wone Peenok Peebi Mbanak

¹⁵ “It aap endekem konenggulik mendek ti maluk mendek o,” yogwe nogo, nit aap togoti mendek lek o. Nit aap Yakuri mendek abet aret nda'nogogurak kwe,

Nggalatiya 2:15 ပူးပေါင်းရင်းမြစ်များ

Matiyut 9:11

Inom mbi nunggwi nogo it aap Pariti mendek nen iigo nogogwaarik, Yetut oone waganggwi nogo yorogo logonet, “Kinowe ngguru yi, it aap o unde inake wu kuwak eeka mendek inom, it maluk eeka mendek inom, inom lambunik logonet, nonggop nduk mbi nengge agaarik o?” yinuk, yorogogwaarak.

Nappiigak 22:21

Yoge mbareegi, ti'nuk, nogoba nen an yo'nege logonet, It aap endekem wonogo menggam o nda time nappagarak, mbakirak me, nak o, yo'nege kagagirak o,” yinuk, yoragagerak.

Oroma 3:9

Togop me, nonggop yuwok o? Nit Yakuri mban iya, ndi, it aakumi endekem konenggulik mendek ti, meek, mbakop? Mondok lek o.

Oroma 4:16

Togop me, it aakumi Muta yoreegerak wone nogo woppunuk eeko menggaarak inom, ndi, at Abarakam iniki abet mbareegerak kwak, it abet mbakwi inom, nit abok ninombo Abarakam aret me, Ala nen abok yoreegerak woorak ti, at ombowologwe nit eekwi paga lek o. Ata, “Abet mbakwi paga Ala iniki kunik en onggo lek we aret unde eeppinanege kagi,” mbaruwok nduk, yoreegerak.

Nggalatiya 2:17

Keritut niniki abet mbakwi paga, “Aap yi, oba lek o,” yinuk, nit obeelom agago pinanuwak nduk, eeko logonet, “It aakumi endekem mendek maluk eeko menggaarak ndak-ndak, nit eeko monggoorak kogo o,” yinuk, mbako logonet, “Keritut abet mbakwi wone nogo paga ninomaluk kenom agagerak me, Keritut ti maluk aret o,” yinuk, yuurak op mbakop? Mondok mage o, noreewi.

Epetut 2:3

It Ala wone taganogo punuk, maluk eeko nogogwaarak paga Ala anini inoba piyoorak wonogogwaarak nogo ndak-ndak, nit kunduk, togop aret niniki maan mendek nen yo'nirage kagak niniki nengge kenok mugurok nogwe, maluk eeriyak ee'ninake kenok eerit nogwe, maluk eeriyak mban koonit nugwi, eeko nogogurak paga Ala anini mondok ninoba pinaniyak aret wonogogurak kwe,

Pilipi 3:4

It ando nen, “Neebe ndogop eeppaneegwaarak o,” yinuk, ti paga iniki panggombunuk, tiyappatiyak mbakwi nogo ti, mbuuluk eeppiyareegwaarak kagak mbakwi, ndi, an perak, iya lombok eeppaneegwaarak me, niniki ti paga panggombunuk, tiyappatiyak op aret kwe, “Ti paga nen ambi eekkoloorak lek,” mba'nuk mbo pereegirak nogo yi aret o.

Titut 3:3

Nit kunduk, maan togop aret nineenggo'lek wi negen wonogwe, wone yo'niragaatak konengga'lek wonogwe, tu alik me nomo agan nogwe, aap ambi ayeloman yoge kenok, “E o,” yinuk, eeke menggi kwak, nit niniki nengge kenok eeriyak ninikilom mbakwi nogo mban eekwi, eeko nogogurak. Yi mendek ndi mendek eerit nogo logonet, maluk mban eekwi, neebi-keebi yogwe, nanini-kanini yogwe, ti mendek mban eeko nogogurak kwe,

1 Tamuwen 15:18

Amburu eerogo mippagago mbareegwa, Aliku ALA nen kat yokkege logonet, It aakumi Amalek inobaabut maluk mendek ti, kinom wim nambuke logonet, ineebe mondok pup eerogo inoori nak o, yinuk, nappagagerak nogo lek a?