Nggalatiya 1:9 - Ala Wone Peenok Peebi Mbanak

⁹ Kit aa'nduk obeelom wone waganeegutak nogo kagak, aap ambi nen wone alik mendek ambi wonok yokkira wage kenok, “At kugi pulu aago pogom logonet, kambuwak o,” yinuk, yokkirogo nogogurak nogo ndak-ndak yogondak ambinom yi aret yokkiragi o.

Nggalatiya 1:9 ပူးပေါင်းရင်းမြစ်များ

Kini Wuppiige 30:6

Mbekkirage logonet, pilit pugunggwi kiyokwak At wone ari menggerak kagak ambi inom nabenogo puurak mage o.

Yeremiya 23:16

At Omaawi Lombok Menggerak Aliku ALA nen yegerak nogo yi aret. “An yorage neegak yoraga negen nogo nen ambi eeppiyoorak lek mendek iniki lunik logowak nduk, yorogwe, Naliku ALA nen yoraga'lek neegak inalik iniki koombunuk, Nabinggaanggo ndogop kagarak o, yinuk, yorogwe,

Nappiigak 18:23

Time wonagagerik, ti'nuk, peebi o time lambembunuk, yi awi ndi awi o Nggalatiya inom, o Perigiya inom, yanggwagak nege logonet, Yetut oone waganggwi nogo iniki nu'lek logowak nduk, yoranet nege nagagerak.

Oroma 16:17

Noreewi o. Kit wone waganeegutak nogo it aakumi nen woorak ineebi nen mbo punuk, aakumi iniki ogoorogo piinet nugwi, it aakumi abet mbareegwaarak nogo iniki abut laganogo piinet nugwi, eeginabit nugwi iyo, kinigen liippiigo logobagip nduk, an, “Ao,” mbake logonet, yokkirage agarik o. It aap ti, kinom lambungga'lek mondok ogoorak aret logonip o.

2 Korindut 1:17

“At koonggerak nogo ti, iniki ambime nappegak eeke logonet, ari,” nomba'nuk, yogo ogotik? “An nobaalombok mban eekkolaakit,” koombunuk, “Noorak,” mbake logonet, “Neebi,” ari, ndi, “Noorak neebi,” mbake logonet, “Noorak,” ari, eeke minggirak mbakop?

Pelaareegerak 12:32

Ndi, an wone lengganogo yokkirage yi abok aret eerit nogo logonet, wone alik ambi nabenogo pugwi, ambi mbo pugwi, eeriyak mondok mage o,” yinuk, yoragagerak.

Pelaareegerak 4:2

An wone lengganogo yokkirage yi, kit nen ambiriluk ambi taganogo mbo pugwi, alik mendek ambi inom nabenogo pugwi, eeriyak mondok mage o. Ata, at Aliku kinogoba Ala nen wone, Yogop ee'nu ndogop ee'nu, yugu an nen yokkirage yi, kinaruk konembunuk, liirogon aret eeko logomunggup o.

Pilipi 3:1

Noreewi o. “Kinowe kinom kunik logonet, kiniki ale'nggen aret logonip o,” yinuk, wone irip paga yokkiragi ti aret o. An aa'nduk liiru mbanggiragagirak nogo ndak-ndak, peebi mbanggiroorak neebi mbakeelik o. Kit kiniki nu'lek logobagip nduk, mbanggiroorak op aret mbake agarik o.

Pilipi 4:4

“Ninowe kinom kunik logonet, kiniki ale'nggen mban mbako logonip o,” yinuk, ne mbere paga yokkiragi o, noreewi.