Nggalatiya 2:14 - Ala Wone Peenok Peebi Mbanak

¹⁴ Ndi, an togon Ala nen abet aret yereegerak obeelom wone yugu kagak alik eerit nugwi iige nagagirik, it apit inenggaanom paga Peterut yoge logonet, “Kat aap Yakuri mendek aret kwe, it Yakuri mendek eeko mengga kwak eeka'lek logonet, it endekem mendek eeko menggaarak nogo op aret eekendak kwe, yogondak it endekem mendek nen it Yakuri mendek eekwi kwak eeko logowak nduk, nonggop nduk mamunirage agandik o?” yinuk, enggali wappereegirak.

Nggalatiya 2:14 ပူးပေါင်းရင်းမြစ်များ

Ndawi 141:5

It aap iniki abe koonak nen nookwi iinok ti, Nabuwa nen ee'nakwi me, nookwi, It nen aret naruk wakwi iinok ti, Obeelom aruwak nduk amburu eeppiigo mengga kwak Eeppanugwi me, naruk wakwi, Eeruwak o. It eeppanugwi nogo ti, “Neebi,” yigin lek, “Op aret,” yigin kwe, It aap maluk eeka nen eeppaniyak mbakwi iinok perak, “Neebi,” lombok mbake minggirak me, Eeppanugwi iyo, tamban mban eeke minggirak o.

Ndawi 15:2

It maluk inoba lenggengga'lek kagak nugwi kenok, Wone yugu a'me liirogon eekwi kenok, Inikime nen wone abe wone mban yogwe kenok,

Ndawi 58:1

Kit o unde monggotak nagawan-nagawan yi wae. Kit wone a'me liirogon mbanggwi mbakop? Aakumi eekaatak ndak-ndak inowak loonggwi mbakop?

Ndawi 84:11

Oonegen kwak obeelom eerogo pinanege, Nggeemu kwak mulunogo pinanege, Eeke menggendak Kaliku Ala aret o. Kaliku ALA ninabuwa nen obeelom eerogo pinanege, Ninendage tiyappinanege, Eeke menggendak me, Aap inoba maluk lenggenak lek abe mban eekwi iinok, Yi mendek ndi mendek obeelom eeppiige nogo Ambi ili ari lek nggwik togon eeppiige menggendak o.

Kini Wuppiige 10:9

Aap wi-wi aganakulik kenok ti, tu kuuri'me aret nugu menggaarak kwe, Aap wi-wi aganaka perak, at eeke nogo aakumi ineenu ogo menggaarak.

Ala Unde 19:17

Inore ambi maluk eeremenggerak paga, Peebi maluk eeppikit o, yinuk, inikime mban kumaapporogo wonogwe iinok, inom ndak-ndak maluk aret me, Aap yi neebi o, yinuk, ambi eeppikit nduk inikime kumaapporogo logorak mage o. Ata, maluk eeremenggerak nogo kin paga aret aruk wako logowak o.

Nappiigak 10:28

yorage logonet, “Nit Yakuri kit endekem mendek nogo ninom lambunggwi, kiya nogwe, eeriyak mage yugu nogo kineenu kwe, Ala nen, It aakumi ti, maluk mendek o. It aap ti, oba mbeenak lek o, togoti yuurak mage o, yinuk, naruk wakerak me,

Nappiigak 15:1

Nogome wonogwe me, it Yureya mendek ando o Andiyokiya nogo nogogwaarik, ninoreewi Ala apuri time yorogo logonet, “At Muta nen, Aap inagabolo mbaniyak o, yo'niragagerak nogo ti ndakndak eekkinaka'lek kenok, kit kinagap ndarigin lek o,” yinuk, yorogo mbareegwa,

Nappiigak 15:24

It ando ninom monggoorak nogo, nit nen nappiya woroolik kagak, kinowagam wogo nagaarik, Yogop ee'nip o, yinuk, yokkiragaarak nogo paga, kiniki taganogo pinagago mbaka, kiniki piirik wonogwe nogo, ninaruk konenggoorak o.

Nappiigak 15:5

Mbininogo yorogogwaarak kwe, it Pariti mendek wone abet mbareegwaarak ando nogo nen mi'nogo nogogwaarik, “Lek o. It endekem mendek kunduk, inagabolo mbanogo punuk, Ala wone yugu Muta liiru mbaneegerak nogo eeko logowak nduk yoroorak aret o,” yinuk, yorogogwaarak.

Oroma 14:14

Yi mendek ndi mendek aburen mage ageelik o. Aakumi nen, “Yi mage o,” yinuk, iniki aberak wonogwe iinok ti, “Mage mendek aret age menggerak o,” yinuk, an nen yokkirage lek o. Ata, ninowe Yetut nimbirak ambit a'nuk yo'nege kenok, “Abet aret kagi,” yinuk, yokkirage agarik o.

Nggalatiya 1:18

Ti'nuk, tahun 3 eeppunuk, aap Kepat pekkaagin o Yerutalem nage nagagirik, nimbirak abet aret nogo 15 yereegirak kwe,

Nggalatiya 1:6

At Keritut kinabuwa mba'nuk kambeegerak nogo paga, Ala nen obeelom eerogo pinagakit nduk miikkinabeegerak nogo kagak mbo punuk, wone alik mendek ambi mbet-mbet woorak eekwi kiige nagarik, “Wi!” kirage agarik o.

Nggalatiya 2:3

Nogo yorage nagagirik, at ninore ninom nogogurak Titut nogo, aap Yunani mendek me, it aap ando we piliret, “Nit kinoreewi aret o,” yinuk, ninenggela'me unggwi wogogwaarak nogo nen, “Agabolo mbaniyak,” mbakwi iyareegurak kwe, it ninoweewi nogo perak, “Mbaniyak,” yo'niraga'lek puk mban wonogwe iyareegurak. It aap ti, nit Keritut Yetut ninom kunik logonet, wondet agago pinaneegerak wone kologo logonet, Yakuri wone mbo pereegurak nogo, ambinom eeko logorak yilinogo pinanuwak nduk, unggwi wogogwaarak kwe,

Nggalatiya 2:5

kit Ala abet aret ari menggerak wone obeelom wone waganeegutak nogo mban enaani porogo logonet, eerit nogo logobagip nduk, it eeriyak nduk unggwi wogogwaarak nogo, “Ambiriluk ambi eeruwok o,” yinuk, “E o.” yoroolik mbo piyareegurak.

Nggalatiya 2:7

Ala nen at Peterut it Yakuri mendek yorage logorak unde eeppereegerak kwak, an togon, it aakumi konenggulik mendek yorage logorak unde eeppaneegerak me, wone obeelom wone it aakumi inagabolo mbanak mendek Peterut nen yoranet nage kagak, Ala nen it eeppiyoorak mbareegerak nogo kokwak, an ndak-ndak obeelom wone it aap endekem konenggulik mendek yoranet nage neegak, it eeppiyoorak mbareegerak kogo nogogwaarik,

Nggalatiya 2:9

it Ala apuri kuwak eerit nogwe pippiirogo menggaarak o Yerutalem wonogwe nogo, Yakobut kunduk, Peterut kunduk, Yaya kunduk, nogo nen Mbaranabat nimbirak yo'nirogo logonet, “Ala iniki kunik nen unde eeppinagareegerak me, op aret o. Kit aakumi endekem mendek yora nogwe, ndi, nit inagabolo mbanak mendek yorogwe, eeko logowok o,” yinuk, keyage warogo nappinaneegwaarak.

Nggalatiya 6:12

It aakumi nen, “Ia!” ninombaruwak nduk, wogoppatit nugwi nogo ti, Keritut eyo karo-karo paga kambeegerak wone yoranet nugwi paga piyak-payak eeginaburak inagabiti mbako logonet, “Kinagabolo mbaninip o,” yinuk, inoone omaawi paga yokkirogo menggaarak.

Kolote 1:5

Ala ari menggerak wone obeelom wone yokkirogo logonet, “Kit abet mbakwi kiinok, kinake aago mbogut paga wonage o,” yinuk, aa'nduk yokkirogogwaarak nogo konembunuk, mondok kola noorak kiniki lunik logonet, kiniki abet mbakwi, kinoreewi kiniki kunik aganakwi, eekwi yogwe konenggo nogoorik, yokkirogo o.

1 Timotiyut 5:20

Aap ambi nen maluk mban eeke kenok, it aakumi abok inagabiti mbaruwak nduk, nggwok paga aruk wake logonu o.

Iberani 12:13

kiniyok andi nogo abunuk andi eekkinake kero, obeelom aruwak nduk, tu abe mot-mot yarak paga nogo logonip o.

Iberani 9:10

It yi mendek ndi mendek Ala wogori wogo nogogwaarak nogo ti, ineebe op logowok nduk, “Mbi inom, niyo inom, ndogop eerogo punuk nunggwi, kinabin ndogop eerogo kookwi, eeko logonip o,” yinuk, wone yugu kagak alik eeko nagaatik, onggo pi wagak eeko nogogwaarak me, peebi wone ngget mendek kin ari wage kenok, lek eerogo puwak nduk, eeko nogogwaarak kwe,